ମୁମ୍ବାଇ,୦୨ /୦୭: ଖୁବଶୀଘ୍ର ପରଦାକୁ ଆସିବାକୁ ଯାଉଛି ରଣବୀର କପୁରଙ୍କ ବହୁ ପ୍ରତିକ୍ଷୀତ ଫିଲ୍ମ ରାମାୟଣ । ପିଲ୍ମ ରିଲିଜକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ବର୍ତ୍ତମାନ ଫିଲ୍ମ ନେଇ ଏକ ଅପଡେଟ ସାମ୍ନାକୁ ଆସିଛି ।୯ ସହରରେ ଲଞ୍ଚ ହେବ ରଣବୀର କପୁରଙ୍କ ଫିଲ୍ମ 'ରାମାୟଣ'ର ପ୍ରଥମ ଝଲକ । 

ଟ୍ରେଡ ଆନାଲିଷ୍ଟ ତରଣ ଆଦର୍ଶ  ତାଙ୍କ ଅଫିସିଆଲ୍ ଏକ୍ସ ଆକାଉଣ୍ଟରେ ପ୍ରଥମ ଝଲକର ସମୀକ୍ଷା କରି ଲେଖିଛନ୍ତି, "ଜୟ ଶ୍ରୀ ରାମ... ମୁଁ ଏବେ ୭ ମିନିଟ୍ ଭିଜନ୍ ଶୋରିଲ୍ ସହିତ ବହୁ ପ୍ରତୀକ୍ଷିତ ଫିଲ୍ମ 'ରାମାୟଣ'ର ପ୍ରଥମ ଝଲକ ଦେଖିବାକୁ ପାଇଲି । ଏହି ଅମର କାହାଣୀର ଝଲକ ନିଶ୍ଚିତ ଭାବରେ ଆପଣଙ୍କୁ ଆଶ୍ଚର୍ଯ୍ୟ କରିବ । ମୋର ଦୃଢ଼ ଭାବନା ଯେ ରାମାୟଣ ଆଜିର ଲୋକଙ୍କ ପାଇଁ ନୁହେଁ ବରଂ ଆଗାମୀ ପିଢ଼ି ପାଇଁ ଏକ ଫିଲ୍ମ । ବକ୍ସ ଅଫିସରେ ଝଡ଼ ହେବାକୁ ଯାଉଛି ।"

ଚଳଚ୍ଚିତ୍ରର ପ୍ରଥମ ଝଲକ ଦେଶର ୯ ଟି ସହରରେ ୩ ଜୁଲାଇରେ ପ୍ରଦର୍ଶିତ ହେବ । ଯେଉଁଥିରେ ମୁମ୍ବାଇ, ଦିଲ୍ଲୀ, ବାଙ୍ଗାଲୋର, ଚେନ୍ନାଇ, ଅହମ୍ମଦାବାଦ, ହାଇଦ୍ରାବାଦ, କୋଲକାତା, ପୁନେ ଏବଂ କୋଚି ଅନ୍ତର୍ଭୁକ୍ତ । ଅନ୍ୟପକ୍ଷରେ, ଭିଜନ୍ ଶୋରେଲ୍ ୨୦୨୬ ଦୀପାବଳି ପାଖାପାଖି ମୁକ୍ତିଲାଭ କରିବ । ପ୍ରଥମ ଭାଗ ୨୦୨୬ ରେ ଏବଂ ଦ୍ୱିତୀୟ ଭାଗ ୨୦୨୭ ଦୀପାବଳିରେ ମୁକ୍ତିଲାଭ କରିବ ବୋଲି ଆଶା କରାଯାଉଛି । ତେବେ ପୌରାଣିକ ଚଳଚ୍ଚିତ୍ର ରାମାୟଣର ଷ୍ଟାରକାଷ୍ଟ ବିଷୟରେ କହିବାକୁ ଗଲେ, ରଣବୀର କପୁର ଫିଲ୍ମରେ 'ଶ୍ରୀରାମ' ଭୂମିକାରେ ନଜର ଆସିବେ ସେହିପରି ସାଉଥ ଅଭିନେତ୍ରୀ ସାଇ ପଲ୍ଲବୀ ଫିଲ୍ମରେ ମାତା ସୀତା ଭୂମିକାରେ ଅଭିନୟ କରୁଛନ୍ତି ।