ବନ୍ତଳା,୧୦/୦୧: ଶୌଚ ପାଇଁ ଯାଇଥିବା ବେଳେ ହାତୀ ଆକ୍ରମଣର ଶିକାର ହୋଇଥିଲେ ବୃଦ୍ଧ । ଚାଲିଗଲା ବୃଦ୍ଧଙ୍କ ଜୀବନ । ମୃତ ବୃଦ୍ଧ ଜଣକ ହେଲେ ମଦନ ମୋହନ ପାଟଣା ଗାଁର ଶମ୍ଭୁ ପ୍ରଧାନ (୬୮) । ଅନୁଗୁଳ ଜିଲ୍ଲା ବନ୍ତଳା ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଶୁକ୍ରବାର ଭୋର ସମୟରେ ଶମ୍ଭୁ ଶୌଚ ପାଇଁ ଗାଁ କଳାପଟ ପାହାଡ଼କୁ ଯାଇଥିବା ରାସ୍ତା ନିକଟରେ ଥିବା ନାଳକୁ ଯାଇଥିଲେ । ସେ ସେଠାରେ ହାତୀ ହାବୁଡ଼ରେ ପଡି ଯିବାରୁ, ହାତୀଟି ଶମ୍ଭୁକୁ ଦଳି ଦେଇଥିଲା । ଫଳରେ ତାଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ଖବର ପାଇ ପରିବାର ଲୋକେ ଓ ଗ୍ରାମବାସୀ ଘଟଣା ସ୍ଥଳରେ ପହଞ୍ଚି ଛନ୍ତି । ଖବର ପାଇ ବନ୍ତଳା ପୋଲିସ ଓ ବନ ବିଭାଗ ଘଟଣା ସ୍ଥଳରେ ପହଞ୍ଚି ଛନ୍ତି ।
