ଭୁବନେଶ୍ୱର,୧୨/୦୮: ପୁଣି ଓଡ଼ିଶା ଗସ୍ତରେ ଆସିବେ କଂଗ୍ରେସ ନେତା ରାହୁଲ ଗାନ୍ଧି । ଏଥର ପ୍ରିୟଙ୍କା ଗାନ୍ଧି ବି ଆସିବା ପାଇଁ କାର୍ଯ୍ୟକ୍ରମ ପ୍ରସ୍ତୁତ ହେଉଛି । ଏ ସୂଚନା ଦେଇଛନ୍ତି ପିସିସି ସଭାପତି ଭକ୍ତ ଚରଣ ଦାସ ।
ଆସନ୍ତା ଅକ୍ଟୋବର ୨ ତାରିଖ ପବିତ୍ର ଗାନ୍ଧି ଜୟନ୍ତୀରୁ କଂଗ୍ରେସ ଓଡ଼ିଶାରେ ପଦଯାତ୍ରା ଆରମ୍ଭ କରିବ । ମାଲକାନଗିରିରୁ ଏହି ପଦଯାତ୍ରା ଆରମ୍ଭ ହେବ । ୩ଟି ପର୍ଯ୍ୟାୟରେ ପଦଯାତ୍ରା ହେବ । ୧୪୭ ନିର୍ବାଚନମଣ୍ଡଳୀକୁ ଏହି ପଦଯାତ୍ରା ଛୁଇଁବ ବୋଲି ଭକ୍ତ କହିଛନ୍ତି ।
୨୦୨୪ ନିର୍ବାଚନ ପରେ କଂଗ୍ରେସର ଫୋକସ୍ରେ ରହିଛି ଓଡ଼ିଶା । ବିଜେଡି କ୍ଷମତାରୁ ହଟିବା ପରେ ରାଜ୍ୟରେ କଂଗ୍ରେସ ନିଜ ସ୍ଥିତି ମଜବୁତ କରିବାକୁ ଅଭିଯାନ ଆରମ୍ଭ କରି ଦେଇଛି । ନିଜେ ରାହୁଲ ଓଡ଼ିଶା ପାଇଁ ସ୍ୱତନ୍ତ୍ର ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛନ୍ତି । ଗତ ଜୁଲାଇ ମାସରେ ରାହୁଲ ଓ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଭୁବନେଶ୍ୱର ଆସି ସମାବେଶ କରିଥିଲେ ।
