ଭୁବନେଶ୍ୱର,୧୭/୧୧: ଚଳିତ ମାସ ୨୧ରୁ ୪ ଦିନ ବ୍ୟାପି ଜନତା ମୈଦାନଠାରେ ଅନୁଷ୍ଠିତ ହେବାକୁ ଯାଉଛି ପ୍ରୋ ପ୍ୟାକ ଓଡ଼ିଶା ୨୦୨୪ ଏବଂ ଓଡ଼ିଶା ପ୍ଲାଷ୍ଟ ୨୦୨୪ । ଓଡ଼ିଶା ଆସେମ୍ବ୍ଲି ଅଫ୍ ସ୍ମଲ ଆଣ୍ଡ୍ ମିଡିୟମ ଏଣ୍ଟର୍ପ୍ରାଇଜେସ (ଓସ୍ମି) ଏବଂ ଫ୍ୟୁଚରେକ୍ସର ମିଳିତ ଉଦ୍ୟମରେ, କେନ୍ଦ୍ର ଏମ୍ଏସ୍ଏମ୍ଇ ମନ୍ତ୍ରଣାଳୟ ସହଯୋଗରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଓସ୍ମି ପକ୍ଷରୁ ସୂଚନା ମିଳିଛି ।
ଏଥର ୨୫୦ରୁ ଊଦ୍ଧ୍ୱର୍ ଜାତୀୟ ଏବଂ ଅନ୍ତର୍ଜାତୀୟ ସ୍ତରର ପ୍ରଦର୍ଶନକାରୀ କମ୍ପାନି ୩୦୦୦ ଊଦ୍ଧ୍ୱର୍ ଉତ୍ପାଦ ପ୍ରଦର୍ଶନ କରାଇବେ । ପୂର୍ବ ଭାରତରେ ଏ କ୍ଷେତ୍ରରେ ଏହା ସର୍ବବୃହତ୍ ସମ୍ମିଳନୀ ହୋଇଥିବାବେଳେ ଏଥିରେ ଏମ୍ଏସ୍ଏମ୍ଇ ଲାଗି ବିଟୁବି, ବିଟୁସି, ବିଟୁଜି ବୈଠକ ଅନୁଷ୍ଠିତ ହେବ । ଏହା ପ୍ରଦର୍ଶନକାରୀ ଏବଂ ଲୋକଙ୍କ ମଧ୍ୟରେ ନେଟୱର୍କିଂରେ ସହାୟକ ହେବ । ଓସ୍ମି ଅଧ୍ୟକ୍ଷ ଗୌରୀ ଶଙ୍କର ଦାସ କହିଲେ, ଶିଳ୍ପ ଅଂଶୀଦାରଙ୍କୁ ଉତ୍ସାହିତ କରିବାରେ ଏଭଳି ଏକ କାର୍ଯ୍ୟକ୍ରମ ସହାୟକ ହେବ । ଓସ୍ମି ମହାସଚିବ ସାତ୍ୱିକ ସ୍ୱାଇଁ କହିଲେ, ଏକ୍ସପୋରେ ଖାଦ୍ୟ ପ୍ରକ୍ରିୟାକରଣ ଶିଳ୍ପ ସହ ଜଡ଼ିତ ପ୍ଲାଷ୍ଟିକ, ପ୍ରିଣ୍ଟିଂ, ପ୍ୟାକେଜିଂ କ୍ଷେତ୍ର ଗୁଡ଼ିକ ଉପରେ ଫୋକସ କରାଯାଇଛି ।
