ନୂଆଦିଲ୍ଲୀ,୨୬/୦୪: ଜମ୍ମୁ ଏବଂ କାଶ୍ମୀରର ପହଲଗାମରେ ନିକଟରେ ଘଟିଥିବା ଆତଙ୍କବାଦୀ ଆକ୍ରମଣ ପରେ ସୁରକ୍ଷା ଚିନ୍ତା ବୃଦ୍ଧି ପାଇବା ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମରେ, ଗୁଇନ୍ଦା ସଂସ୍ଥାଗୁଡ଼ିକ କେନ୍ଦ୍ରଶାସିତ ଅଞ୍ଚଳରେ ସକ୍ରିୟ ଭାବରେ କାର୍ଯ୍ୟ କରୁଥିବା ୧୪ ଜଣ ସ୍ଥାନୀୟ ଆତଙ୍କବାଦୀଙ୍କ ଏକ ତାଲିକା ପ୍ରସ୍ତୁତ କରିଛନ୍ତି। ସୂତ୍ର ଅନୁଯାୟୀ, ୨୦ ରୁ ୪୦ ବର୍ଷ ବୟସର କିଛି ବ୍ୟକ୍ତିମାନେ ପାକିସ୍ତାନରୁ ବିଦେଶୀ ଆତଙ୍କବାଦୀଙ୍କୁ ଅନୁପ୍ରବେଶ ପାଇଁ ସହାୟତା ଯୋଗାଉଛନ୍ତି। 

ଚିହ୍ନଟ ହୋଇଥିବା ତିନୋଟି ପ୍ରମୁଖ ପାକିସ୍ତାନ ସମର୍ଥିତ ଆତଙ୍କବାଦୀ ସଂଗଠନ ସହିତ ଜଡ଼ିତ ଥିବା ରିପୋର୍ଟ ହୋଇଛି। ଏଥି ମଧ୍ୟରେ ହିଜବୁଲ୍ଲାହ ମୁଜାହିଦ୍ଦିନ, ଲଶ୍କର-ଏ-ତୋଇବା (ଏଲ୍‌ଇଟି) ଏବଂ ଜୈଶ-ଏ-ମହମ୍ମଦ (ଜେଏମ) ଆତଙ୍କୀ ସଂଗଠନ ଅଟନ୍ତି। ଏଥିମଧ୍ୟରୁ ୩ ଜଣ ହିଜବୁଲ୍ଲାହ ମୁଜାହିଦ୍ଦିନ୍, ୮ ଜଣ ଏଲ୍‌ଇଟି ଏବଂ ୩ ଜଣ ଜେଇଏମ ସହିତ ଜଡ଼ିତ। ସୂଚନାନୁସାରେ, ଏହି ଆତଙ୍କୀମାନେ ହେଲେ ଆଦିଲ ରେହମାନ ଡାଣ୍ଟୁ (୨୧), ଅସୀଫ ଅହମ୍ମଦ ଶେଖ (୨୮), ଅହସାନ ଅହମ୍ମଦ ଶେଖ (୨୩), ହରିସ ନାଜିର (୨୦), ଆମୀର ନାଜିର ୱାନି (୨୦), ୟାୱାର ଅହମ୍ମଦ ଭଟ୍, ଅସୀଫ ଅହମ୍ମଦ ଖାନ୍ଦି (୨୪), ନାସିର ଅହମ୍ମଦ ୱାନ (୨୧), ସହିଦ ଅହମ୍ମଦ ଅହମ୍ମଦ (୨୭) ୱାନି (୩୯), ହାରୋନ୍ ରସିଦ ଗଣାଇ (୩୨) ଏବଂ ଜାକିର ଅହମ୍ମଦ ଘାନି (୨୯)।

ଏମାନେ ମଧ୍ୟ ଲିଷ୍ଟରେ ସାମିଲ:

ଜୁମ୍ୱର ଅହମ୍ମଦ ୱାନି ଓରଫ ଆବୁ ଉବୈଦା ଓରଫ ଉସମାନ ଜାମ୍ମୁ କାଶ୍ମୀରର ଅନନ୍ତନାଗ ଜିଲ୍ଲାର ହିଜବୁଲ୍ଲାହ ମୁଜାହିଦ୍ଦିନର ମୁଖ୍ୟ କାର୍ଯ୍ୟନିର୍ବାହୀ କମାଣ୍ଡର ଅଟେ।। ତାକୁ A+ ସକ୍ରିୟ ଆତଙ୍କବାଦୀ ଭାବରେ ବର୍ଗୀକୃତ କରାଯାଇଛି ଏବଂ ସେ ଅନ୍ୟ ଆତଙ୍କବାଦୀମାନଙ୍କୁ ଗୁରୁତ୍ୱପୂର୍ଣ୍ଣ ଭାବରେ ସହାୟତା କରେ। ୨୦୧୮ ମସିହାରୁ ସୁରକ୍ଷା ବାହିନୀ ଉପରେ ଅନେକ ଆକ୍ରମଣରେ ସେ ସାମିଲ ଅଛି। ଅନନ୍ତନାଗର ଜଣେ ସକ୍ରିୟ ହିଜବୁଲ୍ଲାହ ମୁଜାହିଦ୍ଦିନ ଆତଙ୍କବାଦୀ ହାରୁନ୍ ରସିଦ୍ ଗଣାଇ ସୁରକ୍ଷା ବାହିନୀର ସର୍ଚ୍ଚ ରାଡାରରେ ଅଛି। ସେ ପୂର୍ବରୁ ପାକିସ୍ତାନ ଅଧିକୃତ କାଶ୍ମୀର (ପିଓକେ) ଯାତ୍ରା କରିଥିଲା, ଯେଉଁଠାରେ ସେ ୨୦୧୮ ମସିରେ ତାଲିମ ନେଇଥିଲେ। ସେ ସମ୍ପ୍ରତି ଦକ୍ଷିଣ କାଶ୍ମୀରକୁ ଫେରିଥିବା ଜଣାପଡ଼ିଛି।