କରଞ୍ଜିଆ,୦୯/୧୧: ଅଲୋଡ଼ା ହେଲା ଶିଶୁକନ୍ୟା । ଶିଶୁ କନ୍ୟାଟି ଜନ୍ମ ହେଲା ପରେ କେହି ଜଣେ ବ୍ୟକ୍ତି ଫିଙ୍ଗି ଚାଲି ଯାଇଥିବା ବେଳେ ବୁଦାମୂଳରୁ ଶିଶୁ କନ୍ୟାକୁ ଉଦ୍ଧାର କରିଛନ୍ତି ସ୍ଥାନୀୟଲୋକେ । ମୟୂରଭଞ୍ଜ ଜିଲ୍ଲା କରଞ୍ଜିଆ ବ୍ଲକ୍ ଭଅଁରା ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କେହି ଜଣେ ବ୍ୟକ୍ତି ଶିଶୁ କନ୍ୟା ଜନ୍ମ ହେଲା ତାକୁ ଏକ ବୁଦାମୂଳରେ ଫିଙ୍ଗି ଦେଇ ଚାଲି ଯାଇଥିଲା । ଏହା ଦେଖି ସ୍ଥାନୀୟଲୋକେ ବୁଦା ମୂଳରୁ ଶିଶୁ କନ୍ୟାକୁ ଉଦ୍ଧାର କରି ତୁରନ୍ତ ଆମ୍ୱୁଲାନ୍ସକୁ କଲ୍ କରି ଡାକିଥିଲେ । କିଛି ସମୟ ଭିତରେ ଆମ୍ୱୁଲାନ୍ସଟି ଆସି ପହଞ୍ଚିଥିଲା । ଶିଶୁକନ୍ୟାକୁ ୧୦୮ ଆମ୍ବୁଲାନ୍ସ ଯୋଗେ ଆଣି କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଇଛନ୍ତି । ବର୍ତ୍ତମାନ ଶିଶୁର ଆବସ୍ଥା ଗୁରୁତର ଥିବା ବେଳେ ତାକୁଏସଏନସିୟୁରେ ଭର୍ତ୍ତି କରାଯାଇଛି ।
