ନୂଆଦିଲ୍ଲୀ,୦୮/୦୫: ପୋପ୍ ଫ୍ରାନ୍ସସିସ୍ଙ୍କ ଦେହାନ୍ତ ପରେ କିଏ ହେବେ ପରବର୍ତ୍ତୀ ପୋପ୍ । ସେ ନେଇ ନିର୍ବାଚନ କନକ୍ଲେଭ ବୁଧବାର ସିଷ୍ଟିନ ଚେପଲରେ ଆରମ୍ଭ ହୋଇଛନ୍ତି । ଏଥିରେ ସାମିଲ ହେବାକୁ ୧୩୩ କାର୍ଡିନାଲ ଗୋପନୀୟତାର ଶପଥ ନେବା ପରେ ଚେପଲରେ ପ୍ରବେଶ କରିଥିଲେ । ପ୍ରଥମ ଦିନ ସନ୍ଧ୍ୟାରେ ଚିମିନିରୁ କଳା ଧୂଆଁ ବାହାରିଥିଲା । ଯାହାର ଅର୍ଥ ପ୍ରଥମ ଦିନରେ ପୋପ୍ ଚୟନ ହୋଇପାରି ନାହିଁ ।
ଧଳା ଧୂଆଁ ବାହାରିବା ଅପେକ୍ଷାରେ- କ୍ୟାଥୋଲିକ୍ ଚିମିନିରୁ ଧଳା ଧୂଆଁ ବାହାରିବା ଅପେକ୍ଷାରେ ରହିଛି । ନିଷ୍ପତ୍ତି ନ ହେବା ଯାଏ ସବୁ କାର୍ଡିନାଲ ଏହି ପ୍ରକ୍ରିୟାରେ ସାମିଲ ହେବେ । ପୋପ୍ କନକ୍ଲେଭ ଚୟନ ପ୍ରକ୍ରିୟା ଆରମ୍ଭ ହେବା ପରେ ନୂଆ ପୋପ୍ ସାବଧାନପୂର୍ବକ ଚୟନ କରିବାକୁ ଇଶ୍ୱର ସାହାଯ୍ୟ କରନ୍ତୁ ବୋଲି କାର୍ଡିନାଲ ପ୍ରାର୍ଥନା କରିଥିଲେ । ପ୍ରଥମ ଦିନ କେବଳ ଭୋଟ ହୋଇଥିଲା । କନକ୍ଲେଭ ଆରମ୍ଭ ହେବାର ୩ ଘଣ୍ଟା ପରେ ପୋପ୍ ଚୟନ ହୋଇ ପାରିନଥିବା ସନ୍ଦେଶ ଦେଇ କଳା ଧୂଆଁ ବାହାରିଥିଲା ।
କିଏ ପରବର୍ତ୍ତୀ ପୋପ୍ ହେବେ ଏ ନେଇ ଭାଟିକାନ୍ ସିଟିରେ କନକ୍ଲେଭ ହୋଇଛି । ଏଥିରେ ୭୧ ଦେଶର ୧୩୩ କାର୍ଡିନାଲ ଅଂଶଗ୍ରହଣ କରିଛନ୍ତି । ୪୫ ହଜାରରୁ ଅଧିକ ଲୋକ ନିଷ୍ପତ୍ତିକୁ ଅପେକ୍ଷା କରିଥିଲେ ହେଲେ ପ୍ରଥମ ଦିନ କିଛି ନିଷ୍ପତ୍ତି ବାହାରି ପାରିଲା ନାହିଁ । ୨୦୧୩ରେ ହୋଇଥିବା କନକ୍ଲେଭରେ ଧଳା ଧୁଆଁ ବହୁତ କମ ସମୟରେ ବାହିଥିଲା ଆର୍ଥାତ୍ ପୋପ୍ ଚୟନ ହୋଇଥିଲା । ଯେଉଁଥିରେ ପୋପ୍ ଫ୍ରାନ୍ସସିସ୍ଙ୍କୁ ପୋପ୍ ଘୋଷଣା କରାଯାଇଥିଲା ।
ଅଧିକ ପଢନ୍ତୁ...ଡୋନାଲ୍ଡ ଟ୍ରମ୍ପ ହେବେ କି ପରବର୍ତ୍ତୀ ପୋପ୍ ? ହ୍ୱାଇଟ୍ ହାଉସ୍ ସେୟାର କଲା ଫଟୋ
କହି ରଖୁଛି କି, ସାରା ବିଶ୍ୱର କ୍ୟାଥୋଲିକ୍ ଖ୍ରୀଷ୍ଟିଆନ୍ଙ୍କ ବଡ଼ ଧର୍ମଗୁରୁ ପୋପ୍ ଫ୍ରାନ୍ସସିସ୍ଙ୍କର ଗତ ଏପ୍ରିଲ ୨୧ରେ ୮୮ ବର୍ଷ ବୟସରେ ଦେହାନ୍ତ ହୋଇଥିଲା । ଇତିହାସରେ ସେ ପ୍ରଥମ ଲାଟିନ୍ ଆମେରିକୀୟ ପୋପ୍ ଥିଲେ । ଏକାଧିକ ଯୁଗାନ୍ତକାରୀ ନିଷ୍ପତ୍ତି ନେଇ ଚର୍ଚ୍ଚା ଆସିଥିଲେ । ତାଙ୍କ ଦେହାନ୍ତ ପରେ ପୋପ୍ ପଦ ଖାଲି ପଡ଼ିଛି ।
