ମୁମ୍ୱାଇ : ଲୋକପ୍ରିୟ ରାପର ତଥା ସିଙ୍ଗର ବାଦଶାହଙ୍କ ଚଣ୍ଡିଗଡ଼ ସ୍ଥିତ ଏକ ବ୍ଲକକୁ ପ୍ରଶାସନ ସିଲ୍ କରିଛି। ବାଦଶାହଙ୍କ ଏହି କ୍ଲବ୍ ଚଣ୍ଡିଗଡ଼ର ସେକ୍ଟର -୨୬ରେ ରହିଛି। ତାଙ୍କର ଏହି କ୍ଲବର ନାଁ SAGO By Badshah ରହିଛି। ତାଙ୍କ କ୍ଲବର ବିଲ୍ଡିଂକୁ ନେଇ ନିୟମର ଉଲ୍ଲଂଘନ ହୋଇଥିବା ଅଭିଯୋଗ ହୋଇଥିଲା, ଯାହା ପରେ ପ୍ରଶାସନ ଏହି କାର୍ଯ୍ୟାନୁଷ୍ଠାନ ନେଇଛି। ଏହି କାର୍ଯ୍ୟାନୁଷ୍ଠାନ ଚଣ୍ଡିଗଡ଼ ପ୍ରଶାସନର ଇନଫୋର୍ସମେଣ୍ଟ ୱିଙ୍ଗ୍ କରିଛି।
ଚଣ୍ଡିଗଡ଼ରେ ନିୟମ ଗୁଡ଼ିକୁ ଅଣଦେଖା କରି ଚଲାଯାଉ ଥିବା କ୍ଲବ-ଡିସ୍କୋରେ ପ୍ରଶାସନ ନିରନ୍ତର ଆକ୍ସନ ନେଉଛି। କିଛି ଦିନ ପୂର୍ବେ ମଧ୍ୟ ଚଣ୍ଡିଗଡ଼ ପ୍ରଶାସନ ସେକ୍ଟର -୨୬ର ହିଁ ଦୁଇରୁ ତିନୋଟି ଡିସ୍କୋକୁ ଭବନ ନିୟମର ଉଲ୍ଲଙ୍ଘନ ଯୋଗୁ ସିଲ୍ କରି ଥିଲା। ଏବେ ବାଦଶାହଙ୍କ କ୍ଲବ୍ ପ୍ରଶାସନର ରାଡାରକୁ ଆସିଛି।
ବାଦଶାହଙ୍କ ଏହି କ୍ଲବକୁ ପ୍ରଶାସନ କିଛି ଦିନ ପୂର୍ବେ ନୋଟିସ୍ ଜାରି କରିଥିଲା ଏବଂ ନିୟମ ଗୁଡ଼ିକର ଉଲ୍ଲଂଘନ ଅଭିଯୋଗକୁ ନେଇ ଉତ୍ତର ମଗା ଯାଇଥିଲା ,ହେଲେ ସନ୍ତୋଷଜନକ ଉତ୍ତର ନମିଳିବାରୁ ଆଜି ଅର୍ଥାତ୍ ୨ ଜୁନରେ ପ୍ରଶାସନ ଏହି କ୍ଲବକୁ ସିଲ୍ କରି ଦେଇଛି।
ଆହୁରି ମଧ୍ୟ ପଢନ୍ତୁ : ମୁଁ ଭାବୁ ନାହିଁ ସେ ଆତ୍ମହତ୍ୟା କରିଥିବେ ... ସୁଶାନ୍ତ ସିଂହ ରାଜପୁତଙ୍କୁ ନେଇ ଅଭିନେତା ଶିଶିର ଶର୍ମାଙ୍କ ପ୍ରତିକ୍ରିୟା
ପୁଲିସ ସୂଚନା ମୁତାବିକ, ପ୍ରଶାସନକୁ ଉକ୍ତ କ୍ଲବରେ ଖୁବ୍ ତ୍ରୁଟି ଦେଖିବାକୁ ମିଳିଥିଲା। ହେଲେ ଆହୁରି ଦୁଇରୁ ତିନୋଟି ଡିସ୍କୋକୁ ନୋଟିସ୍ ପଠାଯାଇ ଥିଲା। ବର୍ତ୍ତମାନ ପୁଲିସ ମୁତାବିକ, ପ୍ରଶାସନର ନିର୍ଦ୍ଦେଶରେ ଏହାକୁ ସିଲ୍ କରି ଦିଆ ଯାଇଛି।
ସାଗୋର ଇନଷ୍ଟାଗ୍ରାମ୍ ପେଜରେ ଗତ ମାସରେ ବାଦଶାହଙ୍କ ଏକ ଭିଡିଓ ସେୟାର କରାଯାଇ ଥିଲା, ଯେଉଁଥିରେ ସେ ହାତରେ ଖାଦ୍ୟ ଖାଉ ଥିବାର ନଜର ଆସୁ ଥିଲା, ସେ ପ୍ଲେଟରେ ଲାଗିଥିବା ଖାଦ୍ୟକୁ ଭଲରେ ଚାଟି ଚାଟି ଖାଉ ଥିବାର ଦେଖା ଯାଉ ଥିଲେ ଏଂ କହୁଥିଲେ , ସରି ... କିନ୍ତୁ ଖାଦ୍ୟ ଏମିତି ହିଁ ଖିଆ ଯାଏ। ଏହି କ୍ଲବ ସହ ଏକ ରେଷ୍ଟୁରାଣ୍ଟ ମଧ୍ୟ ଅଛି। ଗତ ବର୍ଷ ୧୫ ଡିସେମ୍ୱରରେ ଏହାକୁ ଦୁଇ ବର୍ଷ ପୂରିବ। ଅର୍ଥାତ୍ କ୍ଲବ ୧୫ ଡିସେମ୍ୱର ୨୦୨୩ରେ ଖୋଲା ଯାଇଥିଲା।
ଦେଖନ୍ତୁ ଏହି ଭିଡ଼ିଓ - ମାନସିକ ପୂରଣ ହେଲେ ମିଳେ ସ୍ବପ୍ନାଦେଶ,ଯେଉଁଠି ଗୋପାଳ ହାତରୁ ଗୁଡ଼, କ୍ଷୀର ପିଇଥିଲେ ସତ୍ୟ ପୀର
