ନୂଆଦିଲ୍ଲୀ: ପଶ୍ଚିମବଙ୍ଗରେ ପ୍ରଥମ ବିଜେପି ମୁଖ୍ୟମନ୍ତ୍ରୀ ହୋଇଛନ୍ତି ଶୁଭେନ୍ଦୁ ଅଧିକାରୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପସ୍ଥିତିରେ ସେ ଶପଥ ଗ୍ରହଣ କରିଛନ୍ତି । ଏହି ଶପଥ ଗ୍ରହଣ ପରେ ଶୁଭେନ୍ଦୁଙ୍କ ନିକଟକୁ ଛୁଟିଛି ଶୁଭେଚ୍ଛାର ସୁଅ । କିନ୍ତୁ ଏହାରି ଭିତରେ ବର୍ଷିଛନ୍ତି ଜଣାଶୁଣା ଅଭିନେତା ତଥା ରାଜନେତା ପ୍ରକାଶ ରାଜ । ସେ ବିଜେପି ଉପରେ ବର୍ଷିବା ସହ ମୋଦୀ ଏବଂ ଶୁଭେନ୍ଦୁଙ୍କ ଏକ ପୁରୁଣା ଭିଡିଓ ସେୟାର କରିଛନ୍ତି ।

ପ୍ରକାଶ ରାଜ ଏକ ପୁରୁଣା ଭିଡିଓ ସେୟାର କରିଛନ୍ତି । ଯାହା ୧୦ ବର୍ଷ ପୁରୁଣା ରହିଛି । ଏହି ଭଡିଓରେ ୨ଟି ଭିଡିଓର ମିଶ୍ରଣ ରହିଛି । ଗୋଟିଏ ପଟରେ ଏକ ଖବରକାଗଜରେ ଟଙ୍କା ରଖି ଲାଞ୍ଚ ନେଉଛନ୍ତି ଶୁଭେନ୍ଦୁ ଅଧିକାରୀ । ଏହି ଭିଡିଓଟି ସେ ଟିଏମସିରେ ଥିବା ସମୟର । ଲାଞ୍ଚ ନେବାର ଭିଡିଓ ବେଶ ଭାଇରାଲ ହୋଇଥିଲା । ଆଉ ସେ ସମୟରେ ମୋଦୀ ତାଙ୍କୁ ସମାଲୋଚନା କରିଥିଲେ । ଉଭୟଙ୍କ ଭିଡିଓ ମିଶାଇ ସେୟାର କରିଛନ୍ତି । ଆଉ ଲେଖିଛନ୍ତି କି, ବିଜେପିରେ ମିଶିବା ପରେ ଓ୍ବାଶିଂ ମେସିନରେ ପଡ଼ିଗଲେ । ଆଉ ସଫା ହୋଇଗଲେ ।

କାରଣ ଶୁଭେନ୍ଦୁଙ୍କ ସେହି ଭିଡିଓ ଭାଇରାଲ ହେବା ପରେ ମୋଦୀ ତାଙ୍କୁ ଦୁର୍ନୀତିଗ୍ରସ୍ତ କହି ସମାଲୋଚନା କରିଥିଲେ। କିନ୍ତୁ ପରେ ସେ ବିଜେପିରେ ସାମିଲ ହୋଇ ବଙ୍ଗର ବିଜେପି ମଙ୍ଗ ଧରିଥିଲେ । ଏହାସ ପ୍ରକାଶ ରାଜ ଆଉ ଏକ ଭିଡିଓ ମଧ୍ୟ ସେୟାର କରିଛନ୍ତି ଯେଉଁଥିରେ ମୋଦୀଙ୍କ କଟଆଉଟ୍ ଲାଗିଛି । ଆଉ ଏଥିରେ ସେ କ୍ୟାପସନରେ ଓ୍ବା ଓ୍ବା ଲେଖିଛନ୍ତି । ଯେଉଁ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।

ଏହାସହ ପଢ଼ନ୍ତୁ : ହରିୟାଣାରୁ ବଙ୍ଗ: ମୋଦୀ ପ୍ରଧାନମନ୍ତ୍ରୀ ହେବା ପରେ ଏହି ୯ ରାଜ୍ୟରେ ଆସିଲା ସରକାର