ଫିରିଙ୍ଗିଆ,୯।୩:  କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଗୋଛାପଡା ଥାନା ପାହିରେଜୁ ପଞ୍ଚାୟତ ଗବରନଳା ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଚିକିତ୍ସା ପାଇଁ ମେଡିକାଲ ଯାଉଥିବା ବେଳେ ଗଛରେ ବାଇକ ପିଟି ହେବାରୁ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣକ ହେଲେ ପାହିରେଜୁ ପଂଚାୟତ ଅଧୀନରେ ଥିବା କୁସ୍ପାଜୁ ଗାଁ ର ଦୀପକ ବାଘ ।

ଦୀପକଙ୍କ  ଦେହ ଅସୁସ୍ଥ ଥିବାରୁ ଏକ ବାଇକ ରେ ବାଲନ୍ଦାପଡା ପ୍ରାଥମିକ ଚିକିତ୍ସାଳୟକୁ ଚିକିତ୍ସା ପାଇଁ ଯାଉଥିଲେ। ଏହି ସମୟରେ ଗବରନଳା ଗାଁ ନିକଟ ରାସ୍ତା କଡରେ ଥିବା ଏକ ଆମ୍ବଗଛରେ ବାଇକଟି ଭାରସାମ୍ୟ ହରାଇ ପିଟି ହୋଇଥିଲା I ଫଳରେ ଯୁବକ ଜଣକ ଗୁରୁତର ଆହତ ହୋଇ ରାସ୍ତାକଡ଼ରେ ପଡିରହିଥିଲେ I ସ୍ଥାନୀୟ ଲୋକେ ତୁରନ୍ତ ଏକ ଆମ୍ବୁଲାନ୍ସ ଯୋଗେ ଫୁଲବାଣୀ ଜିଲ୍ଲା ମୁଖ୍ୟଚିକିତ୍ସଳୟକୁ ନେଇଥିଲେ I କିନ୍ତୁ ମେଡିକାଳରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ I ପରେ ଘଟଣା ସମ୍ପର୍କରେ ମୃତ ଯୁବକଙ୍କ ଭାଇ ଜଗନ୍ନାଥ ବାଘ ଗୋଛାପଡା ଥାନାରେ ଅଭିଯୋଗ କରିଥିଲେ। ପୋଲିସ ମେଡିକାଲରେ ପହଞ୍ଚି ଘଟଣାର ତଦନ୍ତ କରିଥିଲା।  ମୃତଦେହକୁ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।