ଚୌଦ୍ୱାର,୨୦/୦୭: ସ୍କୁଟି ଉପରେ ଚଢ଼ିଗଲା ହାଇୱା। ଫଳରେ ଯୁବକ ମୃତ । ତେବେ କଟକ ସିଡିରୁ ନୂଆପାଟଣାକୁ ସଂଯୋଗ କରୁଥିବା ମଧୁସୂଦନ ସେତୁ ଉପରେ ଏହି ଘଟଣା ଘଟିଛି ।
ସୂଚନା ମୁତାବକ, ମଧୁସୂଦନ ସେତୁ ଉପରେ ଆକ୍ଟିଭାକୁ ଏକ ଚିପ୍ସ ବୋଝେଇ ହାଇୱା ଧକ୍କା ଦେଇ ଚଢି ଯାଇଥିଲା। ଫଳରେ ଗାଡି ଚକା ତଳେ ଯୁବକ ଜଣକର ଗୋଡ଼ ଓ ହାତ ରହିଥିବା ବେଳେ ହାଇୱା ତାଙ୍କୁ କିଛି ବାଟ ଘୋଷାଡ଼ି ନେଇଥିଲା। ଏନେଇ ଖବର ପାଇ ଚୌଦ୍ୱାର ଓ ସିଡିଏ ଫେ-୨ ପୁଲିସ ପହଞ୍ଚି ହାଇୱା ଚକା ତଳୁ ଯୁବକ ଜଣକୁ ବାହାର କରି ଆମ୍ବୁଲାନ୍ସ ଯୋଗେ କଟକ ବଡ଼ ମେଡିକାଲ ପଠାଇଥିଲେ । ହେଲେ ସେଠାରେ ଯୁବକର ମୃତ୍ୟୁ ହୋଇଛି । ବର୍ତ୍ତମାନ ସୁଦ୍ଧା ଯୁବକର ପରିଚୟ ମିଳିନଥିବା ବେଳେ ଆକ୍ଟିଭା ନମ୍ବରରୁ ନିଆଳି ଥାନା ଗୋପୀନାଥପୁର ଜଳାଲପୁର ଅଞ୍ଚଳର ବୋଲି ଜଣାପଡିଛି। ତେବେ ପୁଲିସ ଦୁଇଟି ଗାଡିକୁ ଜବତ କରି ତଦନ୍ତ କରୁଛି ।
