କୁତ୍ରା,୨୧/୬ : ସୁନ୍ଦରଗଡ଼ ଜିଲ୍ଲା କୁତ୍ରା ବ୍ଲକ ଅନ୍ତର୍ଗତ ବିରତୋଲା ଗ୍ରାମରେ ସାପ କାମୁଡ଼ାରେ ଜନୈକ ବୃଦ୍ଧାଙ୍କ ମୃତ୍ୟୁ । ମୃତକ ହେଲେ ହେମବତି ବାଙ୍କରା (୭୩) । ପ୍ରକାଶ ଯେ, ଗତ କାଲି ରାତିରେ ହେମବତି ରାତ୍ରୀ ଭୋଜନ କରି ଶୋଇଥିଲେ। ହେଲେ ଆଜି ସକାଳେ ବିଳମ୍ବିତ ପର୍ଯ୍ୟନ୍ତ ନ ଉଠିବାରୁ ପରିବାର ଲୋକେ ଉଠିବା ପରେ ମଧ୍ୟ ସେ ଉଠିନଥିଲେ। ତାଙ୍କୁ କୁତ୍ରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ଅଣାଯାଇଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଏପରିକି ଘର ଅଗଣାରେ ଏକ ଚିତି ସାପ ଦେଖାଯାଇଥିବା ନେଇ ହେମବତିଙ୍କ ପୁଅ କହିଛନ୍ତି। ଡାକ୍ତର ମଧ୍ୟ ତାଙ୍କର ମୃତ୍ୟୁ ସାପ କାମୁଡ଼ାରେ ହୋଇଥିବା ସନ୍ଦେହ ପ୍ରକାଶ କରିବା ସହ ଏ ନେଇ ପୋଲିସକୁ ସୂଚନା ଦେଇଥିଲେ। ପୋଲିସ ଶବ ବ୍ୟବଚ୍ଛେଦ କରାଇ ପରିବାର ସଦସ୍ୟଙ୍କୁ ହସ୍ତାନ୍ତର କରିଛି । ଏ ନେଇ କୁତ୍ରା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି ।
