ନୂଆଦିଲ୍ଲୀ: ଆଜିକାଲି ଲୋକମାନେ ସୁପରଷ୍ଟାର ଅମିତାଭ ବଚ୍ଚନଙ୍କ ସ୍ୱର ଶୁଣି ବିରକ୍ତ ହେଉଛନ୍ତି । ସାଇବର ସୁରକ୍ଷା ଉପରେ ସଚେତନତା ପ୍ରସାର ପାଇଁ ପ୍ରତ୍ୟେକ କଲ୍ ପୂର୍ବରୁ ତାଙ୍କ ସ୍ୱର ସହିତ କଲର ଟ୍ୟୁନ୍ ଯୋଡା ଯାଇଥିଲା । ଯେତେ ଜରୁରୀ ପରିସ୍ଥିତି ଥିଲେ ବି ଆପଣଙ୍କୁ ୪୦ ସେକେଣ୍ଡ ପାଇଁ ଏହି ସ୍ବର ଶୁଣିବାକୁ ପଡ଼ୁଛି । ଯଦି ଆପଣ ଅସୁବିଧା ସମୟରେ କାହାକୁ କଲ୍ କରିବେ, ତେବେ ପ୍ରଥମେ ବଚ୍ଚନ ସାହେବଙ୍କ ସ୍ୱର ଣୁଭିବ । ପରେ ଆପଣ କଲ୍ କରିଥିବା ବ୍ୟକ୍ତିଙ୍କ ସହ କଥା ହେବେ । ଏବେ ଏହି କଲର ଟ୍ୟୁନ୍ ସମସ୍ତଙ୍କୁ ବିରକ୍ତ କରୁଥିବା ଜଣାପଡ଼ିଛି । ଏପରିକି ଲୋକଙ୍କ ଅସନ୍ତୋଷର କାରଣ ପାଲଟିଛି ଏହି କଲର ଟ୍ୟୁନ୍ । ଏହି କାରଣରୁ ଲୋକମାନେ ସାରା ଦେଶରେ ପସନ୍ଦ କରାଯାଉଥିବା ସ୍ୱର ବିଷୟରେ ଅଭିଯୋଗ କରୁଛନ୍ତି ଏବଂ ସୋସିଆଲ ମିଡିଆରେ ନିଜର ଆପତ୍ତି ପ୍ରକାଶ କରୁଛନ୍ତି ।
ଫେସବୁକ୍, ଏକ୍ସ, ଇନଷ୍ଟାଗ୍ରାମ ଏବଂ ୟୁଟ୍ୟୁବ୍ ସମେତ ପ୍ରତ୍ୟେକ ପ୍ଲାଟଫର୍ମରେ ଲୋକମାନେ କହୁଛନ୍ତି ଯେ, ପରିସ୍ଥିତି ଯେତେ ବଡ଼ ହେଉନା କାହିଁକି, ବଚ୍ଚନ ସାହେବଙ୍କ କଥା ଶୁଣିବା ପରେ ସେମାନେ ଯାହାକୁ ଫୋନ୍ କରିଛନ୍ତି ତାଙ୍କ ସହ କଥା ହୋଇପାରୁଛନ୍ତି । ଟେଲିକମ୍ ବିଭାଗର ଅଧିକାରୀଙ୍କ ଅନୁଯାୟୀ, ଯେତେବେଳେ କଲ୍ କରାଯାଏ, ବଚ୍ଚନ ସାହେବଙ୍କ ସ୍ୱର ଶୁଣନ୍ତି ଏବଂ ଅନ୍ୟ ପାର୍ଶ୍ୱରେ ରିସିଭରଙ୍କ ମୋବାଇଲରେ ଘଣ୍ଟି ବାଜେ । କିନ୍ତୁ ଟେଲିକମ୍ ବିଶେଷଜ୍ଞଙ୍କ ଅନୁଯାୟୀ, ଅନେକ ସମୟରେ କଲର୍ ଟ୍ୟୁନ୍ ପରେ ହିଁ ରିସିଭରଙ୍କ ମୋବାଇଲରେ ଘଣ୍ଟି ବାଜିଥାଏ ।
ବିଭିନ୍ନ କ୍ଷେତ୍ରରେ ସେବା ପ୍ରଦାନ କରୁଥିବା କ୍ୟକ୍ତି କହିବା କଥା ଯେ, ଯଦି ସାଇବର ସୁରକ୍ଷା ବାର୍ତ୍ତା ଗୋଟିଏ କିମ୍ବା ଦୁଇଟି କଲରେ ବାଜେ ତେବେ କୌଣସି ଅସୁବିଧା ନାହିଁ । ଆପଣ ଯଦି ସମାନ ନମ୍ବରକୁ ଅନେକ ଥର କଲ୍ କରନ୍ତି, ତେବେ ମଧ୍ୟ ଅମିତାଭ ବଚ୍ଚନଙ୍କ ସ୍ବର ଶୁଣିବାକୁ ମିଳୁଛି । ଏହା ବହୁତ ବିଚଳିତ କରେ । ଏଥିରେ ପରିବର୍ତ୍ତନ ହେବା ଦରକାର । ଏହାର ସମାଧାନ ହୋଇ ନପାରିଲେ ଏହାକୁ ବନ୍ଦ କରିଦିଆଯିବା ଉଚିତ ।
କରୋନା ସମୟରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଥିଲା । ପ୍ରତ୍ୟେକ କଲରେ ୩୦-ସେକେଣ୍ଡର ଏକ ବାର୍ତ୍ତା ଶୁଣିବାକୁ ମିଳୁଥିଲା । ନସାଧାରଣଙ୍କ ବିରୋଧ ପରେ, ଏହାକୁ ବନ୍ଦ କରିଦିଆ ଯାଇଥିଲା । ସେହି ସମୟରେ ମଧ୍ୟ ଲୋକମାନେ ସରକାରଙ୍କୁ ପରାମର୍ଶ ଦେଇଥିଲେ ଯେ, ପ୍ରତିଦିନ ପ୍ରଥମ କଲ୍ ପୂର୍ବରୁ ଏପରି କଲର ଟ୍ୟୁନ୍ ରହିବା ଉଚିତ । ଯଦି ଏହା ପ୍ରତ୍ୟେକ କଲରେ ଆସେ ତେବେ ଏହା ଏକ ବଡ଼ ସମସ୍ୟା । ଏବେ ସାଇବର ଅପରାଧ ସମ୍ପର୍କରେ ଏହି କଲର ଟ୍ୟୁନ୍କୁ ନେଇ ସମାନ ପରିସ୍ଥିତି ସୃଷ୍ଟି ହୋଇଛି । ଏବେ ଲୋକମାନେ ଅମିତାଭ ବଚ୍ଚନଙ୍କ କଣ୍ଠରେ ଶୁଣିବାକୁ ମିଳୁଥିବା କଲର ଟ୍ୟୁନ୍ ବନ୍ଦ କରିବା ପାଇଁ ସୋସିଆଲ ମିଡିଆରେ ସ୍ୱର ଉଠାଇଛନ୍ତି ।
