ନୂଆଦିଲ୍ଲୀ: ସାଧାରଣତଃ ରାସ୍ତାଘାଟ ଖରାପ ହେଲେ ଲୋକମାନେ ସରକାରଙ୍କୁ ଦାୟୀ କରିଥାନ୍ତି । କିନ୍ତୁ ଏବେ କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀ କହିଛନ୍ତି କି ଭୁଲ ଯେଉଁଠି ହେବ, ଦାୟିତ୍ବ ସେଇଠି ସ୍ଥିର କରାଯିବ। ଏହି ଆଧାରରେ, ସେ ଭାରତୀୟ ଜାତୀୟ ରାଜପଥ ପ୍ରାଧିକରଣ (NHAI) ଏବଂ ରାସ୍ତା ନିର୍ମାଣ କମ୍ପାନୀ ଗୁଡ଼ିକୁ ସେମାନଙ୍କର ନିଜସ୍ୱ YouTube ଚ୍ୟାନେଲ ତିଆରି କରିବାକୁ ଏବଂ ପ୍ରତ୍ୟେକ ପ୍ରକଳ୍ପର ଭିଡିଓ ରିପୋର୍ଟ ଜନସାଧାରଣଙ୍କ ସହିତ ସେୟାର କରିବାକୁ ନିର୍ଦ୍ଦେଶ ଦେଇଛନ୍ତି।
ଗଡ଼କରୀ ଘୋଷଣା କରିଛନ୍ତି ଯେ ଏବେ ପ୍ରତ୍ୟେକ ଜାତୀୟ ରାଜପଥରେ QR କୋଡ୍ ବୋର୍ଡ ଲଗାଯିବ। ଯେକୌଣସି ବ୍ୟକ୍ତି କୋଡ୍ ସ୍କାନ୍ କରି ଦେଖିପାରିବେ ଯେ କେଉଁ ଠିକାଦାର ରାସ୍ତା ନିର୍ମାଣ କରିଛନ୍ତି, କେଉଁ ପରାମର୍ଶଦାତା ଏହାକୁ ଡିଜାଇନ୍ କରିଛନ୍ତି ଏବଂ କେଉଁ ସରକାରୀ ଅଧିକାରୀ ଏହାକୁ ତଦାରଖ କରୁଛନ୍ତି। ଗଡ଼କରୀ କହିଛନ୍ତି, "ଯଦି ଏକ ରାସ୍ତା ଖରାପ ଅଛି ଏବଂ ଲୋକମାନେ ସୋସିଆଲ ମିଡିଆରେ ଅଭିଯୋଗ କରୁଛନ୍ତି,ତେବେ ସେମାନେ ଜାଣିବା ଉଚିତ ଯେ କିଏ ଦାୟୀ। ମୋର ଅପବ୍ୟବହାର କାହିଁକି କରାଯିବ ? QR କୋଡ୍ ରେ ସମସ୍ତ ସୂଚନା ରହିବ ଯାହା ଦ୍ୱାରା ଜନସାଧାରଣ ସିଧାସଳଖ ସଠିକ୍ ସ୍ଥାନରେ ପ୍ରଶ୍ନ ପଚାରି ପାରିବେ।"
ଗଡ଼କରୀ ସ୍ପଷ୍ଟ ଭାବରେ କହିଛନ୍ତି ଯେ, ଯଦି ଲୋକମାନେ ଟୋଲ୍ ଟିକସ ଦେଉଛନ୍ତି, ତେବେ ସେମାନଙ୍କୁ ଅନ୍ତର୍ଜାତୀୟ ମାନର ରାସ୍ତା ମିଳିବା ଉଚିତ। ସେ କହିଛନ୍ତି କି,"ପାଗ କିମ୍ବା ଖରାପ ପିଚୁ ବାହାନା ହୋଇପାରିବ ନାହିଁ। ଯଦି ରାସ୍ତା ଆରାମଦାୟକ ନୁହେଁ, ତେବେ ତୁରନ୍ତ ଏହାକୁ ମରାମତି କରନ୍ତୁ।
