ନବରଙ୍ଗପୁର,୨୭।୪ : ଭୁଶୁଡିଲା କାନ୍ଥ। କାନ୍ଥ ତଳେ ଚାପି ହୋଇ ଚାଲିଗଲା ବୃଦ୍ଧାଙ୍କ ଜୀବନ। ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଅନ୍ତର୍ଗତ ଦିଗି ସଲପା ଗାଁରେ ଘଟିଛି ଘଟଣା। ମୃତ ବୃଦ୍ଧା ଜଣକ ହେଲେ ଯମୁନା ବିଷୋୟୀ ।
ଦିଗିସଲପା ଗ୍ରାମର ଯମୁନା ବିଷୋୟୀ ନିଜ ଘରେ କାମ କରୁଥିଲେ। ହଠାତ ତାଙ୍କ ଉପରେ ଘରର କାନ୍ଥ ଭୁଶୁଡ଼ି ପଡ଼ିଥିଲା । ଯମୁନା କିଛି ବୁଝିବା ଆଗରୁ କାନ୍ଥ ତଳେ ଚାପି ହେଇ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ଯମୁନାଙ୍କ ସ୍ୱାମୀ ପୂର୍ବରୁ ମୃତ୍ୟୁବରଣ କରିଥିବା ବେଳେ ଦୁଇ ଝିଅ ବିବାହ କରିସାରିଛନ୍ତି । ତେବେ ଯମୁନାଙ୍କର ଇନ୍ଦିରା ଆବାସ ଘର ରହିଛି। ସେ ସେହି ଇନ୍ଦିରା ଆବାସ ଘରେ ନ ରହି ଏହି ପରିତ୍ୟକ୍ତ ଘରେ ରହୁଥିଲେ । ଉକ୍ତ ଘରର କାନ୍ଥ ଯମୁନାଙ୍କ ଉପରେ ଭୁଶୁଡ଼ି ପଡିଥିଲା ।
