ଭୁବନେଶ୍ୱର ୧୪/୧୧: ବିଜେପି ବିଧାୟକ ଜୟନାରାୟଣ ମିଶ୍ରଙ୍କୁ ଝଟକା। ଆଗୁଆ ଜାମିନ ଆବେଦନ ଖାରଜ କଲେ ଦୁଇ ଜଣିଆ ଖଣ୍ଡପୀଠ ସୁପ୍ରିମକୋର୍ଟ। ମହିଳା ଆଇଆଇସିଙ୍କୁ ମାଡ଼ ଘଟଣାରେ ଆଗୁଆ ଜାମିନ ମାଗିଥିଲେ ସମ୍ବଲପୁର ବିଧାୟକ।
ସୂଚନା ମୁତାବକ, ଗତବର୍ଷ ଫେବ୍ରୁଆରୀ ୧୫ରେ ସମ୍ବଲପୁରରେ ମହିଳା ଆଇଆଇସିଙ୍କୁ ମାଡ଼ ମରିଥିଲେ ବିଧାୟକ ଜୟନାରାଣ ମିଶ୍ର। ଉଭୟ ପରସ୍ପର ନାଁରେ ଅଭିଯୋଗ ଆଣିଥିଲେ। ଏହି ଘଟଣା ଶ୍ରୀ ମିଶ୍ରଙ୍କ ଜାମିନ୍ ଆବେଦନକୁ ପ୍ରଥମେ ହାଇକୋର୍ଟ ଖାରଜ କରିଥିଲେ। ଏହାକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟ ଯାଇଥିଲେ। ସେଠାରେ ମଧ୍ୟ ସମ୍ବଲପୁର ବିଧାୟକ ଜୟନାରାୟଣ ମିଶ୍ରଙ୍କୁ ମିଳିଲାନି ଆଶ୍ବସ୍ତି । ଆଗୁଆ ଜାମିନ୍ ଆବେଦନକୁ ମାନ୍ୟବର ସୁପ୍ରିକୋର୍ଟ ଖାରଜ କରିଦେଇଛନ୍ତି।
ସେପଟେ ଏହି ଘଟଣା ଉପରେ ବିଧାୟକ ଜୟନାରାୟଣ ମିଶ୍ର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ମୋ ନାଁରେ ୭୨ କେସ୍ ରହିଛି । କେଉଁ କେସ୍ ମୁଁ ଜାଣିନି । ସୁପ୍ରିମକୋର୍ଟରୁ କୌଣସି ନୋଟିସ କିମ୍ବା ଅର୍ଡର ମତେ ଆସିନି । ଅର୍ଡର ଆସିଲା ପରେ ମୁଁ ପରବର୍ତ୍ତୀ କାର୍ଯ୍ୟକ୍ରମ ହାତକୁ ନେବି । ମୁଁ ବିରୋଧୀ ଦଳରେ ଥିବାବେଳେ ବିଜେଡି ମୋ ନାଁରେ ଅନେକ କେସ୍ କରାଇଛି । ଏ ଭିତରେ ୭ରୁ ୮ କେସ୍ ଖାରଜ ହୋଇ ସାରିଲାଣି । ଆଗକୁ ଦେଖିବେ ସବୁ କେସ୍ ଖାରଜ ହୋଇଯିବ। ମୁଁ ମାଡ ମାରିନି, ଅଫିସର ମୋର ଗୋଡକୁ ମାଡିଦେବାରୁ ମୁଁ ଠେଲି ଦେଲି ବୋଲି ଜୟ ନାରାୟଣ କହିଛନ୍ତି। ଏହା ସହ ପୋଲିସ ଜନତାଙ୍କୁ ବାଡେଇଲେ ପୋଲିସକୁ ଗୋଡେଇ ଗୋଡେଇ ବାଡେଇବା କଥା ବୋଲି କହିଲେ ।
