ଆନନ୍ଦପୁର, ୨୯/୦୪ : ମୋଚିନ୍ଦା ପଞ୍ଚାୟତରେ ସାଂସଦଙ୍କ ଅନୁଦାନ ପାଣ୍ଠିର ନିର୍ମାଣ କାର୍ଯ୍ୟକୁ ନେଇ ମହିଳା ସହକାରୀ ଯନ୍ତ୍ରୀ ଅର୍ଣ୍ଣପୂନ୍ନା ଘଡେଇଙ୍କୁ ଦୁର୍ବ୍ୟବହାର ଘଟଣା। ଆନନ୍ଦପୁର ବ୍ଲକ ସାଂସଦ ପ୍ରତିନିଧିଙ୍କ ନାମରେ ଥାନାରେ ଲିଖିତ ଅଭିଯୋଗ। କାର୍ଯ୍ୟାନୁଷ୍ଠାନ ଦାବିରେ କର୍ମଚାରୀଙ୍କ କଲମ ଛାଡ଼ ଆନ୍ଦୋଳନ।
ସୂଚନାନୁଯାୟୀ, ସୋମବାର ସକାଳେ ମହିଳା ସହକାରୀ ଯନ୍ତ୍ରୀ ନିଜ ସରକାରୀ ବସଭବନରେ ଥିବା ସମୟରେ ଆନନ୍ଦପୁର ବ୍ଲକ ସାଂସଦ ପ୍ରତିନିଧି ଓ଼ ତାଙ୍କର ୪୦ ରୁ ୫୦ ସମର୍ଥକ ମହିଳା କନିଷ୍ଟ ଯନ୍ତ୍ରୀଙ୍କ ସରକାରୀ ବାସଭବନରେ ପହଞ୍ଚି ତାଙ୍କୁ ଗାଳି ଗୁଲଜ କରିବା ସହ ଧମକ ଦେଇଥିଲେ। ଏନେଇ ସାଂସଦ ପ୍ରତିନିଧିଙ୍କ ନାମରେ ଥାନାରେ ଲିଖିତ ଅଭିଯୋଗ ହୋଇଛି। ଏହି ଘଟଣାର ପ୍ରତିବାଦରେ ମଙ୍ଗଳବାର ଆନନ୍ଦପୁର ବ୍ଲକ କାର୍ଯ୍ୟାଳୟରେ ସମସ୍ତ ଯନ୍ତ୍ରୀ ଓ଼ କର୍ମଚାରୀ କଲମ ଛାଡ଼ ଆନ୍ଦୋଳନକୁ ଓହ୍ଲାଇଛନ୍ତି। ଯେପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନହୋଇଛି ସେପର୍ଯ୍ୟନ୍ତ କାର୍ଯ୍ୟରେ ଯୋଗଦେବେ ନାହିଁ ବୋଲି କର୍ମଚାରୀ ଚେତାବନୀ ଦେଇଛନ୍ତି।
