ନବରଙ୍ଗପୁର,୩୧।୫(ଆପ୍ର) : ନବରଙ୍ଗପୁର ଜିଲ୍ଲାରେ ବିହନ କଳାବଜାରୀ ରୋକିବାକୁ ଜିଲ୍ଲା ପ୍ରଶାସନ ଅଣ୍ଟାଭିଢିଛି। ବିହନଏନ୍ଫୋର୍ସ ମେଣ୍ଟ ସ୍ପାର୍ଡ ଚନ୍ଦାହାଣ୍ଡି ବ୍ଳକର ୭ଟି ବିହନ ଦୋକାନ ଉପରେ ଚଢାଉ ବିଭିନ୍ନ ଅନିୟମିତତା ଗୁଡିକର ୭ଦିନ ମଧ୍ୟରେ ସ୍ପଷ୍ଟିକରଣ ଦେବାକୁ ନୋଟିସ୍ ଜାରୀ କରିଛି। ୭ ଦିନ ମଧ୍ୟରେ ବିହନ ଦୋକାନୀ ମାନେ ସନ୍ତୋଷ ଜନକ ଉତ୍ତର ନ ମିଳିଲେ ସେମାନଙ୍କର ଲାଇସେନ୍ସ ରଦ୍ଧ କରାଯିବ ବିହନ ଏନ୍ଫୋର୍ସମେଣ୍ଟ ସ୍କାର୍ଡ ସ୍ପଷ୍ଟ କରିଦେଇଛି।
ଜିଲ୍ଲା ଏନ୍ଫୋର୍ସ ସ୍ପାର୍ଡରେ କୃଷି ଜିଲ୍ଲାଅଧୂକାରୀ ବିଶ୍ଵଜିତ ସାହୁ, ଅନୀଲ କୁମାର ପ୍ରହରାଜ, ପ୍ରଣୟ କୁମାର ମନ୍ତ୍ରୀ, ବିହନ ନୀରିକ୍ଷକ ପ୍ରଶାନ୍ତ କୁମାର ବାଗ, ଚନ୍ଦାହାଣ୍ଡି ତହସିଲଦାର ସହଦେବ କୁତୁର୍କା ପ୍ରମୁଖ ଚନ୍ଦାହାଣ୍ଡି ବ୍ଳକର ୭ଟି ବିହନ ଦୋକାନ ଉପରେ ଚଢାଉ କରି ଥିଲେ। କିଏ ଅଣସ୍ବୀକୃତି ପ୍ରାପ୍ତ ବିହନ କମ୍ପାନୀର ବିହନ ବିକ୍ରି କରୁଛି ତ’ ଆଉ କାହାର ଷ୍ଟକ୍ ବୁକ୍ ନିୟମିତ କରାଯାଉନି। ଏଭଳି ଆଇନ ଉଲଂଘନ କରି ବିହନ କାରବାର ଚାଲିଥିବା ଯୋଗୁ ୭ଟି ବିହନ ଦୋକାନ ଉପରେ ଚଢାଉ କରି ନୋଟିସ୍ ଜାରୀ କରିଛନ୍ତି। ଆସନ୍ତା ୭ ଦିନ ମଧ୍ୟରେ ସନ୍ତୋଷ ଜନକ ଉତ୍ତର ନ ମିଳିଲେ ସେମାନଙ୍କ ଲାଇସେନ୍ସ ଗୁଡିକ ରଦ୍ଧ କରାଯିବ ବୋଲି ଏନ୍ଫୋର୍ସମେଣ୍ଟ ସ୍କ୍ମାର୍ଡ ସ୍ପଷ୍ଟ କରିଛି।
ସୂଚନାଯୋଗ୍ୟ ଯେ. ଜିଲ୍ଲାରେ ଭେଜାଲ ବିହନ ଓ ସାରକୁ ନେଇ ଅନେକ ଥର ଚାଷୀ ଅଭିଯୋଗ କରିଛନ୍ତି। ଏଥି ପାଇଁ ଚାଷୀ ଅନେକ କ୍ଷତିଗ୍ରସ୍ତ ହଉଛନ୍ତି। ନବରଙ୍ଗପୁର ଜିଲ୍ଲାରେ ବିହନ ଓ ସାର କଳାବାଜରୀଙ୍କୁ ରୋକିବା ପାଇଁ ପ୍ରଥମ ଥର ପାଇଁ ଜିଲ୍ଲାପ୍ରଶାସନ ପକ୍ଷରୁ କଠୋର ପଦକ୍ଷେପ ଗ୍ରହଣ କରୁଥିବାରୁ ବିହନ ଓ ସାରକୁ କଳାବାଜରୀଙ୍କ ନିଦ ହଜିଯାଇଥିବା ବେଳେ ଚାଷୀ ଏହାକୁ ସ୍ବାଗତ କରିଛନ୍ତି।
