ନୂଆଦିଲ୍ଲୀ,୦୧/୦୫: ମେ ପହିଲାରୁ ମହଙ୍ଗା ମାଡ଼ । ଆଜିଠୁ ବଦଳିଲା ନିୟମ । ଏଟିଏମରେ ଟଙ୍କା ଉଠାଇବା ହେଲା ମହଙ୍ଗା । ଫ୍ରି ଟ୍ରାନଜାକସନ୍ ଲିମିଟ୍ ପାଇଁ ବ୍ୟାଙ୍କକୁ ଅନୁମତି ଦେଲା ଆରବିଆଇ । ମେଟ୍ରୋ ସିଟିରେ ୩ ଥର, ସହରାଞ୍ଚାଳରେ ୫ରୁ ଅଧିକ ଥର ଏଟିଏମ ବ୍ୟବହାର କଲେ ଗଣିବାକୁ ପଡ଼ିବ ଟଙ୍କା ।
ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ବ୍ୟାଙ୍କକୁ ଫ୍ରି ଲିମିଟ ପରେ ଏଟିଏମ ସେବା ଚାର୍ଜ ବଢ଼ାଇବାକୁ ଅନୁମତି ଦେଇଛି । ନୂଆ ଗାଇଡଲାଇନ ଅନୁସାରେ ଗ୍ରାହକ ପ୍ରତି ମାସରେ ଏକି ନିଶ୍ଚିତ ସଂଖ୍ୟକ ଟ୍ରାନଞ୍ଜସନ କରିପାରିବେ ଅର୍ଥାତ ଟଙ୍କା ଉଠାଇ ପାରିବେ । ଏହି ଫ୍ରି ଟ୍ରାଞ୍ଜାକ୍ସନରେ ଫାଇନାନସିଆଲ ଓ ନନଫାଇନାନସିଆଲ ଆକ୍ଟିଭିଟିଜ ସାମିଲ ରହିଛି । ଏହାପରେ ଯଦି ଆପଣ ଏଟିଏମରୁ ଟଙ୍କା ଉଠାନ୍ତି ତେବେ ଆପଣଙ୍କୁ ଏଟିଏମ ଚାର୍ଜ ବାବଦକୁ ଟଙ୍କା ଗଣିବାକୁ ପଡ଼ିବ । ସେହିପରି ମଦର ଡେୟରୀ ଓ ବେରକା ବ୍ରାଣ୍ଡ ପରେ ଅମୂଲ ମଧ୍ୟ ସାରା ଦେଶରେ କ୍ଷୀରର ଦାମ ଲିଟର ପିଛା ୨ ଟଙ୍କା ବୃଦ୍ଧି କରିଛି । ଆଜିଠାରୁ ନୂଆ ନିୟମ ଲାଗୁ ହୋଇଛି । ଭାରତୀୟ ରେଲଓ୍ବେ ତରଫରୁ ମଧ୍ୟ ନିୟମ ବଦଳିଛି । ଏବେ ସ୍ଲିପର ଓ ଏସି କୋଚରେ ଓ୍ବେଟିଂ ଟିକେଟ ମାନ୍ୟ ହେବ ନାହିଁ । ଅଗ୍ରୀମ ସଂରକ୍ଷଣର ଅବଧି ୧୨୦ ଦିନକୁ ହ୍ରାସ କରାଯାଇ ୬୦ ଦିନ କରାଯାଇଛି ।
ସେହିପରି ପ୍ରତି ମାସର ୧ ତାରିଖରୁ ଏଲପିଜି ସିଲିଣ୍ଡରର ଦାମ୍ ସମୀକ୍ଷା କରାଯାଇଥାଏ । ୧ ମେରେ ଘରୋଇ ଓ ବ୍ୟବସାୟିକ ସିଲିଣ୍ଡରର ଦାମରେ ପରିବର୍ତ୍ତନ ସମ୍ଭାବନା ରହିଛି । ଆଜି ଠାରୁ ଏୟାର ଟର୍ବାଇନ ଫୁଏଲ (ଏଟିଏଫ), କମ୍ପ୍ରେସଡ ନ୍ୟାଚୁରାଲ ଗ୍ୟାସ (ସିଏନଜି), ଓ ପାଇପଡ ନ୍ୟାଚୁରାଲ ଗ୍ୟାସ (ପିଏନଜି)ର ଦରରେ ପରିବର୍ତ୍ତନ ସମ୍ଭାବନା ରହିଛି ।ଆରବିଆଇ ଦ୍ବାରା ନିକଟରେ ରେପୋ ରେଟ କଟ୍ ପରେ ଅନେକ ବ୍ୟାଙ୍କ ସ୍ଥାୟୀ ଜମା (ଏଫଡି) ଓ ସେଭିଙ୍ଗ ଆକାଉଣ୍ଟ ଉପରେ ସୁଧ ଦରରେ ପରିବର୍ତ୍ତନ କରିଛନ୍ତି । ଏହା ଗ୍ରାହକଙ୍କ ଆର୍ଥିକ ସ୍ଥିତିକୁ ପ୍ରଭାବିତ କରିପାରେ ।ଚଳିତ ମାସରେ ବିଭିନ୍ନ ଉତ୍ସବ ଓ ସପ୍ତାହାନ୍ତ କାରଣରୁ ବ୍ୟାଙ୍କ ୧୨ ଦିନ ବନ୍ଦ ରହିବ । ତେଣୁ ବ୍ୟାଙ୍କରେ ଜରୁରୀ କାମ ଥିଲେ ଆଗୁଆ ସାରିଦେବାକୁ ଗ୍ରାହକଙ୍କୁ ପରାମର୍ଶ ଦିଆଯାଇଛି ।
