ପ୍ରମୂଖ ଖବର
  • ଏନଡିଏ ସରକାର ଗଢ଼ିବ, ମୋ ବାପା ପୁଣି ଥରେ ମୁଖ୍ୟମନ୍ତ୍ରୀ ହେବେ…ନୀତୀଶ କୁମାରଙ୍କ ପୁଅ ନିଶାନ୍ତଙ୍କ ବଡ଼ ଦାବି
  • ||
  • ଏନଡିଏ ସରକାର ଗଢ଼ିବ, ମୋ ବାପା ପୁଣି ଥରେ ମୁଖ୍ୟମନ୍ତ୍ରୀ ହେବେ…ନୀତୀଶ କୁମାରଙ୍କ ପୁଅ ନିଶାନ୍ତଙ୍କ ବଡ଼ ଦାବି
  • ||
  • ଇଣ୍ଡୋନେସିଆରେ ମଝି ସମୁଦ୍ରରେ ହୁତୁ ହତୁ ହୋଇ ଜଳିଗଲା ଜାହାଜ, ଜୀବନ ବିକଳରେ ପାଣିକୁ ଡେଇଁପଡ଼ିଲେ ଯାତ୍ରୀ
  • ||
  • ବ୍ରିଟେନ ଓ ମାଳଦ୍ୱୀପ ଗସ୍ତରେ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
  • ||
  • ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି,ପ୍ରଭାବରେ ରାଜ୍ୟରେ ପ୍ରବଳ ବର୍ଷା ସମ୍ଭାବନା, ଦକ୍ଷିଣ ଓଡ଼ିଶାରେ ବର୍ଷିବ
  • ||
  • ଭବାନୀପାଟଣା, ସ୍ୱାମୀର ପରକୀୟା ପ୍ରୀତି ଯୋଗୁଁ ସ୍ତ୍ରୀଙ୍କ ଆତ୍ମହତ୍ୟା, ସୁଇସାଇଡ୍‌ ନୋଟ୍‌ ଦୁଇ ଜଣଙ୍କ ନାମ
  • ||
  • ଏଫ୍ଏମ୍‌ ଛାତ୍ରୀ ଆତ୍ମାହୁତି ଘଟଣାର ତଦନ୍ତ ପାଇଁ ପହଞ୍ଚଲେ କ୍ରାଇମବ୍ରାଞ୍ଚ ଡିଜି, ଭାରପ୍ରାପ୍ତ ଅଧ୍ୟକ୍ଷଙ୍କୁ ଘଟଣାର ବିଭିନ୍ନ ଦିଗ ସମ୍ପର୍କରେ ପଚାରି ବୁଝିଥିଲେ
  • ||
  • ଏୟାର ଲିଫ୍ଟ ହେଲେ ବଳଙ୍ଗା ପୀଡିତା, ଉନ୍ନତ ଚିକିତ୍ସା ପାଇଁ ଦିଲ୍ଲୀ ଏମ୍ସକୁ ସ୍ଥାନାନ୍ତର
  • ||
  • ବଳଙ୍ଗା ନାବାଳିକା ପୋଡ଼ି ଘଟଣା : ପୀଡିତାଙ୍କ ପିଉସୀଙ୍କୁ ଉଠାଇନେଲା ପୋଲିସ
  • ||
  • ପଦ୍ମନାଭପୁର ଟୋଲଗେଟରେ ଭାରସାମ୍ୟ ହରାଇ ବୁଥ ଉପରକୁ ମାଡିଗଲା ଦ୍ରୁତଗାମୀ କାର, ଚାଳକ ଗୁରୁତର
  • ||
  • AIIMSରେ ଚିକିତ୍ସାଧୀନ ବଳଙ୍ଗା ପୀଡ଼ିତାଙ୍କ ହେବ ଏୟାରଲିଫ୍ଟ, ସୂଚନା ଦେଲେ ପୀଡ଼ିତାଙ୍କ ସମ୍ପର୍କୀୟ ଭାଇ
  • ||
  • ଭୂମିକମ୍ପ ଝଟ୍‌କାରେ ଥରିଲା ଇରାନ୍, ତାଜିକିସ୍ତାନ, ରିକ୍ଟର ସ୍କେଲ୍‌ରେ ତୀବ୍ରତା ୫.୬ ରେକର୍ଡ, ଆସାମର ନାଗାୱରେ ବି ଭୂକମ୍ପ ଅନୁଭୂତ
  • ||
  • ଶରଣକୂଳ ଥାନା ଦରପଦା ନିକଟରେ ବୋଲବମ୍ ଅଟୋକୁ ଧକ୍କା ଦେଲେ ପିକ୍ଅପ୍ ଭ୍ୟାନ୍, ଯବତୀ ମୃତ, ୭ ଗୁରୁତର
  • ||
  • ସୋମବାରଠୁ ସଂସଦର ମୌସୁମୀ ଅଧିବେଶନ,ଆଜି ନୂଆଦିଲ୍ଲୀରେ ବସିବ ସର୍ବଦଳୀୟ ବୈଠକ, ଆସିପାରେ ୮ଟି ବିଲ୍
  • ||
  • ସୋସିଆଲ ମଡିଆରେ ହାତଲେଖା ପ୍ରଶ୍ନପତ୍ର ଭାଇରାଲ, ଆଜି ହେବାକୁ ସ୍ପେସାଲ୍‌ ଓଟିଇଟି-୨୦୨୫ ବାତିଲ
  • ||

ପ୍ରଦୂଷଣ ଉପରେ ବଡ଼ ପ୍ରହାର; ପେଟ୍ରୋଲ ପମ୍ପରେ ପୁରୁଣା ଗାଡ଼ିକୁ ତେଲ ମନା, ନିୟମ ନମାନିଲେ ଜରିମାନା

Published By : Rasmita Pradhan | July 1, 2025 10:29 AM

ନୂଆଦିଲ୍ଲୀ, ୦୧/୦୭: ପ୍ରଦୂଷଣ ଉପରେ ବଡ଼ ପ୍ରହାର। ଦିଲ୍ଲୀ ସରକାରଙ୍କ ଆକ୍ସନ ପ୍ଲାନ୍। ଆଜିଠୁ ପେଟ୍ରୋଲ ପମ୍ପରେ ପୁରୁଣା ଗାଡ଼ିକୁ ତେଲ ମନା। ଜୁଲାଇ ୧ରୁ ଲାଗୁ ହେଲା ନିୟମ। ପୁରୁଣା ଗାଡ଼ି ଚଳାଚଳ ଉପରେ ଲାଗିବ ଲଗାମ୍। ପେଟ୍ରୋଲ ଟାଙ୍କିରେ ଲାଗିବ ଏଆଇ କ୍ୟାମେରା। ନିୟମ ନମାନିଲେ ଜରିମାନା। ସମୟ ସରିଯାଇଥିବା ଗାଡିକୁ ଚିହ୍ନଟ କରି ଜବତ କରିବେ ସରକାର। ୩୫୦ ପେଟ୍ରୋଲ ପମ୍ପରେ କଡ଼ା ପହରା। ସଙ୍କଟରେ ୬୨ ଲକ୍ଷ ପୁରୁଣା ବାହନ। 

ଦିଲ୍ଲୀରେ ଆଜିଠୁ ୧୫ବର୍ଷ ପୁରୁଣା ପେଟ୍ରୋଲ ଚାଳିତ ଗାଡ଼ି ଏବଂ ୧୦ବର୍ଷ ପୁରୁଣା ଡିଜେଲ ଚାଳିତ ଗାଡ଼ିକୁ ଇନ୍ଧନ ମିଳିବ ନାହିଁ। ଧରାପଡ଼ିଲେ ୧୦ ହଜାର ଟଙ୍କା ଜରିମାନା ଦେବାକୁ ପଡ଼ିବ। ଯେଉଁ ଦୁଇ ଚକିଆ ଗାଡ଼ିର ସମୟ ସୀମା ସରିଯାଇଛି ତାକୁ ଜବତ କରାଯାଇ ମାଲିକଙ୍କ ଉପରେ ୫ ହଜାର ଟଙ୍କା ଜରିମାନା ଲଗାଯିବ। କମିଶନ୍ ଫର୍ ଏୟାର କ୍ଵାଲିଟି ମ୍ୟାନେଜମେଣ୍ଟ, ଟ୍ରାନ୍ସପୋର୍ଟ ବିଭାଗ, ଦିଲ୍ଲୀ ମୁନିସପାଲ କର୍ପୋରେସନ, ଏବଂ ଦିଲ୍ଲୀ ପୁଲିସ ସହିତ ଅନ୍ୟ ଟିମ୍ ପେଟ୍ରୋଲ୍ ପମ୍ପ ଗୁଡ଼ିକରେ ଚେକିଂ କଡ଼ାକଡ଼ି କରିବେ। ପୁରୁଣା ଗାଡ଼ି ଗୁଡ଼ିକୁ ଚିହ୍ନଟ କରିବା ପାଇଁ ପେଟ୍ରୋଲ ପମ୍ପ ଗୁଡ଼ିକରେ ଅଟୋମେଟିକ୍ ନମ୍ଵରପ୍ଲେଟ୍ ରିକଗନାଇଜେସନ ସିଷ୍ଟମ ଲଗାଯାଇଛି। ଏହି ମେସିନ୍ ପେଟ୍ରୋଲ ପମ୍ପକୁ ଆସୁଥିବା ସବୁ ଗାଡିର ନମ୍ଵର ପ୍ଲେଟ୍ ଯାଞ୍ଚ କରି ତଥ୍ୟ ବାହାର କରିବ। ନିୟମ ଅମାନ୍ୟ କରି ପ୍ରଥମ ଥର ଧରାପଡ଼ିଲେ ଗାଡି ମାଲିକଙ୍କୁ ଗୋଟିଏ ସୁଯୋଗ ଦିଆଯିବ। ଜରିମାନା ଭରି ସେମାନେ ଗାଡ଼ି ନେଇପାରିବେ। ହେଲେ ଦ୍ଵିତୀୟ ଥର ଧରାପଡ଼ିଲେ ଗାଡ଼ିକୁ ସମ୍ପୂର୍ଣ୍ଣ ରୂପେ ଜବତ କରି ନିଆଯିବ। 

ଏବେ ଦିଲ୍ଲୀ ସରକାର କେବଳ ପେଟ୍ରୋଲ ଏବଂ ଡିଜେଲ୍ ଚାଳିତ ଗାଡି ପାଇଁ ଏହି ନିୟମ ଲାଗୁ କରିଛନ୍ତି। ସିଏନ୍‌ଜି ଗାଡି ଗୁଡ଼ିକ ଉପରେ ଏହି ନିୟମ ଲାଗୁ ହେବ ନାହିଁ। ଯଦି ପେଟ୍ରୋଲ ପମ୍ପ ମାଲିକମାନେ ଏହି ନିୟମରେ କୋହଳ କରିବେ ତେବେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ। ପେଟ୍ରୋଲ ପମ୍ପ ଗୁଡ଼ିକରେ ତେଲ ଦେବାକୁ ମନା କଲେ କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ଏଥିପାଇଁ ସମ୍ଵେଦନଶୀଳ ଅଞ୍ଚଳରେ ଥିବା ପେଟ୍ରୋଲ ପମ୍ପ ଗୁଡ଼ିକରେ ଦିଲ୍ଲୀ ଟ୍ରାଫିକ୍ ପୁଲିସ ଏବଂ ସ୍ଥାନୀୟ ପୁଲିସ ଟିମ୍ ନିୟୋଜିତ କରାଯିବ। ଯଦି କୌଣସି ବ୍ୟକ୍ତି ବିବାଦ କରନ୍ତି ତେବେ ତାଙ୍କୁ ତୁରନ୍ତ ଗିରଫ କରାଯିବ। ଏହି ନିୟମ କେବଳ ଦିଲ୍ଲୀରେ ଲାଗୁ ହୋଇଛି। ହେଲେ ନଭେମ୍ଵର ୧ ଠାରୁ ନୋଏଡା, ଗାଜିଆବାଦ, ଫରିଦାବାଦ, ଏବଂ ସୋନିପତରେ ନିୟମ ଲାଗୁ ହେବ। ବାହାନ ତଥ୍ୟ ଅନୁସାରେ, ଦିଲ୍ଲୀରେ ଏବେ ସମୟ ସୀମା ସରି ଯାଇଥିବା ୬୨ ଲକ୍ଷ ପୁରୁଣା ଗାଡ଼ି ଅଛି। ଏଥିରୁ ୪୧ ଲକ୍ଷ ଦୁଇ ଚକିଆ ଏବଂ ୧୮ ଲକ୍ଷ ଚାରି ଚକିଆ ଗାଡି ଅଛି। 







Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.