ନୂଆଦିଲ୍ଲୀ,୧୦।୨: ଭାରତୀୟ ନୌସେନା ଚଳିତ ମାସ ଇଣ୍ଟରନ୍ୟାସନାଲ ଫ୍ଲିଟ୍ ରିଭ୍ୟୁ କରିବ। ଏଥିରେ ବହୁ ଆଫ୍ରିକୀୟ ଦେଶ ମଧ୍ୟ ସାମିଲ ହେବେ।ଏହା ଏଥି ପାଇଁ ଗୁରୁତ୍ବପୂର୍ଣ୍ଣ, କାରଣ ଚୀନ୍ ଗତ ଏକ ଦଶକ ହେବ ନିଜର ଫୋକସ୍ ଆଫ୍ରିକୀୟ ଦେଶ ଉପରେ ରଖିଛି। ଭାରତ ପାଇଁ ଆଫ୍ରିକୀୟ ଦେଶ ସାମରିକ ଓ ବ୍ୟାପାରିକ ଭାବରେ ଗୁରୁତ୍ବପୂର୍ଣ୍ଣ ରହିଛି। ଭାରତ ଓ ଆଫ୍ରିକୀୟ ଦେଶର ସମ୍ପର୍କର ଝଲକ ବିଶାଖାପାଟନମରେ ୧୫ ଫେବୃଆରୀରୁ ୨୫ ଫେବୃଆରୀ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଇଣ୍ଟରନ୍ୟାସନାଲ ଫ୍ଲିଟ୍ ରିଭ୍ୟୁ ଓ ‘ମିଳନ୍’ ଏକ୍ସରସାଇଜ୍ରେ ମଧ୍ୟ ଦେଖିବାକୁ ମିଳିବ।
ଇଣ୍ଟର ନ୍ୟାସନାଲ ଫ୍ଲିଟ୍ ରିଭ୍ୟୁରେ ସାମିଲ ହେଉଥିବା ଦେଶ ଭିତରେ ୨୦ରୁ ଅଧିକ ଆଫ୍ରିକୀୟ ଦେଶ ରହିଛି। ଏହି ଦେଶ ଆଫ୍ରିକାର ଇଷ୍ଟକୋଷ୍ଟ ସହିତ ଓ୍ବେଷ୍ଟକୋଷ୍ଟ ମଧ୍ୟ ରହିଛି। ନୌସେନା ଅନୁସାରେ, ସେଶେଲ୍ସ ଓ ସାଉଥ୍ ଆଫ୍ରିକା ନିଜର ଓ୍ବାରସିପ୍ ସହିତ ସାମିଲ ହେବ। ସେଭଳି ବାକି ଦେଶ ନିଜର ଅଧିକାରୀଙ୍କ ସହିତ ଭାଗ ନେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ମିଶନର ନାଁ ‘ସାଗର’ରୁ ‘ମହାସାଗର’ର ମନ୍ତ୍ର ରଖିଛନ୍ତି। ନୌସେନା ଏହାକୁ ଆଗକୁ ବଢାଇପାରେ ଲାଗିଛି। ଏଥିରେ ଆଫ୍ରିକୀୟ ଦେଶର ଖୁବ୍ ଗୁରୁତ୍ବ ରହିଛି, କାରଣ ଆତ୍ମନିର୍ଭର ଭାରତ ଅନୁସାରେ, ଦେଶରେ ତିଆରି କରାଯାଉଥିବା ଉପକରଣ ପାଇଁ ଆଫ୍ରିକୀୟ ଦେଶ ଏକ ବଡ଼ ବଜାର ପାଲଟିଛି।
ଆଫ୍ରିକୀୟ ଦେଶରେ ଥିବା ଖଣିଜ ସମ୍ବଳ ଓ ହାଇଡ୍ରୋ କାର୍ବନ କ୍ଷେତ୍ରରେ ଭାରତ ତା’ର ସାହାଯ୍ୟ କରିପାରେ। ନିଜ ଶକ୍ତି ଆବଶ୍ୟକତାକୁ ପୂରା ବି କରିପାରେ। ଭାରତ ଆଫ୍ରିକୀୟ ଦେଶ ସହ ପ୍ରତିରକ୍ଷା ସହଯୋଗକୁ ମଧ୍ୟ ମଜବୁତ କରୁଛି। ଭାରତରେ ଆୟୋଜିତ ଜି-୨୦ ଶିଖର ସମ୍ମିଳନୀ ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଫ୍ରିକୀୟ ସଂଘକୁ ଜି-୨୦ର ସ୍ଥାୟୀ ସଦସ୍ୟ ରୂପରେ ସାମିଲ କରିବାର ସମର୍ଥନ କରିଛି। ଏହା ଏଭଳି ଏକ ପଦକ୍ଷେପ ଯାହାଦ୍ବାରା ଆଫ୍ରିକୀୟ ଦେଶ ପ୍ରତି ଭାରତର ଦୃଷ୍ଟିକୋଣ ଓ ସମ୍ପର୍କ ସ୍ପଷ୍ଟ ଭାବରେ ଦେଖାଯାଉଛି।
ଅକ୍ଟୋବର ୨୦୨୪ରେ ରାଷ୍ଟ୍ରପତି ଦୌପ୍ରଦୀ ମୁର୍ମୁ ଷ୍ଟେଟ୍ ଭିଜିଟରେ ଆଲଜେରିଆ ଯାଇଥିଲେ। ସିଡିଏସ୍ ଜେନେରାଲ ଅନିଲ ଚୌହାନଙ୍କ ଆଲଜେରିଆ ଗସ୍ତ ବେଳେ ମଧ୍ୟ ଆଲଜେରିଆ ପିପୁଲ୍ସ ନ୍ୟାସନାଲ ଆର୍ମି ସହ ପ୍ରତିରକ୍ଷା ସହଯୋଗ ଉପରେ ଏମ୍ଓୟୁ ସାଇନ୍ କରାଯାଇଛି। ଅପରେସନ୍ ସିନ୍ଦୁର ପରେ ଭାରତୀୟ ସେନା ମୁଖ୍ୟ ଜେନେରାଲ ଉପେନ୍ଦ୍ର ତ୍ରିବେଦୀ ନିଜର ପ୍ରଥମ ବିଦେଶ ଗସ୍ତ ଆଫ୍ରିକୀୟ ଦେଶ ଆଲଜେରିଆ ଗସ୍ତ କରିଥିଲେ। ଏହି ମଜବୁତ ହେଉଥିବା ସାମରିକ ସମ୍ପର୍କ ପଛରେ ଏକ କାରଣ ଆଫ୍ରିକୀୟ ଦେଶ ଉପରେ ଚୀନ୍ର ପ୍ରଭାବକୁ କମ୍ କରିବା ମଧ୍ୟ ରହିଛି।
ଆହୁରି ପଢନ୍ତୁ : ‘ଅଯୋଧ୍ୟାର ସେ ଜମି ବାବ୍ରି ମସଜିଦ୍ର ଥିଲା ଓ ରହିବ, ମୌଲାନା ଜର୍ଜିସ ଅନସାରୀଙ୍କ ବୟାନକୁ ନେଇ ବଢିଲା ବିବାଦ
