ସାଲେପୁର, ୦୯/୧୧: ପ୍ରତାରଣାର ଶିକାର ଯୁବତୀକୁ ନ୍ୟାୟ ପ୍ରଦାନ କରିବାରେ କଟକ ଜିଲ୍ଲା କିଶନ ନଗର ପୋଲିସ ବିଫଳ ହୋଇଛି । ଯୁବତୀ ଜଣକ ଏସ୍ପିଙ୍କ ପାଖରେ ଅଭିଯୋଗ କରିବା ପରେ କିଶନ ନଗର ପୋଲିସ ରଖିଲା ଅଭିଯୋଗ । ଯୁବତୀ ଜଣକ କଟକ ଜିଲ୍ଲା କିଶନ ନଗର ଥାନା ଅଧିନସ୍ତ ଯସପଡା ଅଞ୍ଚଳର ହୋଇଥିବା ବେଳେ କଟକ ଜିଲ୍ଲା କିଶନ ନଗର ଥାନାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଯସପଡା ଅଞ୍ଚଳର ଜଣେ ଯୁବତୀ କିଶନ ନଗର ଥାନା ଅଧିନସ୍ତ ହରିପୁର ଗ୍ରାମର ବିଶ୍ଵଜିତ ସେଠି ନାମକ ଯୁବକ ସହିତ ଦୀର୍ଘ ଚାରି ବର୍ଷ ହେବ ପ୍ରେମ ସମ୍ପର୍କ ରଖିଥିଲେ । ଯୁବକ ଜଣକ ବିବାହର ପ୍ରଲୋଭନ ଦେଖାଇ ଯୁବତୀଙ୍କ ସହିତ ଶାରୀରିକ ସମ୍ପର୍କ ରଖିଥିଲେ । ପରେ ନୋଟାରୀରେ ବିବାହ ମଧ୍ୟ କରିଥିଲେ । ହେଲେ ଯୁବକ ଜଣକ ଅନ୍ୟ ମହିଳାଙ୍କ ସହ ମଧ୍ୟ ସମ୍ପର୍କ ରଖିଥିଲେ । ଏ ବିଷୟରେ ଯୁବତୀ ଜଣକ ଜାଣିବାକୁ ପାଇଥିଲେ । ଏହା ଜାଣି ଯୁବତୀ ଜଣକ ବିଶ୍ୱଜିତଙ୍କ ନାଁରେ ଥାନାରେ ଅଭିଯୋଗ କରିଥିଲେ । ହେଲେ କିଶନ ନଗର ପୋଲିସ ଅଭିଯୋଗ ରଖିନଥିଲା । ପରେ ଯୁବତୀ ଜଣକ ବାଧ୍ୟ ହୋଇ ଏସପିଙ୍କ ନିକଟରେ ଅଭିଯୋଗ କରିଥିଲେ । ଏସପିଙ୍କ ହସ୍ତକ୍ଷେପ ପରେ କିଶନ ନଗର ପୋଲିସ ଏକ ମାମଲା ରୁଜୁ କରିଥିଲା । ହେଲେ ନ୍ୟାୟ ଦେବା ବଦଳରେ ଯୁବତୀଙ୍କ ଅଭିଯୋଗକୁ ରଖି ଚୁପମାରି ବସିଥିବାର ଯୁବତୀ ଜଣକ ଅଭିଯୋଗ କରିଛନ୍ତି । ତେବେ କିଶନନଗର ଥାନାରୁ ଯଦି ନ୍ୟାୟ ନ ମିଳିବ, ମୁଖ୍ୟମନ୍ତ୍ରୀଙ୍କୁ ଅଭିଯୋଗ କରିବେ ବୋଲି ଯୁବତୀ ପ୍ରକାଶ କରିଛନ୍ତି।
