ଭଦ୍ରକ ,୨୯/୦୮: ପୂର୍ବ ଶତ୍ରୁତାକୁ କେନ୍ଦ୍ର କରି ଉନ୍ମୁକ୍ତ କାଣ୍ଡ। ମୁମ୍ବାଇରେ ଓଡ଼ିଆ ଯୁବକଙ୍କୁ ବିଭତ୍ସ ହତ୍ୟା। ଏନେଇ ଢେଙ୍କାନାଳ ଜିଲ୍ଲାର ୩ ଯୁବକଙ୍କୁ ଗିରଫ କରାଯାଇଛି। ତେବେ ମୃତ ଯୁବକ ଜଣକ ଭଦ୍ରକ ଗ୍ରାମାଞ୍ଚଳ ଥାନା ଅଧୀନ କୁସୁନନଗର ଗାଁର ସନ୍ତୋଷ ପଣ୍ଡା ବୋଲି ଜଣାପଡ଼ିଛି।
ସୂଚନା ମୁତାବକ, ଭଦ୍ରକର କୁସୁନନଗର ଗାଁର ସନ୍ତୋଷ ପଣ୍ଡା ମୁମ୍ବାଇର କୋହଲାପୁରଠାରେ ଏକ କପଡା କମ୍ପାନୀରେ ଦୀର୍ଘ ବର୍ଷରୁ ଅଧିକ ଦିନ ଧରି ଇନ୍ ଚାର୍ଜରେ ଥିଲେ । ତେବେ ଢେଙ୍କାନାଳ ଅଞ୍ଚଳର କେତେକ ଯୁବକ କମ୍ପାନିରେ ଡ୍ୟୁଟି ସମୟରେ କାମ କରୁନଥିବା ବେଳେ ସନ୍ତୋଷ ଏ ନେଇ ମାଲିକଙ୍କୁ ଜଣାଇଥିଲେ । ଯାହାକୁ ନେଇ କିଛି ଦିନ ପୂର୍ବରୁ ସେମାନଙ୍କ ସହ ଝଗଡା ହୋଇଥିଲା । ହେଲେ ଗଣେଶ ପୂଜା ପର ଦିନ ରାତି ଡ୍ୟୁଟି ଥିବାରୁ ସନ୍ତୋଷ ପଣ୍ଡା ରୁମ୍ ରୁ ବାହାରିଥିଲେ । କିନ୍ତୁ ରାତି ୧୦ ପରେ ତାଙ୍କ ସ୍ତ୍ରୀ ଓ ପୁଅଙ୍କୁ ଖବର ମିଳିଥିଲା ଯେ ସନ୍ତୋଷଙ୍କୁ ରଡ଼ରେ ଆକ୍ରମଣ କରି ୩ ଜଣ ଯୁବକ ହତ୍ୟା କରିଛନ୍ତି । ଏନେଇ ଥାନାରେ ହତ୍ୟା ଅଭିଯୋଗ ପରେ ସ୍ଥାନୀୟ ଲୋକଙ୍କ ବୟାନ ଆଧାରରେ ସ୍ଥାନୀୟ ପୁଲିସ କମ୍ପାନିରେ କାମ କରୁଥିବା ଢେଙ୍କାନାଳ ଅଞ୍ଚଳର ତିନି ଜଣ ଯୁବକଙ୍କୁ ଅଟକ ରଖିଥିବା ପରିବାର ଲୋକେ ସୂଚନା ଦେଇଛନ୍ତି । ସେପଟେ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଯିବ ବୋଲି ସୂଚନା ମିଳିଛି।
ସେପଟେ ମୃତ ସନ୍ତୋଷଙ୍କ ଭାଇ ଘଟଣାକୁ ନେଇ ଭଦ୍ରକ ଗ୍ରାମାଞ୍ଚଳ ଥାନାରେ ଅଭିଯୋଗ କରିବା ସହ ମୃତଦେହ ଆଣିବାକୁ ଦାବି ରଖି ଛନ୍ତି। ଅନ୍ୟପଟେ ଘାଟଣାକୁ ନେଇ ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ମୃତ ସନ୍ତୋଷଙ୍କ ପତ୍ନୀ ଚିନୁଙ୍କ ଏବଂ ତାଙ୍କ ପରିବାର ଲୋକଙ୍କ ସହ କଥା ହୋଇଛନ୍ତି । ଏଥିସହ ସାଂସଦ କୋଲାଲପୁର ଥାନା ଓ ଭଦ୍ରକ ଥାନା ପୁଲିସ ସହ ଆଲୋଚନା କରିଛନ୍ତି।
