ଭୁବନେଶ୍ୱର, ୨୬/୦୪: ୧୧ଜଣ ଓଡ଼ିଶା ପ୍ରାଶାସନିକ ଅଧିକାରୀ (ଓଏଏସ୍) ଅଫିସରଙ୍କୁ ଅଦଳବଦଳ କରିଛନ୍ତି ସରକାର । ନୂଆଗାଁର ପୂର୍ବତନ ବିଡିଓ ତପନ କୁମାର ମହାପାତ୍ରଙ୍କୁ ହିଞ୍ଜିଳିକାଟୁର ତହସିଲଦାର ନିଯୁକ୍ତ କରାଯାଇଛି । କିଶୋରନଗରର ପୂର୍ବତନ ବିଡିଓ ବିନୋଦ ବିହାରୀ ବେହେରା ଅନୁଗୁଳର ଡେପୁଟି କଲେକ୍ଟର ନିଯୁକ୍ତ ହୋଇଛନ୍ତି । ପଟ୍ଟମୁଣ୍ଡାଇର ପୂର୍ବତନ ବିଡିଓ ଶୁଭ୍ରାଂଶୁ ସାହୁ ଯାଜପୁର ଦାଶରଥପୁରର ତହସିଲଦାର ଦାୟିତ୍ୱ ନେଇଛନ୍ତି । ବରଗାଁର ପୂର୍ବତନ ବିଡିଓ ସୁମତୀ ପଣ୍ଡା ବରଗଡ଼ର ଡେପୁଟି କଲେକ୍ଟର ନିଯୁକ୍ତ ହୋଇଛନ୍ତି । ମାନେଶ୍ୱରର ପୂର୍ବତନ ବିଡିଓ ଜନ୍ମେଜୟ ବେହେରା ନୂଆପଡ଼ାର ଡେପୁଟି କଲେକ୍ଟର ଦାୟିତ୍ୱ ନେଇଛନ୍ତି ।
କେନ୍ଦ୍ରାପଡ଼ା ଜିଲ୍ଲା ମୁଖ୍ୟାଳୟର ପ୍ରାଶାସନିକ ଅଧିକାରୀ ଆଦ୍ୟାଶା ରଥ ପୁରୀର ଡେପୁଟି କଲେକ୍ଟର ନିଯୁକ୍ତ ହୋଇଛନ୍ତି । ସିଏଚ୍ଏସ୍ଇର ପୂର୍ବତନ ପ୍ରାଶାସନିକ ଅଧିକାରୀ ରଶ୍ମିରେଖା ଅମାନ୍ତଙ୍କୁ ଭୁବନେଶ୍ୱର ମହାନଗର ନିଗମ (ବିଏମ୍ସି) ଡେପୁଟି କମିଶନର ଦାୟିତ୍ୱ ଦିଆଯାଇଛି । କେନ୍ଦୁଝରର ଡେପୁଟି କଲେକ୍ଟର ମହମ୍ମଦ ଫିରୋଜ ଖାନଙ୍କୁ ପୁଣି ସେହି ଜାଗାରେ ଅବସ୍ଥାପିତ କରାଯାଇଛି । କେନ୍ଦୁଝରର ଡେପୁଟି କଲେକ୍ଟର ଶିବାନୀ ଦାସଙ୍କୁ ଚମ୍ପୁଆର ଡେପୁଟି କଲେକ୍ଟର ନିଯୁକ୍ତ କରାଯାଇଛି । କଟକର ଡେପୁଟି କଲେକ୍ଟର ନିଷ୍ଠା ମହାପାତ୍ର ଟାଙ୍ଗୀ ତହସିଲଦାର୍ ଦାୟିତ୍ୱରେ ରହିବେ । ଆର୍ପିଆର୍ସିର ପ୍ରାଶାସନିକ ଅଧିକାରୀ ରିତୁପର୍ଣ୍ଣା ମହାପାତ୍ର ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ଅନୁ ସଚିବ ଦାୟିତ୍ୱ ତୁଲାଇବେ ।
