ନୂଆଦିଲ୍ଲୀ,୦୩/୦୫: ପହଲଗାମ ହମଲା ପରେ ଆକ୍ସନମୁଡରେ ଭାରତ । ୱାଟର, ଡିଜିଟାଲ ପରେ ଏବେ କ୍ରିକେଟିଂ ଷ୍ଟ୍ରାଇକ୍ ହେବାକୁ ଯାଉଛି । ପାକିସ୍ତାନ ଉପରେ ବଦଲା ନେବ ବିସିସିଆଇ । ଏସିଆ କପରୁ ବିଦା ହେବ ପାକିସ୍ତାନ କ୍ରିକେଟ ଟିମ୍ । ପୂର୍ବତନ କ୍ରିକେଟର ସୁନୀଲ ଗାଭାସ୍କର ଏମିତି କିଛି ଦାବି କରିଛନ୍ତି ।

ପହଲଗାମ ଆତଙ୍କୀ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ଆହୁରି ବିଗିଡିଛି । ପାକିସ୍ତାନୀ କ୍ରିକେଟର ଭାରତ ବିରୋଧରେ ବିବାଦୀୟ ବୟାନ ଦେଉଛନ୍ତି । ଯାହା ଦେଶକୁ ମହଙ୍ଗା ପଡିପାରେ । ପୂର୍ବରୁ ଭାରତ ସରକାର ପାକିସ୍ତାନ ଉପରେ ଆକ୍ସନ ନେଇଛନ୍ତି  । ଏବେ ବିସିସିଆଇ ଆଉ ଏକ ଆକ୍ସନ ନେଇପାରେ । ଏସିଆ କପରୁ ପାକିସ୍ତାନ ବିଦା ହୋଇପାରେ । ଚଳିତବର୍ଷ ଡିସେମ୍ବରରେ ଟି୨୦ ଫର୍ମାଟ ଏସିଆ କପ ଅନୁଷ୍ଠିତ ହେବ । ଭାରତ ଆୟୋଜକ ହେବ । ଏଥିରୁ ପାକିସ୍ତାନ କ୍ରିକେଟ୍ ଟିମ୍‌କୁ ସ୍ଥାନ ମିଳି ନପାରେ । ପୂର୍ବତନ ଭାରତୀୟ କ୍ରିକେଟର ସୁନୀଲ ଗାଭାସ୍କର ଏମିତି କିଛି ଦାବି କରିଛନ୍ତି । ସେ କହିଛନ୍ତି କି, ପହଲଗାମ ହମଲା ପରେ ଏକାଧିକ ଜିନିଷ ପରିବର୍ତ୍ତନ ହୋଇଛି । ଏମିତି ସ୍ଥିତିରେ ଏବେ ପାକିସ୍ତାନ ଏସିଆ କପ୍‌ରେ ଅଂଶଗ୍ରହଣ କରିବା ଅସମ୍ଭବ ଲାଗୁଛି । ବିସିସିଆଇ ସବୁବେଳେ ଭାରତ ସରକାରଙ୍କ କଥାକୁ ପାଳନ କରିଆସିଛି । ଏସିଆ କପରେ ମଧ୍ୟ ଏମିତି କିଛି ଦେଖିବାକୁ ମିଳିପାରେ ।

ଅଧିକ ପଢନ୍ତୁ...Pahalgam Terror attack: ପାକିସ୍ତାନ ସହ ଆଉ ଖେଳିବନି ଭାରତ, ICCକୁ BCCIର ଚିଠି

ଭାଙ୍ଗି ପାରେ ଏସିସି- ସୁନୀଲ ଗାଭାସ୍କର ପାକିସ୍ତାନକୁ ଏସିଆ କପରୁ ବିଦା କରିବା ନେଇ ଏସିଆନ କ୍ରିକେଟ କାଉନସିଲ (ଏସିସି)କୁ ଭଙ୍ଗା ଯାଇପାରେ ବୋଲି କହିଛନ୍ତି । ଅର୍ଥାତ ଏସିସି ପାଇଁ ଭବିଷ୍ୟତରେ ବିପଦରେ ରହିଥିବା କହିଛନ୍ତି । ଯଦି ପରିସ୍ଥିତିରେ ସୁଧାର ନ ଆସେ ତେବେ ସେମାନଙ୍କର ଅସ୍ତିତ୍ୱ ରହିବ ନାହିଁ । ପାକିସ୍ତାନ ସ୍ଥାନରେ କେବଳ ୩ ରୁ ୪ ଦେଶ ମଧ୍ୟରେ ଏସିଆ କପ ଟୁର୍ଣ୍ଣାମେଣ୍ଟ ହୋଇପାରେ ।

ବିସିସିଆର ବର୍ତ୍ତମାନ ଚିନ୍ତା ଏସିଆ କପକୁ ନେଇ ରହିଛି ଯାହା ଡ଼ିସେମ୍ବରରେ ହେବ । ଭାରତ ଆୟୋଜକ ରହିବ । ଯେଉଁଥିରେ ଭାରତ ଓ ପାକିସ୍ତାନ ମଧ୍ୟରେ ୨ଟି ମ୍ୟାଚ ହେବାର ସମ୍ଭାବନା ରହିଛି । ଦୁଇ ଦେଶ ଗ୍ରୁପ ଏ ରେ ରହିଛନ୍ତି । ଭାରତ ଆୟେଜକ ଥିଲେ ବି ପାକିସ୍ତାନ ସହ ମ୍ୟାଚ ନ୍ୟୁଟ୍ରାଲ ଭେନ୍ୟୁରେ ହେବା ନେଇ ସମ୍ଭାବନା ରହିଛି । ପହଲଗାମ ଆକ୍ରମଣ ପରେ ପାକିସ୍ତାନ ଓ ଭାରତକୁ ଗୋଟିଏ ଗ୍ରୁପରେ ରଖା ନଯିବା ଆଇସିସିକୁ ପୂର୍ବରୁ ଚିଠି ଲେଖିଥିଲା ବିସିସିଆଇ । 

ଏବେ ଦେଖିବାକୁ ବାକି ରହିଲା କି  ଭାରତ ଓ ପାକିସ୍ତାନ ଏସିଆ କପରେ ଗୋଟିଏ ଗ୍ରୁପରେ ରହୁଛନ୍ତି ନା ନାହିଁ । ଏହା ଉପରେ ନେଇ ବଡ ନିଷ୍ପତ୍ତି ଆସିପାରେ କାରଣ ଏବେ ଯାଏ ଟୁର୍ଣ୍ଣାମେଣ୍ଟ ସୂଚୀ ଜାରି ହୋଇନାହିଁ । ମେ ସୁଦ୍ଧା ଏସିଆ କପ କ୍ରୀଡ଼ାସୂଚୀ ପ୍ରକାଶ ପାଇବ । ତେବେ ବିସିସିସିଆଇ ଓ ପିସିବି ମଧ୍ୟରେ କଣ ତାଳମେଳ ରହୁଛି ତାହା ସମୟ କହିବ ।