ମାଲକାନଗିରି, ୨୧/୧(ଆପ୍ର ): ମାଲକାନଗିରି ଜିଲ୍ଲା କାଳିମେଳା ବ୍ଲକ ଅନ୍ତର୍ଗତ ଏମଭି ୮୮ ସ୍କୁଲରେ ଶିକ୍ଷକ ଅଭାବ ଦେଖିବାକୁ ମିଳିଛି।ମାଲକାନଗିରି ବିଧାୟକ ନରସିଂହ ମଡ଼କାମି ସ୍କୁଲ ଯାଇ ପିଲାଙ୍କ ପାଠ ପଢା ନେଇ ଆଲୋଚନା କରିଥିଲେ। ଫେବ୍ରୁଆରି ୨୬ତାରିଖରୁ ମାଟ୍ରିକ୍ ପରୀକ୍ଷା ଦେବାକୁ ଥିବା ବେଳେ ବିଦ୍ୟାଳୟରେ ବିଜ୍ଞାନ ଓ ଗଣିତ ଶିକ୍ଷକ ନଥିବା ବିଧାୟକଙ୍କୁ ପିଲାମାନେ ଅଭିଯୋଗ କରିଛନ୍ତି ।
ସୂଚନା ଯୋଗ୍ୟ ଯେ ଏମଭି ୮୮ଗ୍ରାମ ରେ ଥିବା ଆମ୍ବେଦକର ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଚଳିତ ବର୍ଷ ୯୩ଜଣ ପିଲା ମାଟ୍ରିକ୍ ପରୀକ୍ଷା ଦେବେ। ଏ ପର୍ଯ୍ୟନ୍ତ ପିଲାଙ୍କର ପାଠ୍ୟକ୍ରମ ଅନୁଯାଇ ପାଠ ସରି ନାହିଁ। ଏନେଇ ଚିନ୍ତାରେ ଥିବା ପିଲା ମାନଙ୍କୁ ବିଧାୟକ ଏହାର ତୁରନ୍ତ ବ୍ୟବସ୍ଥା କରିବେ ଓ ଡେପୁଟସନ୍ ରେ ଶିକ୍ଷକ ସ୍କୁଲକୁ ଆସିବେ ବୋଲି ପ୍ରତଶ୍ରୁତି ଦେଇଥଲେ। ତତ୍ ସହିତ ବିଧାୟକ ପିଲା ମାନଙ୍କୁ ଭଲ କରିକି ପାଠ ପଢିବା ଉପରେ ଧ୍ୟାନ ଦେବାକୁ କହିଛନ୍ତି । ମାଟ୍ରିକ ପରୀକ୍ଷା ରେ ଉତ୍ତୀର୍ଣ୍ଣ ହୋଇ +୨ ପାଠ ପଢିବେ ସେ ନେଇ ଉତ୍ସାହିତ ମଧ୍ୟ କରିଥିଲେ।
