ମାଲକାନଗିରି : ଓଡିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ମାଲକାନଗିରି ସଦର ଥାନା,କୋରୁକୋଣ୍ଡା ସଦରରେ ନୂତନ କୋଠା ଉଦ୍ଘାଟନ କରିଛନ୍ତି।
ଏହି ଉଦ୍ଘାଟନ ଅବସରରେ ମାଲକାନଗିରି ନିର୍ବାଚନ ମଣ୍ଡଳୀ ବିଧାୟକ ନରସିଂହ ମାଡ଼କାମୀ, ଜିଲ୍ଲାପରିଷଦ ଅଧ୍ୟକ୍ଷା ସମାରୀ ତାଙ୍ଗୁଲ,ମାଲକାନଗିରି ଜିଲ୍ଲା ଆରାକ୍ଷୀ ଅଧୀକ୍ଷକ ବିନୋଦ ପାଟିଲ, ଏସଡିପିଓ ସଚିନ ପାଟିଲ, ମାଲକାନଗିରି ସଦର ଥାନା କୋରୁକୋଣ୍ଡା ଆଇଆଇସି ହିଂମାଶୁ ଶେଖର ବାରିକ, ମାଲକାନଗିରି ଆଦର୍ଶ ଥାନା ଆଇଆଇସି ରିଗେନ୍ କିଣ୍ଡୋଙ୍କ ସହିତ ଥାନର ସମସ୍ତ ଅଧିକାରୀ ଓ କର୍ମଚାରୀ ,କୋରୁକୋଣ୍ଡା ପଞ୍ଚାୟତ ସମିତି ଗୋଷ୍ଠୀ ଉନ୍ନୟନ ଅଧିକାରୀ ଅମୂଲ୍ୟ କୁମାର ସାହୁ, ଚିତ୍ରକୋଣ୍ଡା ଏବଂ ମାଲକାନଗିରି ବିଧାୟକଙ୍କ ପ୍ରତିନିଧି , ପୁଲିସ ଗୃହ ନିର୍ମାଣ ନିଗମ୍ ଡେପୁଟି ମ୍ୟାନେଜର ସନ୍ତୋଷ କୁମାର୍ ଦଳାଇ, ଏପିଏମ୍ ସୁନିଲ ବେହେରା, ବ୍ଲକ ଅଧିନସ୍ଥ ବହୁ ନିର୍ବାଚିତ ଜନପ୍ରତିନିଧି ଏବଂ ଥାନାର ସମସ୍ତ ଅଧିକାରୀ ଏବଂ ଅତିଥିମାନେ ଉପସ୍ଥିତ ଥିଲେ।
ଏହି ଅବସରରେ ମୁଖ୍ୟମନ୍ତ୍ରୀ କହି ଥିଲେ, ଏହି ନୂଆ ଥାନା ଏବଂ ସୁବିଧାମୂଳକ ବ୍ୟବସ୍ଥା ଅଞ୍ଚଳର ନାଗରିକମାନଙ୍କୁ ଧନ, ଜୀବନ ରକ୍ଷା, ସୁରକ୍ଷା ଏବଂ ନ୍ୟାୟ ପ୍ରଦାନରେ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିବ। ପୂର୍ବରୁ ଏହି ଥାନା କାର୍ଯ୍ୟ ମାଲକାନଗିରି ଆଦର୍ଶ ଥାନା ପରିସରରେ ଚାଲିଥିଲା, ଏବେ କୋରକୁଣ୍ଡା ସ୍ଥିତ ନିଜସ୍ୱ କୋଠାକୁ ସ୍ଥାନାନ୍ତର ହେବା ଦ୍ୱାରା କୋରକୁଣ୍ଡା ବ୍ଲକବାସୀ ଖୁସି ପ୍ରକଟ କରିଛନ୍ତି।
