ମୋଞ୍ଜା,୦୮/୦୯: ସିଜନର ୧୬ତମ ଫର୍ମୁଲା ୱାନ ରେସ୍ ଇଟାଲିଆନ ଗ୍ରାଁପ୍ରିରେ ରେଡ୍ବୁଲ ଚାଳକ ମ୍ୟାକ୍ସ ଭର୍ଷ୍ଟାପେନ ଚାମ୍ପିଅନ ହୋଇଛନ୍ତି । ସେ ୫୩ ଲାପ୍ ବିଶିଷ୍ଟ ମୋଞ୍ଜା ସର୍କିଟରେ ୧:୧୩:୨୪.୩୨୫ ସମୟ ନେଇ ପ୍ରଥମ ସ୍ଥାନ ହାସଲ କରିଥିଲେ । ଅତିରିକ୍ତ +୧୯.୨୦୭ ସମୟ ଅଧିକ ନେଇ ମ୍ୟାକ ଲରେନର ଲାଣ୍ଡୋ ନୋରିସ ଦ୍ୱିତୀୟ ଏବଂ ଓସ୍କାର ପିଆଷ୍ଟ୍ରି (+୨୧.୩୫୧) ତୃତୀୟ ସ୍ଥାନ ହାସଲ କରିଥିଲେ ।
ଭର୍ଷ୍ଟାପେନଙ୍କ ସିଜନରେ ଏହା ତୃତୀୟ ଟାଇଟଲ । ପୂର୍ବରୁ ସେ ଜାପାନିଜ ଗ୍ରାଁପ୍ରି, ଏମିଲିଆ ଗ୍ରାଁପ୍ରିରେ ଚାମ୍ପିଅନ ହୋଇଥିଲେ । ଫରାରିର ଲୁଇସ ହାମିଲଟନ ଷଷ୍ଠ ସ୍ଥାନରେ ରହି ରେସ୍ ଶେଷ କରିଥିଲେ । ସର୍ବାଧିକ ୩୨୪ ପଏଣ୍ଟ ସହ ପିଆଷ୍ଟ୍ରି ଡ୍ରାଇଭର ଷ୍ଟାଣ୍ଡିଂ ତାଲିକାରେ ପ୍ରଥମ, ନୋରିସ ଦ୍ୱିତୀୟ (୨୯୩) ଏବଂ ଭର୍ଷ୍ଟାପେନ (୨୩୦) ତୃତୀୟ ସ୍ଥାନରେ ରହିଛନ୍ତି । ବାକୁରେ ଆସନ୍ତା ୨୧ ତାରିଖରେ ଆଜରବାଇଜାନ ଗ୍ରାଁପ୍ରି ରହିଛି।
