ନୂଆଦିଲ୍ଲୀ,୩୧।୫: ସୁନା-ରୂପା ଓ ଟଙ୍କା ସହ ଦାମୀ ଜିନିଷ ଚୋରୀ ହେବା ସାଧାରଣ କଥା। ବ୍ୟାଙ୍କ ଓ ମ୍ୟୁଜିୟମ୍ରୁ ଦୁର୍ଲଭ ଜିନିଷ ଚୋରିର ବହୁ ମାମଲା ସାମନାକୁ ଆସିଛି। କିନ୍ତୁ ଚୋରି ଏବେ ଏକ ମାମଲା ସାମନାକୁ ଆସିଛି। ଯେଉଁଥିରେ ପବନ ଚୋରାଇବାର ଅଭିଯୋଗ ଲଗାଯାଉଛି। ତାହା ପୁଣି ଦୁଇ ଦେଶ ସ୍ତରରେ। ଏପର୍ଯ୍ୟନ୍ତ ପାଣି ଓ ଅନ୍ୟ ପ୍ରାକୃତିକ ସମ୍ପଦ ଚୋରି ଅଭିଯୋଗ ସାମନାକୁ ଆସିଥାଏ। କିନ୍ତୁ ଚୋରିର ଏପର୍ଯ୍ୟନ୍ତ ଏକ ମାମଲା ସାମନାକୁ ଆସିଛି, ଯେଉଁଥିରେ ପବନ ଚୋରାଇବାର ଅଭିଯୋଗ ରହିଛି। ତାହା ପୁଣି ଦୁଇ ଦେଶ ସ୍ତରରେ। ଏପର୍ଯ୍ୟନ୍ତ ପାଣି ଓ ଅନ୍ୟ ପ୍ରାକୃତିକ ସମ୍ପତ୍ତିର ଚୋରି ଅଭିଯୋଗରେ ଗୋଟିଏ ଦେଶ ଅନ୍ୟ ଏକ ଦେଶ ଉପରେ ଅଭିଯୋଗ ଲଗାଇ ଆସୁଛି। ଏବେ ଏହି ମାମଲା କ’ଣ ଆସନ୍ତୁ ଜାଣିବା ?
ନେଦରଲାଣ୍ଡର ଏକ ପାଣିପାଗ ସମ୍ପର୍କିତ ଫାର୍ମର ଅଧିକାରୀ ବେଲଜିୟମ୍ ଉପରେ ତା’ର ପବନ ଚୋରାଇ ଥିବାର ଅଭିଯୋଗ କରିଛନ୍ତି। ଏହି କଥା ସେ ବେଲଜିୟମ୍ରେ ଏକ ବ୍ରଡକାଷ୍ଟର ସର୍ଭିସ ସହ ଇଣ୍ଟରଭ୍ୟୁରେ କହିଛନ୍ତି। ସେ କହିଛନ୍ତି, ଆପଣଙ୍କ ଲୋକ ଆମ ଦେଶର ପବନ ଚୋରି କରୁଛନ୍ତି।
ଉଲ୍ଳେଖନୀୟ ଯେ, ବେଲଜିୟମ୍ ଓ ନେଦରଲାଣ୍ଡ ପରସ୍ପରକୁ ଲାଗିକି ଅଛନ୍ତି। ଏପରିକି ଗୋଟିଏ ସୀମା ମଧ୍ୟ ସେୟାର କରିଥାନ୍ତି। ଏଭଳି ସ୍ଥିତିରେ ଏହି ଦୁଇ ଦେଶର ସୀମାବର୍ତ୍ତୀ ଅଞ୍ଚଳରେ ଏଭଳି ବହୁ ଗତିବିଧି ରହିଥାଏ। ଯେଉଁଥିରେ ଦୁଇ ଦେଶ ପ୍ରଭାବିତ ହୋଇଥାଏ। ଏବେ ଏଭଳି ସ୍ଥିତିରେ ଏକ ଡଚ ଓ୍ବେଦର ଫୋରକାଷ୍ଟ ସର୍ଭିସ ଫର୍ମର ସିଇଓ ରେମ୍ପକୋ ଭର୍ଜିଲବର୍ଗ ବେଲଜିୟମ୍ ଉପରେ ତାଙ୍କ ଦେଶର ପବନ ଚୋରାଇଥିବାର ଅଭିଯୋଗ କରିଛି। ‘ଦ ବ୍ରୁସେଲ ଟାଇମ୍ସ’ର ରିପୋର୍ଟ ଅନୁସାରେ, ଭର୍ଜଲବର୍ଗ କହିଛନ୍ତି, ବେଲଜିୟମ୍ର ପବନ ଫାର୍ମ ଅଜାଣତରେ ଉତ୍ତର ସାଗରରେ ତାଙ୍କ ଦେଶର ପବନ ଫାର୍ମରୁ ପବନ ଶକ୍ତି ଚୋରି କରୁଛି। ସେ ଦାବି କରିଛନ୍ତି ଉତ୍ତର ସାଗରରେ ବେଲଜିୟମ୍ର ପବନ ଚକ୍ରିକୁ ତାଙ୍କ ଡଚ୍ ଲୋକଙ୍କ ତୁଳନାରେ ଲାଭ ରହିଛି। ସେମାନେ ଡଚ୍ ପବନ ଚୋରି କରୁଛନ୍ତି।
