ନୂଆଦିଲ୍ଲୀ,୦୯/୦୩:ୟୁକ୍ରେନ ରାଜଧାନୀ କିବ ଉପରେ ଋଷର ବିମାନ ଆକ୍ରମଣ। ଫଳରେ ଏଥିରେ ଅତି କମ୍ରେ ୨୦ ଜଣଙ୍କର ମୃତ୍ୟୁ ହୋଇଛି । ସେହିପରି ଏକାଧିକ ଲୋକ ଆହତ ହୋଇଛନ୍ତି । ୟୁକ୍ରେନର ରାଜଧାନୀ କିବର ଡୋନେଟ୍ସ୍କର ଏକ ସହରରେ ଋଷ ଏହି ଆକ୍ରମଣ କରିଛି। ତେବେ ୟୁକ୍ରେନ ସହିତ ସାଟେଲାଇଟ୍ ଫଟୋ ସେୟାର କରିବା ବନ୍ଦ କରିବା ନେଇ ଆମେରିକାର ନିଷ୍ପତ୍ତି ପରେ ଋଷ ଏହି ବିମାନ ଆକ୍ରମଣ କରିଥିବା ଜଣାପଡ଼ିଛି।
ଶୁକ୍ରବାର ବିଳମ୍ବିତ ରାତିରେ ଋଷ ସେନା ଅନେକ ଆକ୍ରମଣ କରିଥିଲା। ଏହି ଆକ୍ରମଣରେ ୩୦ ଜଣ ଆହତ ହୋଇଥିବା ମଧ୍ୟ ଜଣାପଡ଼ିଛି। ଯାହା ଡୋବ୍ରୋପିଲିଆ ସହରରେ ୮ଟି ଆପାର୍ଟମେଣ୍ଟ ବ୍ଲକକୁ କ୍ଷତିଗ୍ରସ୍ତ କରିଛି। ଯେଉଁଠାରେ ରୁଷୀୟ ସୈନ୍ୟମାନେ ନିରନ୍ତର ଆଗକୁ ବଢ଼ୁଛନ୍ତି। ଏନେଇ ୟୁକ୍ରେନର ରାଜ୍ୟ ଜରୁରୀକାଳୀନ ସେବା କହିଛି ଯେ, ଉଦ୍ଧାରକାରୀମାନେ ଜଳୁଥିବା କୋଠାଗୁଡ଼ିକୁ ଲିଭାଇବା ପାଇଁ ସଂଘର୍ଷ କରୁଥିବା ସମୟରେ ଏକ ରୁଷୀୟ ଡ୍ରୋନ୍ ୟୁକ୍ରେନର ଏକ ଅଗ୍ନିଶମ ଗାଡ଼ିକୁ କ୍ଷତି ପହଞ୍ଚାଇଥିଲା। ଅନ୍ୟପଟେ କିବର ଡୋନେଟସ୍କ ଅଞ୍ଚଳରେ ଋଷିଅ ଆକ୍ରମଣରେ ୨୦ ଜଣଙ୍କ ମୃତ୍ୟୁ ପରେ ଲୋକମାନେ ଆତଙ୍କିତ ଅଛନ୍ତି। ଏନେଇ ଡୋନେଟସ୍କ ରାଜ୍ୟପାଳ ଭାଡିମ୍ ଫିଲିଆସ୍କିନ୍ ଶନିବାର ଦିନ ଅଞ୍ଚଳରେ ଶୋକ ଦିବସ ଘୋଷଣା କରିଛନ୍ତି ଏବଂ ଚେତାବନୀ ଦେଇଛନ୍ତି ଯେ ଭଗ୍ନାବଶେଷ ମଧ୍ୟରୁ ଆହୁରି ପୀଡିତ ମିଳିପାରନ୍ତି। ସେହିପରି ୟୁକ୍ରେନୀୟ ରାଷ୍ଟ୍ରପତି ଜେଲେନ୍ସକି କହିଛନ୍ତି ଯେ , ଆହତଙ୍କ ମଧ୍ୟରେ ଅତି କମରେ ୫ ଜଣ ପିଲା ଅଛନ୍ତି। ଗତକାଲି ରାତିରେ, ରୁଷୀୟ ସାମରିକ ବାହିନୀ ଡୋବ୍ରୋପିଲିଆର କେନ୍ଦ୍ରରେ ଦୁଇଟି ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିବା ସେ କହିଛନ୍ତି।
