ନୂଆଦିଲ୍ଲୀ : ଗତ ଦିନରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜଣେ ଆତଙ୍କୀକୁ ଧରିବାରେ ସାହାଯ୍ୟ କରିବା ପାଇଁ ପାକିସ୍ତାନର ଖୁବ୍ ପ୍ରଶଂସା କରି ଥିଲେ। ଏହି ପ୍ରଶଂସା ପରେ ଖୁବ୍ ଉତ୍ସାହିତ ନଜର ଆସିଥିବା ଶାହବାଜ ସରିଫଙ୍କୁ ଟ୍ରମ୍ପ ଖୁବ୍ ଶୀଘ୍ର ବଡ଼ ଝଟକା ଦେବାକୁ ପ୍ରସ୍ତୁତ ହେଉଛନ୍ତି। ଉକ୍ତ ମାମଲା ସହ ସଂପର୍କିତ ସୂତ୍ରାନୁସାରେ , ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏମିତି ଆଦେଶରେ ଦସ୍ତଖତ କରି ପାରନ୍ତି , ଯେଉଁଥିରେ ଆଫଗାନିସ୍ତାନ ଓ ପାକିସ୍ତାନର ଲୋକଙ୍କ ଉପରେ ଆଗାମୀ ସପ୍ତାହରୁ ଆମେରିକାରେ ପ୍ରବେଶ ଉପରେ ପ୍ରତିବନ୍ଧକ ଲାଗିବ।
କହି ରଖୁଛୁ କି, ଟ୍ରମ୍ପ ପ୍ରଶାସନ ଦୁନିଆର ଅନେକ ଦେଶ ଉପରେ ଟ୍ରାଭେଲ ବ୍ୟାନ୍ ଲଗାଇବାର ପ୍ରସ୍ତୁତିରେ। ଆମେରିକୀୟ ସରକାର ଏହା ପଛରେ ଦେଶର ସୁରକ୍ଷା କାରଣ କଥା କହିଛନ୍ତି।
ସୂତ୍ର ମୁତାବିକ , ଜାନୁଆରୀରେ ଏକ କାର୍ଯ୍ୟକାରୀ ନିର୍ଦ୍ଦେଶ ଜାରି କରାଯାଇ ଥିଲା , ଯେଉଁଥିରେ ପାକ୍ ଓ ଆଫଗାନିସ୍ତାନ ବ୍ୟତୀତ ଅନ୍ୟ ଦେଶ ମଧ୍ୟ ସାମିଲ ହୋଇ ପାରନ୍ତି। ଟ୍ରମ୍ପ ଏହା ପୂର୍ବରୁ ନିଜର ପ୍ରଥମ କାର୍ଯ୍ୟକାଳରେ ମଧ୍ୟ ୭ଟି ମିସଲିମ୍ ବହୁଳ ଦେଶର ଯାତ୍ରୀଙ୍କ ଉପରେ ଆମେରିକା ଆସିବାରେ ପ୍ରତିବନ୍ଧକ ଲଗାଇବାକୁ ଘୋଷଣା କରିଦେଇ ଥିଲା। କେବଳ ଏହା ନୁହେଁ ୨୦୧୮ରେ ତାଙ୍କର ଏହି ନୀତିରେ ଆମେରିକାର ସୁପ୍ରିମକୋର୍ଟ ମଧ୍ୟ ଜାରି ରଖିଥିଲେ। ହେଲେ ପୂର୍ବତନ ରାଷ୍ଟ୍ରପତି ଜୋ ବାଇଡେନ୍ ୨୦୨୧ରେ ଏହି ପ୍ରତିବନ୍ଧକ ଗୁଡ଼ିକୁ ହଟେଇ ଦେଇ ଥିଲେ ଏବଂ ଏହାକୁ ରାଷ୍ଟ୍ରୀୟ ବିବେକ ଉପରେ ଏକ ମଇଳା ସଦୃଶ କହିଥିଲେ।
