ମୁମ୍ବାଇ,୦୫/୧୨: ଅଲ୍ଲୁ ଅର୍ଜୁନଙ୍କ ବହୁ ପ୍ରତିକ୍ଷିତ ଫିଲ୍ମ 'ପୁଷ୍ପା ୨: ଦ ରୁଲ'। ଦୀର୍ଘ ଦିନର ଅପେକ୍ଷାରେ ପ୍ରେକ୍ଷାଳୟରେ ମୁକ୍ତିଲାଭ କରିଛି । ଏନେଇ ଫ୍ୟାନ୍ସଙ୍କ ମଧ୍ୟରେ ଦେଖିବାକୁ ମିଳିଛି କ୍ରେଜ । ଫିଲ୍ମଟି ଆଜି ରିଲିଜ ହୋଇଥିବା ବେଳେ ଆଜି ଭୋରୁ ଜମିଛି ଫ୍ୟାନ୍ସଙ୍କ ଭିଡ଼ । ତେବେ ପୁଷ୍ପା-୨ ଆଡଭାନ୍ସ ବୁକିଂରେ କରି ବିପୁଳ ଅର୍ଥ ଅର୍ଜନ କରିଥିବା ବେଳେ ପ୍ରଥମ ଦିନ ପାଇଁ ଫିଲ୍ମ ହାଉସଫୁଲ ରହିଛି । ଏଥିସହ ଫିଲ୍ମ ଦେଖି ଲୋକେ ଫିଲ୍ମକୁ ନେଇ ଦେଉଛନ୍ତି ନିଜ ପ୍ରତିକ୍ରିୟା ।
ସୋସିଆଲ ମିଡିଆରେ 'ପୁଷ୍ପା ୨' କୁ ନେଇ ଦର୍ଶକଙ୍କ ମଧ୍ୟରେ ଭିନ୍ନ କ୍ରେଜ ଦେଖିବାକୁ ମିଳିଛି । ଟ୍ରେଡ ଆନାଲିଷ୍ଟ ଠାରୁ ସେଲିବ୍ରିଟି ଏବଂ ଫ୍ୟାନ୍ସ ଫିଲ୍ମ ନେଇ ନିଜ ପ୍ରତିକ୍ରିୟା ଦେଇଛନ୍ତି । କେହି ଏହି ଫିଲ୍ମକୁ ବ୍ଲକବ୍ଲଷ୍ଟର ଟ୍ୟାଗ ଦେଇଛି ତ କେହି ଏହାକୁ ଅଲୁ ଅର୍ଜୁନଙ୍କ ସ୍ୱତନ୍ତ୍ର ନାଟକ ବିଶ୍ୱରୂପୀ ଅବତାରକୁ ବହୁତ ପସନ୍ଦ କରିଛନ୍ତି । ସେହିପରି ଅନ୍ୟମାନେ ଏହି ଚଳଚ୍ଚିତ୍ରକୁ କେବଳ ଆକ୍ସନ୍ ନୁହେଁ ବରଂ ଭାବପ୍ରବଣ, ରୋମାଣ୍ଟିକ୍ ଏବଂ ପାରିବାରିକ ଡ୍ରାମା ବୋଲି ମଧ୍ୟ କହୁଛନ୍ତି । ଅନ୍ୟପଟେ ଚଳଚ୍ଚିତ୍ର ବିଷୟରେ ରିଭ୍ୟୁ ସେୟାର କରି ଜଣେ ଫ୍ୟାନ୍ ଲେଖିଛନ୍ତି, ଅଲ୍ଲୁ ଅର୍ଜୁନ - ଭଗବାନ ସ୍ତରର କଳାକାର । ପୁଣି ଜାତୀୟ ପୁରସ୍କାର ହାତେଇବ ଫିଲ୍ମ । ଆଉ ଜଣେ ଲେଖିଛନ୍ତି, 'ସ୍ୱାଗ,ଏହାକୁ ଆଉ କେହି ଭଲ କରିପାରିବେ ନାହିଁ । କିମ୍ବଦନ୍ତୀ ପୁଣି ରାଜତ୍ୱ କରିବାକୁ ପ୍ରସ୍ତୁତ । ଅନ୍ୟ ଜଣେ ଲେଖିଛନ୍ତି, 'ପ୍ରଥମାର୍ଦ୍ଧ: ବ୍ଲକବଷ୍ଟର ପ୍ରଥମାର୍ଦ୍ଧ।
ପ୍ରକାଶ ଥାଉକି, ନିର୍ଦ୍ଦେଶକ ସୁକୁମାରଙ୍କ 'ପୁଷ୍ପା ୨: ଦ ରୁଲ' ଆଜି କାଧିକ ଭାଷାରେ ମୁକ୍ତିଲାଭ କରିଛି । ଗତକାଲି ତେଲେଙ୍ଗାନା, ଆନ୍ଧ୍ରପ୍ରଦେଶ ଏବଂ ବେଙ୍ଗାଲୁରୁର ବିଭିନ୍ନ ପ୍ରେକ୍ଷାଳୟରେ ପ୍ରିମିୟର ସୋ ’ଧାର୍ଯ୍ୟ କରାଯାଇଥିଲା । 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା ୨୦୨୧ ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା ।
