ମୁମ୍ବାଇ,୧୨/୭ : ଟିଭି ଅଭିନେତା ରୋହିତ ଚାନ୍ଦେଲଙ୍କୁ ମୁମ୍ବାଇର ଘାଟକୋପର ପୋଲିସ ୧୬ବର୍ଷର ନାବାଳିକା ସହ ଅଭିନେତ୍ରୀଙ୍କ ଅଭିଯୋଗ ପରେ ଗିରଫ କରିଛି । ନାବାଳିକା ତାଙ୍କ ଉପରେ ପିଛା କରିବା, ହଇରାଣ କରିବା ଏବଂ ମାରପିଟ୍ କରିବା ଅଭିଯୋଗ ଲଗାଇଛନ୍ତି । ‘କାଶୀବାଇ ବାଜୀରାଓ୍ବ ବଲ୍ଲାଲ’ ଏବଂ ‘ପାଣ୍ଡ୍ୟା ଷ୍ଟୋର’ ଭଳି ଟିଭି ଶୋରେ ନଜର ଆସିଥିବା ରୋହିତ ଚାନ୍ଦେଲଙ୍କୁ ୧୦ଜୁଲାଇରେ ଗିରଫ କରାଯାଇଛି ।
ଗଣମାଧ୍ୟମ ରିପୋର୍ଟ ଅନୁସାରେ, ଘାଟକୋପର ପୁଲିସ ଷ୍ଟେଶନର ବରିଷ୍ଠ ପୋଲିସ ଇନ୍ସପେକ୍ଟର ବିଠ୍ଠଲ ଲକ୍ଷ୍ମଣ ଆର୍ଡେକର କହିଛନ୍ତି, ରୋହିତ ଚାନ୍ଦେଲଙ୍କୁ ଗିରଫ କରି କୋର୍ଟରେ ହାଜର କରାଯାଇଥିଲା । ଯେଉଁଠାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ତାଙ୍କ ଉପରେ ପୀଡ଼ିତାର ପଛ କରିବା ଅଭିଯୋଗ ରହିଛି, ସେ ଏବେ ବିଚାର ବିଭାଗୀୟ ହାଜତରେ ଅଛନ୍ତି । ତାଙ୍କୁ କେତେ ସମୟ ଯାଏ ହାଜତରେ ରଖାଯିବ ତା’ର ନିଷ୍ପତ୍ତି କୋର୍ଟ କରିବ । ପୋଲିସ ଅଧିକାରୀଙ୍କ ଅନୁସାରେ, ରୋହିତ ଚାନ୍ଦେଲଙ୍କୁ ପଚରାଉଚରା ସମୟରେ ସ୍ବୀକାର କରିଛନ୍ତି କି ସେ ନାବାଳିକା ଯୁବତୀଙ୍କୁ ଭେଟିବାକୁ ଯାଉଥିଲେ । ପୀଡ଼ିତା ତାଙ୍କ ସହ ଅଭିନେତ୍ରୀ ଥିଲେ ଏବଂ ସେ ଅଭିଯୋଗ ଲଗାଇଛନ୍ତି କି ରୋହିତ ତାଙ୍କ ଉପରେ ଚାପ ପକାଉଥିଲେ । ପୋଲିସ କହିଛି କି ରୋହିତ ଦାହିସରରେ ରହିଥାନ୍ତି । କିନ୍ତୁ ସେ ସବୁବେଳେ ଘାଟକୋପର ଯାଇ ତାଙ୍କୁ ଭେଟିବାକୁ ପ୍ରୟାସ କରୁଥିଲେ । ଖାଲି ଏତିକି ନୁହେଁ ନମ୍ବର ବ୍ଲକ କରାଯିବା ପରେ ବି ସେ ତାଙ୍କୁ ବାରମ୍ବାର କଲ୍ କରିଥାନ୍ତି ।
ଯୁବତୀ ଅଭିଯୋଗ ଲଗାଇଛନ୍ତି କି ଅଭିଯୁକ୍ତ ତାଙ୍କ ମୋବାଇଲ୍ ଫୋନରେ ମୋ ନମ୍ବର ଏବଂ ଅନ୍ୟ ନମ୍ବରରୁ ଡିସେମ୍ବର ୨୦୨୫ରୁ ନେଇ ୭ ଜୁଲାଇ ପର୍ଯ୍ୟନ୍ତ କେତେକ ଥର ଫୋନ କରି ତାଙ୍କୁ ହଇରାଣ କରୁଥିଲେ । ପୀଡ଼ିତାଙ୍କ ଏହା ବି ଅଭିଯୋଗ ରହିଛି କି ୫ଜୁଲାଇରେ ରୋହିତ ଚାନ୍ଦେଲ ତାଙ୍କ ଘର ପାଖରେ ପହଞ୍ଚିଥିଲେ, ତାଙ୍କ ପଛ କରିଥିଲେ, ତାଙ୍କ ସହ ପାଟି କରିବା ସହ ମାରପିଟ୍ କରିଥିଲେ। ପୀଡ଼ିତାଙ୍କ ଅଭିଯୋଗକୁ ଆଧାର କରି ଘାଟକୋପର ପୋଲିସ ରୋହିତ ଚାନ୍ଦେଲଙ୍କ ବିପକ୍ଷରେ ପୋକ୍ସୋ ଆକ୍ଟ ମାଧ୍ୟମରେ ମାମଲା ରୁଜୁ କରିଛନ୍ତି । ଏହା ବ୍ୟତୀତ ତାଙ୍କ ଉପରେ ଭାରତୀୟ ନ୍ୟାୟ ସଂହିତାର ଧାରା ୭୮ ମାଧ୍ୟମରେ ପିଛା କରିବା ଏବଂ ଧାରା ୧୧୫ ଅନୁସାରେ ଜାଣି ଶୁଣି ଆଘାତ ପହଞ୍ଚାଇବାର ଅଭିଯୋଗ ଲାଗିଛି ।
