କଟକ,୯।୫ : ଅବସରପ୍ରାପ୍ତ ସେନା କର୍ମଚାରୀ ଓ ଅଧିକାରୀ ମାନେ ଭାରତୀୟ ସେନାର ସହାୟତା ପାଇଁ ଅନୁମତି ଲୋଡିଛନ୍ତି। ଏଥିସହ କଟକ ବାଦାମବାଡ଼ିରେ ଅବସରପ୍ରାପ୍ତ ସେନା କର୍ମଚାରୀମାନେ ପାକିସ୍ତାନର ଆକ୍ରମଣକୁ ନିନ୍ଦା କରି ବିକ୍ଷୋଭ ପ୍ରଦର୍ଶନ କରିଛନ୍ତି।
ଏବେ ଯେହେତୁ ସୀମାନ୍ତ ଅଞ୍ଚଳରେ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି, ତେଣୁ ସେମାନେ ସେନାକୁ ସାଧ୍ୟମତେ ସହାୟତା ପାଇଁ ରାଷ୍ଟ୍ରପତିଙ୍କ ଅନୁମତି ଲୋଡିଛନ୍ତି।ଏ ନେଇ କଳିଙ୍ଗ ଭୂତପୂର୍ବ ସୈନିକ ସଂଘ ପକ୍ଷରୁ ରାଷ୍ଟ୍ରପତି ଉଦ୍ଦେଶ୍ୟରେ ଏକ ନିବେଦନ ପତ୍ର ପ୍ରଦାନ କରାଯାଇଛି। ସେନାକୁ ଯେକୌଣସି ପ୍ରକାର ସହାୟତା ଦରକାର ହେବ, ସେମାନେ ତାହା ଯୋଗାଇ ଦେବାକୁ ପ୍ରସ୍ତୁତ ବୋଲି ଅବସରପ୍ରାପ୍ତ ସେନା କର୍ମଚାରୀ ମାନେ କହିଛନ୍ତି।
