ନୂଆଦିଲ୍ଲୀ,୦୨/୦୬: ପ୍ରେମ ଏକ ସୁନ୍ଦର ଅନୁଭବ, କିନ୍ତୁ ଯଦି ଆପଣଙ୍କର ପ୍ରେମ ଡିଜିଟାଲ୍ ଏବଂ ଆପଣ ଅନଲାଇନରେ ରୋମାନ୍ସ କରୁଛନ୍ତି, ତେବେ ଏହା ଆପଣଙ୍କ ପାଇଁ କାଳ କହିଲେ ଅତ୍ୟୁକ୍ତି ହେବ ନାହିଁ।ପ୍ରେମ ଠକେଇ ଏବଂ ଡିପ୍ ଫେକ୍ ସବୁଠାରୁ ବଡ଼ ସାଇବର ବିପଦ ପାଲଟିଛି। ସାଇବର ସୁରକ୍ଷା କମ୍ପାନୀ ମ୍ୟାକଏଫିର ସଦ୍ୟତମ ରିପୋର୍ଟରେ କୁହାଯାଇଛି ଯେ ୨୦୨୫ ରେ, ସାରା ବିଶ୍ୱରେ ୨୦% ରୁ ଅଧିକ ଅନଲାଇନ୍ ଠକେଇ ପ୍ରେମ ଠକେଇ ସହିତ ଜଡ଼ିତ। ଏହାର ଶିକାର ଅଧିକାଂଶ ଯୁବକ ଯୁବତୀ ହେଉଛନ୍ତି। ଆସନ୍ତୁ ଏହି ବିପଦକୁ ବୁଝିବା ଏବଂ ଏହାକୁ କିପରି ଏଡ଼ାଇ ପାରିବେ ସେ ବିଷୟରେ ଜାଣିବା...
ରୋମାନ୍ସ ସ୍କାମ୍ ଅର୍ଥାତ୍ ପ୍ରେମ ଠକେଇ କ’ଣ? ଏହାର ସରଳ ଏବଂ ସିଧା ଉତ୍ତର ହେଉଛି ଏହା ଏକ ପ୍ରକାରର ଅନଲାଇନ୍ ଠକେଇ ଯେଉଁଥିରେ ଠକମାନେ କାହାକୁ ଭଲ ପାଇବାର ଅଭିନୟ କରନ୍ତି। ସେମାନେ ଡେଟିଂ ଆପ୍ସ ଏବଂ ସୋସିଆଲ ମିଡିଆରେ ନକଲି ପ୍ରୋଫାଇଲ୍ ତିଆରି କରି ଲୋକଙ୍କ ସହିତ କଥାବାର୍ତ୍ତା ଆରମ୍ଭ କରନ୍ତି। ଧୀରେ ଧୀରେ ସେମାନେ ଏକ ଭାବପ୍ରବଣ ସମ୍ପର୍କ ଗଢ଼ି ତୋଳିଥାନ୍ତି ଏବଂ ତା’ପରେ ଟଙ୍କା ମାଗିବା ଆରମ୍ଭ କରନ୍ତି ଏବଂ ଆପଣ ଟଙ୍କା ପଠାଇବା ମାତ୍ରେ ସେମାନେ ଗାଏବ ହୋଇଯାଆନ୍ତି।
ରୋମାନ୍ସ ସ୍କାମ୍ :
* ସାଇବର ଫାର୍ମ ମ୍ୟାକଏଫିଙ୍କ ଅନଲାଇନ୍ ଠକେଇ ଉପରେ ରିପୋର୍ଟ
* ଚଳିତ ବର୍ଷ ୨୦% ରୁ ଅଧିକ ଅନଲାଇନ୍ ଠକେଇ ପ୍ରେମ ସମ୍ପର୍କିତ ହେବ
* ଅଧାରୁ ଅଧିକ ପୀଡ଼ିତଙ୍କ ବୟସ ୨୫ ବର୍ଷରୁ କମ୍ ହୋଇପାରେ
* ଅନଲାଇନ୍ ଦୁନିଆରେ ଅଧିକ ସକ୍ରିୟ ଥିବା ଯୁବକମାନେ ଶିକାର ହେବେ
* ସ୍କାମରମାନେ ଏଆଇ ଏବଂ ଡିପ୍ଫେକ୍ ଟେକ୍ନୋଲୋଜୀ ବ୍ୟବହାର କରୁଛନ୍ତି
ଡିପ୍ଫେକ୍ର ସାହରା ନେଉଛନ୍ତି ସ୍କାମର:
ଠକମାନେ ଏଆଇ ସହିତ ଡିପ୍ଫେକ୍ ମଧ୍ୟ ବ୍ୟବହାର କରୁଛନ୍ତି। ଡିପ୍ଫେକ୍ ଏମିତି ଏକ ଅନ୍ଲାଇନ ଟେକ୍ନିକ ଯାହା କୌଣସି ଫଟା, ଭିଡିଓ କିମ୍ବା ସ୍ୱରକୁ ଏପରି ଭାବରେ ପରିବର୍ତ୍ତନ କରେ, ଏହା ସତ ଏବଂ ମିଛ ମଧ୍ୟରେ ପାର୍ଥକ୍ୟ କରିବା କଷ୍ଟକର ହୋଇପଡ଼େ ଏବଂ ଏହାର ସୁଯୋଗ ନେଇ ଠକମାନେ ଲୋକଙ୍କୁ ଠକୁଛନ୍ତି। ରିପୋର୍ଟରେ କୁହାଯାଇଛି ଯେ AI ରେ ଉନ୍ନତି ସହିତ, ଡିପ୍ଫେକ୍ ଏତେ ସଠିକ୍ ହୋଇଯାଇଛି ଯେ ସ୍ୱତନ୍ତ୍ର ସଫ୍ଟୱେର୍ ସାହାଯ୍ୟରେ ମଧ୍ୟ ସେମାନଙ୍କୁ ଧରିବା କଷ୍ଟକର ହୋଇପଡୁଛି ଏବଂ ଠକମାନେ ଏହି କୌଶଳ ବ୍ୟବହାର କରି ଲୋକମାନଙ୍କୁ ସହଜରେ ବୋକା ବନାଉଛନ୍ତି।
କାହିଁକି ଟାର୍ଗେଟରେ ଯୁବପିଢ଼ି ?
ଏବେ ପ୍ରଶ୍ନ ହେଉଛି କାହିଁକି ଯୁବକମାନେ ଠକମାନଙ୍କର ଅଧିକ ଶିକାର ହେଉଛନ୍ତି। ଏହାର ଉତ୍ତର ହେଉଛି ସେମାନଙ୍କର ଅନଲାଇନ୍ ଅଭ୍ୟାସ। ଆସନ୍ତୁ ଆମେ ଏକ ପାଟର୍ଣ୍ଣ ବା ସାରଣୀ ସାହାଯ୍ୟରେ ବୁଝିବା ଯେ କାହିଁକି ଯୁବକମାନେ ଅଧିକ ଶିକାର ହେଉଛନ୍ତି:
* ଅନଲାଇନରେ ଅଧିକ ସକ୍ରିୟ ରହୁଛନ୍ତି ଯୁବପିଢ଼ି
* ଡେଟିଂ ଆପ୍ସ ଏବଂ ସୋସିଆଲ ମିଡିଆରେ ଅଧିକ ସମୟ ବିତାଉଛନ୍ତି ଯୁବଗୋଷ୍ଠୀ
* କିଛି ନବୁଝି ଅଧିକ ଭରସା ବିଶ୍ବାସ କରୁଛନ୍ତି
ରୋମାନ୍ସ ସ୍କାମ୍ରୁ କେମିତି ପାଇବେ ମୁକ୍ତି?
ଠକମାନେ ଆପଣଙ୍କୁ ପ୍ରେମ ଠକେଇର ଜାଲରେ ଫସାଇବାକୁ ପ୍ରସ୍ତୁତ, କିନ୍ତୁ ଏବେ ଏହା ଆପଣଙ୍କ ଉପରେ ନିର୍ଭର କରେ ଯେ ଆପଣ ଏହାକୁ କିପରି ଏଡ଼ାଇ ପାରିବେ। ଆସନ୍ତୁ ଜାଣିବା ଆପଣ କିପରି ଏପରି ଠକେଇରୁ ରକ୍ଷା ପାଇପାରିବେ...
* ଅନଲାଇନରେ କାହାକୁ ଶୀଘ୍ର ବିଶ୍ୱାସ କରନ୍ତୁ ନାହିଁ
* ସୋସିଆଲ ମିଡିଆରେ ଯାଞ୍ଚ କରନ୍ତୁ ଯେ ପ୍ରୋଫାଇଲଟି ପ୍ରକୃତରେ ଅସଲି କି ନକଲି
* ଅଜଣା ନମ୍ବରରୁ ଆସୁଥିବା ଭିଡିଓ କଲ୍ ବିଷୟରେ ସତର୍କ ରୁହନ୍ତୁ
* କେବେବି ଅପରିଚିତ ଲୋକଙ୍କୁ ଟଙ୍କା ପଠାନ୍ତୁ ନାହିଁ
ଟେକ୍ନୋଲୋଜୀ ବା ପ୍ରଯୁକ୍ତିବିଦ୍ୟା ଆମ ଜୀବନକୁ ସହଜ କରିଛି ସତ, କିନ୍ତୁ ଏହା ସହିତ କିଛି ବିପଦ ମଧ୍ୟ ଆଣିଛି। ଆପଣଙ୍କୁ କେବଳ ଏହି ବିପଦଗୁଡ଼ିକରୁ ଦୂରେଇ ରହିବାକୁ ପଡ଼ିବ ଯାହା ଦ୍ଵାରା ଆପଣ ଠକମାନଙ୍କ ଦ୍ୱାରା ଠକାମିରୁ ସୁରକ୍ଷିତ ରହିପାରିବେ।
