ମୁମ୍ବାଇ,୩୦/୧୧: ପୁଣି ଅଡୁଆରେ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରା। ଗତକାଲି ରାଜ କୁନ୍ଦ୍ରାଙ୍କ ଘର ଏବଂ ତାଙ୍କ ଘନିଷ୍ଠ ବ୍ୟକ୍ତିଙ୍କ ଘର ଉପରେ ଚଢାଉ କରିଛି ଇଡି। ଯାହାକୁ ନେଇ ରାଜ କୁନ୍ଦ୍ରା ସୋସିଆଲ ମିଡିଆରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି । ଯେଉଁଥିରେ ଏହି ମାମଲାରେ ତାଙ୍କ ପତ୍ନୀଙ୍କୁ ସାମିଲ ନ କରିବାକୁ କହିଛନ୍ତି । ରାଜ କୁନ୍ଦ୍ରା ନିଜ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ ସେୟାର କରି ଲେଖିଛନ୍ତି, '' ଗତ ଚାରି ବର୍ଷ ଧରି ଚାଲିଥିବା ଯାଞ୍ଚକୁ ମୁଁ ସମ୍ପୂର୍ଣ୍ଣ ଭାବେ ସହଯୋଗ କରୁଛି। 'ସହଯୋଗ', 'ଅଶ୍ଳୀଳ' ଏବଂ 'ମନି ଲଣ୍ଡରିଂ' ଦାବି ନେଇ ପ୍ରଶ୍ନ ରହିଛି । ଏହାକୁ ନେଇ ଆମେ କେବଳ ଏତିକି କହିବୁ, ମିଛ କଥା ସତ୍ୟକୁ କେବେ ଲୁଚାଇ ପାରିବ ନାହିଁ, ଶେଷରେ ନ୍ୟାୟର ବିଜୟ ହେବ । ଏଥିରେ ମୋ ପତ୍ନୀଙ୍କ ନାମକୁ ବାରମ୍ବାର ସାମିଲ କରନ୍ତୁ ନାହିଁ । ଦୟାକରି ସୀମାରେ ରୁହନ୍ତୁ ଏବଂ ସମ୍ମାନ ଦିଅନ୍ତୁ ।''
ପ୍ରକାଶ ଥାଉକି, ମୁମ୍ବାଇ ପୋଲିସ ୨୦୨୧ ମାମଲାରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି କାର୍ଯ୍ୟ ମୋବାଇଲ୍ ଆପ୍ ମାଧ୍ୟମରେ ଅଶ୍ଲୀଳ ବିଷୟବସ୍ତୁ ସୃଷ୍ଟି ଏବଂ ପ୍ରଚାର ସହିତ ଜଡିତ । ପୂର୍ବରୁ ମଧ୍ୟ ଏହି ମାମଲାରେ ଶିଳ୍ପାଙ୍କ ନାମ ଅଣାଯାଇଥିଲା। ବର୍ତ୍ତମାନ ଯେତେବେଳେ ଏହାକୁ ପୁନର୍ବାର ଶିଳ୍ପାଙ୍କ ନାଁ ସହ ଯୋଡାଯାଇଥିବାରୁ ରାଜ ଏନେଇ ପ୍ରତିକ୍ରୟା ଦେଇ ବର୍ଷିଛନ୍ତି । ରାଜ କୁନ୍ଦ୍ରା ମାସ ମାସ ଧରି ଇଡି ସ୍କାନରରେ ଥିଲେ, ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଅଭିଯୋଗରେ କୁନ୍ଦ୍ରାଙ୍କୁ ୨୦୨୧ ମସିହାରେ ଗିରଫ କରାଯାଇଥିଲା। ଦୁଇ ମାସ ଜେଲରେ ରହିବା ପରେ ସେ ସେପ୍ଟେମ୍ବର ୨୦୨୧ ରୁ ଜାମିନରେ ବାହାରିଛନ୍ତି ।
