ନୂଆଦିଲ୍ଲୀ,୨୧/୦୩ : ସଂସଦରେ କେନ୍ଦ୍ର ସରକାର ଦେଇଥିବା ତଥ୍ୟ ଅନୁସାରେ ଜୁନ୍ ୨୦୨୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆମେରିକା ଗସ୍ତରେ ୨୨ କୋଟି ଟଙ୍କାରୁ ଅଧିକ ଖର୍ଚ୍ଚ ହୋଇଛି । ୨୦୨୨ରୁ ୨୦୨୪ ମଧ୍ୟରେ ପିଏମ୍ ମୋଦି ୩୮ଟି ବିଦେଶ ଗସ୍ତ କରିଛନ୍ତି । ଯେଉଁଥିରେ ମୋଟ୍ ୨୫୮ ଟଙ୍କା ଖର୍ଚ୍ଚ ହୋଇଛି । ଯେଉଁଥିରେ ସୁରକ୍ଷା, ହୋଟେଲ ଓ ଅନ୍ୟାନ ଖର୍ଚ୍ଚ ରହିଛି । ରାଜ୍ୟସଭାରେ ବିରୋଧୀ ଦଳ ନେତା ତଥା କଂଗ୍ରେସ ସାଂସଦ ମଲ୍ଲିକାର୍ଜୁନ ଖଡଗେଙ୍କ ପ୍ରଶ୍ନର ଉତ୍ତର ଦେଇ ରାଜ୍ୟସଭାରେ ତଥ୍ୟ ପ୍ରଦାନ କରିଛି ବୈଦେଶିକ ବ୍ୟାପାର ମନ୍ତ୍ରଣାଳୟ ।

୩୮ ବିଦେଶ ଗସ୍ତରେ ୨୫୮ କୋଟି ଖର୍ଚ୍ଚ- ପିଏମ ମୋଦି ୨୦୨୨ରେ ଜର୍ମାନୀ ଗସ୍ତରୁ ନେଇ ୨୦୨୪ରେ କୁଏତ ଗସ୍ତ ଯାଏ ୩୮ଟି ବିଦେଶ ଗସ୍ତ କରିଛନ୍ତି । ଏହି ସମସ୍ତ ଗସ୍ତର ଖର୍ଚ୍ଚ ମୋଟ ୨୫୮ କୋଟି ଟଙ୍କା ରହିଛି । ଏଥିରେ ହୋଟେଲରେ ରହିବା, ସାମୁଦାୟିକ ସ୍ବାଗତ, ପରିବହନ ଏବଂ ଅନ୍ୟ ସମ୍ବନ୍ଧିତ ଖର୍ଚ୍ଚ ସାମିଲ ଅଛି । ଏହା ସହିତ ସୁରକ୍ଷା ଏବଂ ମିଡିଆ ପ୍ରତିନିଧି ମଣ୍ଡଳୀଙ୍କ ଉପରେ ମଧ୍ୟ ଖର୍ଚ୍ଚ ସାମିଲ ଅଛି । ମେ ୨୦୨୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜର୍ମାନୀ ଗସ୍ତ କରିଥିଲେ । ଏଥିରେ ପାଖାପାଖି ୧୭, ୧୯, ୩୩, ୩୫୬ କୋଟି ଟଙ୍କା ଖର୍ଚ୍ଚ ହୋଇଥିଲା । ୨୦୨୨ରେ ନେପାଳ ଯାତ୍ରା ବାବଦରେ ୮୦, ୦୧, ୪୮୩ ଟଙ୍କା ଖର୍ଚ୍ଚ ହୋଇଥିଲା । 

୨୦୨୨ରେ ଡେନମାର୍କ, ଫ୍ରାନ୍ସ, ୟୁଏଇ, ଉଜବେକିସ୍ତାନ ଓ ଇଣ୍ଡୋନେସିଆ ଗସ୍ତ କରିଥିଲେ। ୨୦୨୩ ବିଦେଶ ଯାତ୍ରାରେ ଅଷ୍ଟ୍ରେଲିଆ, ମିଶ୍ରୀ, ଦକ୍ଷିଣ ଆଫ୍ରିକା ଏବଂ ଗ୍ରୀସ ସାମିଲ ଅଛି । ୨୦୨୪ରେ ମୋଦିଙ୍କ ପୋଲାଣ୍ଡ ଗସ୍ତରେ ୧୦, ୧୦, ୧୮, ୬୮୬ ଖର୍ଚ୍ଚ ହୋଇଥିଲା । ୟୁକ୍ରେନ ଗସ୍ତରେ ୨, ୫୨, ୦୧, ୧୬୯, ଋଷ ଗସ୍ତରେ  ୫, ୩୪, ୭,୭୨୬ ଇଟାଲୀ ୧୪, ୩୬,୫୫, ୨୮୬, ବ୍ରାଜିଲ ଗସ୍ତରେ ୫,୫୧, ୮୬, ୫୯୨ ଏବଂ ଗୁୟାନ ଗସ୍ତରେ ୫, ୪୫, ୯୧, ୪୯୫ ଟଙ୍କା ଖର୍ଚ୍ଚ ହୋଇଛି ।

ଏହା ବି ପଢନ୍ତୁ...ରାହୁଲଙ୍କୁ ଦେଶଭକ୍ତ କହିଲା GROK; ଟେନସନରେ ମୋଦି ସରକାର ! ଜାଣନ୍ତୁ RSSକୁ କ'ଣ କହିଦେଲା ?

ମୋଦିଙ୍କ ୨୦୨୩ ଆମେରିକା ଗସ୍ତ ଖର୍ଚ୍ଚ ୨୨ କୋଟି- ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୨୦୨୩ ଆମେରିକା ଗସ୍ତ ନିମନ୍ତେ ୨୨ କୋଟି ଟଙ୍କା ଖର୍ଚ୍ଚ ହୋଇଛି । ବୈଦେଶିକ ମନ୍ତ୍ରଣାଳୟ ପକ୍ଷରୁ ରାଜ୍ୟସଭାରେ  ଲିଖିତ ଉତ୍ତରରେ ଏହି ତଥ୍ୟ ପ୍ରଦାନ କରାଯାଇଛି । ପ୍ରଧାନମନ୍ତ୍ରୀଙ୍କ ୩୮ଟି ବିଦେଶ ଗସ୍ତର ଖର୍ଚ୍ଚ ବିବରଣୀ ଦିଆଯାଇଛି । ଜୁନ ୨୦୨୩ରେ ଆମେରିକା ଗସ୍ତରେ ୨୨ କୋଟି  ୮୯ ଲକ୍ଷ  ୮୬ ହଜାର  ୫୦୯ ଟଙ୍କା ଖର୍ଚ୍ଚ ହୋଇଥିଲା । ୨୦୨୪ ଆମେରିକା ଗସ୍ତରେ ୧୫ କୋଟି ୩୩ ଲକ୍ଷ ୭୬ ହଜାର ୩୪୮ ଟଙ୍କା ଖର୍ଚ୍ଚ ହୋଇଛି ।