ନୂଆଦିଲ୍ଲୀ: ଶେଷ ନିଶ୍ବାସ ପର୍ଯ୍ୟନ୍ତ କଠୋର କାରାଦଣ୍ଡ ଭୋଗୁଥିବା ଆତ୍ମଘୋଷିତ ବାବା ଆଶାରାମଙ୍କୁ ପୁଣି ଥରେ ଚିକିତ୍ସା ପାଇଁ ରାଜସ୍ଥାନ ହାଇକୋର୍ଟ ୧୭ ଦିନ ପାରୋଲ ଦେଇଛନ୍ତି । ମହାରାଷ୍ଟ୍ରର ପୁଣେର ଏକ ଡାକ୍ତରଖାନାରେ ଚିକିତ୍ସା ପାଇଁ ଆଶାରାମଙ୍କ ଓକିଲ ରାଜସ୍ଥାନ ହାଇକୋର୍ଟରେ ଏକ ଆବେଦନ କରିଥିଲେ।
ଏଥିରେ ଅଶାରାମଙ୍କ ଚିକିତ୍ସା ପାଇଁ ପାରୋଲ ଦାବି କରାଯାଇଥିଲା। ଏହି ଆବେଦନ ଶୁଣିବା ପରେ ଆଶାରାମଙ୍କୁ ୧୭ ଦିନ ଚିକିତ୍ସା ପାଇଁ ପାରୋଲ ଦିଆଯାଇଛି। ଯେଉଁଥିରେ ଚିକିତ୍ସା ପାଇଁ ୧୫ ଦିନ ଏବଂ ଯାତ୍ରା ପାଇଁ ଦୁଇ ଦିନ ଦିଆଯାଇଛି। କୋର୍ଟଙ୍କ ତରଫରୁ ପୂର୍ବରୁ ଦିଆଯାଇଥିବା ପାରୋଲର ସର୍ତ୍ତ କାର୍ଯ୍ୟକାରୀ କରିବାକୁ ପୋଲିସ ପ୍ରଶାସନକୁ କୁହାଯାଇଛି। ଏୟାର ଆମ୍ବୁଲାନ୍ସ ଯୋଗେ ଆଶାରାମଙ୍କୁ ମହାରାଷ୍ଟ୍ରର ମାଧବବାଗ ଡାକ୍ତରଖାନାକୁ ନିଆଯିବ।
ଆସାରାମଙ୍କ ଓକିଲ କାଲୁରାମ ଭାଟି କହିଛନ୍ତି ଯେ, ଆଶାରାମଙ୍କ ଚିକିତ୍ସା ପାଇଁ ଆମେ କୋର୍ଟରେ ଏକ ପିଟିସନ ଦାଖଲ କରିଛୁ। ସେ କହିଛନ୍ତି ଯେ ମହାରାଷ୍ଟ୍ରର ମାଧବ ବାଗ ଆୟୁର୍ବେଦ ହସପିଟାଲରେ ତାଙ୍କର ୭ ଦିନିଆ ପାରୋଲରେ ଚିକିତ୍ସା ହେତୁ ଆସାରାମଙ୍କ ସ୍ୱାସ୍ଥ୍ୟରେ ଯଥେଷ୍ଟ ଉନ୍ନତି ହୋଇଛି ବୋଲି ସେ କୋର୍ଟଙ୍କୁ କହିଛନ୍ତି। ତେଣୁ ତାଙ୍କୁ ପାରୋଲ ଦିଆଯିବା ଉଚିତ, ଯାହା ଦ୍ବାରା ସେ ତାଙ୍କର ଚିକିତ୍ସା କରିପାରିବେ। ପାରୋଲ ଆବେଦନ ଶୁଣିବା ପରେ ୧୭ ଦିନ ପାରୋଲ ପାଇଁ ନିର୍ଦ୍ଦେଶ ଦିଆଯାଇଛି। ଚିକିତ୍ସା ପାଇଁ କୋର୍ଟ ୧୫ ଦିନ ଏବଂ ଯାତ୍ରା ପାଇଁ ୨ ଦିନ ସମୟ ଦେଇଛନ୍ତି। ତେବେ ପୂର୍ବରୁ ଦିଆଯାଇଥିବା ପାରୋଲର ସର୍ତ୍ତ କାର୍ଯ୍ୟକାରୀ କରିବାକୁ କୋର୍ଟ ଆଶାରାମଙ୍କୁ କହିଛନ୍ତି।
ସୂଚନାଥାଉକି ୧୪ ଏବଂ ୧୫ ଅଗଷ୍ଟ ୨୦୧୩ ରେ, ଆସାରାମ ଯୋଧପୁର ଆଶ୍ରମରେ ନିଜର ଗୁରୁକୁଳର ଜଣେ ନାବାଳିକା ଶିଷ୍ୟାଙ୍କୁ ବଳାତ୍କାର କରିଥିଲେ। ଏହା ପରେ ଦିଲ୍ଲୀର କମଲା ନାଗର ପୋଲିସ ଷ୍ଟେସନରେ ମାମଲା ରୁଜୁ ହୋଇଥିଲା । ଘଟଣାର ଯାଂଚ କରିବା ପରେ ଯୋଧପୁର ପୋଲିସ ୩୧ ଅଗଷ୍ଟ ରାତିରେ ଆଶାରାମଙ୍କୁ ଆଶ୍ରମକୁ ଗିରଫ କରି ସେପ୍ଟେମ୍ବର ୧ ରେ ଯୋଧପୁରକୁ ଆଣିଥିଲା। ସେବେଠାରୁ ଆଶାରାମ ଯୋଧପୁର କେନ୍ଦ୍ରୀୟ ଜେଲରେ ରହିଛନ୍ତି। ଶେଷ ନିଶ୍ୱାସ ପର୍ଯ୍ୟନ୍ତ ଆଶାରାମଙ୍କୁ କଠୋର କାରାଦଣ୍ଡରେ ଦଣ୍ଡିତ କରାଯାଇଛି।
