ନୂଆଦିଲ୍ଲୀ, ୮।୩: ନେପାଳରେ ରାଜତନ୍ତ୍ର ଦାବି ପୁଣି ଥରେ ତୀବ୍ର ହୋଇଛି । ରାଜତନ୍ତ୍ର ସମର୍ଥକ ରାଷ୍ଟ୍ରୀୟ ପ୍ରଜାତନ୍ତ୍ର ପାର୍ଟି କାଠମାଣ୍ଡୁରେ ଏକ ରାଲିର ଆୟୋଜନ କରିଥିଲା । ଏହି ରାଲିରେ ବହୁ ସଂଖ୍ୟକ ଲୋକ ନେପାଳର ଜାତୀୟ ପତାକା ଧରି ଅଂଶଗ୍ରହଣ କରିଥିଲେ । ପୂର୍ବତନ ରାଜା ଜ୍ଞାନେନ୍ଦ୍ର ବୀର ବିକ୍ରମ ଶାହ ଦାବି କରିଛନ୍ତି ଯେ, ସେ ପୁଣି ଥରେ ଦେଶ ପାଇଁ ଏକ ସକ୍ରିୟ ଭୂମିକ ଗ୍ରହଣ କରିବାକୁ ଚାହୁଁଛନ୍ତି । ଯଦି ଆମେ ପ୍ରଧାନମନ୍ତ୍ରୀ କେପି ଓଲି ଏବଂ ନେପାଳୀ କଂଗ୍ରେସ ମୁଖ୍ୟ ଶେର ବାହାଦୁର ଦେଉବାଙ୍କ ବିଷୟରେ କଥା ହେବା ତେବେ ନେପାଳ ପାଇଁ ପୁଣି ରାଜତନ୍ତ୍ର ଫେରିବା ସମ୍ଭବ ନୁହେଁ ।
ସିପିଏ ମାଏବାଦୀ କେନ୍ଦ୍ର ଅଧ୍ୟକ୍ଷ ପୁଷ୍ପ କମଲ ଦହଲ ପ୍ରଚଣ୍ଡ ମଧ୍ୟ କହିଛନ୍ତି ଯେ, ଜ୍ଞାନେନ୍ଦ୍ର ସିଂହ ଜନସାଧାରଣକୁ ବୋକା ବନେଇବା ବନ୍ଦ କରିବା ଉଚିତ୍ । ଆର୍ପିପି ସମର୍ଥକମାନେ କହିଛନ୍ତି, ନେପାଳ ସରକାରରେ ଦୁର୍ନିତୀ ବ୍ୟାପକ । ଏପରି ପରିସ୍ଥିତିରେ ଗଣତନ୍ତ୍ରକୁ ହଟାଇ ପୁଣିଥରେ ରାଜତନ୍ତ୍ର ଲାଗୁ କରାଯିବା ଉଚିତ୍ । ୨୦୦୮ ପର୍ଯ୍ୟନ୍ତ ନେପାଳରେ ରାଜତନ୍ତ୍ର ବ୍ୟବସ୍ଥା ଥିଲା । ରାଜତନ୍ତ୍ରର ଅନ୍ତ ପରେ କାଠମାଣ୍ଡୁ ରାଜପ୍ରସାଦକୁ ଏକ ସଂଗ୍ରହାଳୟରେ ପରିଣତ କରାଯାଇଥିଲା ।
