ନୂଆଦିଲ୍ଲୀ ୨୧/୦୯: ସଲମାନ ଖାନଙ୍କ ଆଗାମୀ ଫିଲ୍ମ "ବ୍ୟାଟଲ୍ ଅଫ୍ ଗଲୱାନ୍"ର ସୁଟିଂ ଏବେ ଚାଲିଛି। ଏହି ସମୟରେ ଅଭିନେତା ସୁଟିଂ ସେଟରେ ଆହତ ହୋଇଥିବା ସୂଚନା ମିଳିଛି। ଫିଲ୍ମ ପାଇଁ ସଲମାନ ଲଦାଖରେ ସୁଟିଂ କରୁଥିଲେ। ସୁଟିଂ ସମୟରେ ତାଙ୍କୁ ଆଘାତ ଲାଗିଥିଲା। ତଥାପି, ଭାଇଜାନ ଆହତ ଅବସ୍ଥାରେ ତାଙ୍କର କାର୍ଯ୍ୟସୂଚୀ ପୂରଣ କରି ମୁମ୍ବାଇ ଫେରି ଆସିଛନ୍ତି।
ଏକ ନିକଟତର ସୂତ୍ର ଜଣାପଡିଛି ଯେ, ଲଦାଖ ସିଡ୍ୟୁଲ୍ ପୁରା ଟିମର ଧର୍ଯ୍ୟର ପରୀକ୍ଷା ନେଇଛି। ସଲମାନ ଖାନ ଏବଂ କ୍ରୁ ଲଦାଖରେ -୧୦ ଡିଗ୍ରୀ ତାପମାତ୍ରାରେ ସୁଟିଂ କରିଥିଲେ। ଶରୀରରେ ଆଘାତ ଏବଂ କମ୍ ଅମ୍ଳଜାନ ସ୍ତର ସତ୍ତ୍ୱେ, ସଲମାନ ସାହସର ସହିତ ଏହି ପରିସ୍ଥିତିର ସାମ୍ନା କରିଥିଲେ। ଲଦାଖରେ ଗାଲୱାନ ଯୁଦ୍ଧର ସୁଟିଂ ସମାପ୍ତ କରିବା ପରେ, ସଲମାନ ଏବେ ଫିଲ୍ମର ମୁମ୍ବାଇ ସିଡ୍ୟୁଲ୍ ପାଇଁ ପ୍ରସ୍ତୁତି କରୁଛନ୍ତି। ଯାହା ଆସନ୍ତା ସପ୍ତାହରେ ଆରମ୍ଭ ହେବ।
ତେବେ ସୁଟିଂ ସମୟରେ ହୋଇଥିବା ଆଘାତ ଯୋଗୁଁ, ସଲମାନ ଏବେ ମୁମ୍ବାଇ କାର୍ଯ୍ୟସୂଚୀ ଆରମ୍ଭ କରିବା ପୂର୍ବରୁ ଟିକିଏ ବିଶ୍ରାମ ନେବାକୁ ଚାହୁଁଛନ୍ତି। ଯେଉଁଥିପାଇଁ ସେ ଏକ ଛୋଟ ବିରତି ନେଉଛନ୍ତି।
