ନୂଆଦିଲ୍ଲୀ,୧୧/୦୩; ଆଇସିସି ଟି-୨୦ ବିଶ୍ୱକପ୍ ୨୦୨୬ ଟାଇଟଲ୍ ଜିତି ଟିମ୍ ଇଣ୍ଡିଆ ଇତିହାସ ରଚିଛି । ଭାରତ ରେକର୍ଡ ତୃତୀୟ ଥର ପାଇଁ ଏହି ଟ୍ରଫି ଜିତିଛି ଏବଂ ଏପରି ସଫଳତା ହାସଲ କରିବାରେ ପ୍ରଥମ ଦଳ ହୋଇଛି । ଏହି ଟାଇଟଲ୍ ବିଜୟ ପରେ, ଭାରତୀୟ ପୁରୁଷ କ୍ରିକେଟରେ ଭବିଷ୍ୟତର ପ୍ରସ୍ତୁତି ଏବଂ ଅଧିନାୟକତ୍ୱ ପାଇଁ ନୂତନ ମୁହଁ ବିଷୟରେ ଆଲୋଚନା ଜୋର ଧରିଛି । ସଞ୍ଜୁ ସାମସନ ଟିମ୍ ଇଣ୍ଡିଆର ଟି-୨୦ ଅନ୍ତର୍ଜାତୀୟ ଅଧିନାୟକତ୍ୱ ଦୌଡ଼ରେ ସବୁଠାରୁ ବଡ଼ ନାମ ଭାବରେ ଉଭା ହେଉଛନ୍ତି । ୨୦୨୬ ଟି-୨୦ ବିଶ୍ୱକପ୍ ରେ ଲଗାତାର ୩ଟି ଅର୍ଦ୍ଧଶତକ ହାସଲ କରି ଭାରତର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ସାମସନଙ୍କୁ ଏବେ ସୂର୍ଯ୍ୟକୁମାର ଯାଦବଙ୍କ ଉତ୍ତରାଧିକାରୀ ଭାବରେ ଦେଖାଯାଉଛି ।
ସୂର୍ଯ୍ୟଙ୍କ ଜାଗା ନେବେ ସଞ୍ଜୁ- ଭାରତୀୟ ଦଳକୁ ବିଶ୍ୱ ଚାମ୍ପିଅନ କରିବା ପରେ, ସୂର୍ଯ୍ୟକୁମାର ଯାଦବ କପିଲ ଦେବ, ମହେନ୍ଦ୍ର ସିଂହ ଧୋନି ଏବଂ ରୋହିତ ଶର୍ମାଙ୍କ ପରି କିମ୍ବଦନ୍ତୀମାନଙ୍କ ମଧ୍ୟରେ ସାମିଲ ହୋଇଛନ୍ତି। ୩୫ ବର୍ଷ ବୟସରେ, ତାଙ୍କର ଦୀର୍ଘକାଳୀନ ଅଧିନାୟକତ୍ୱ ଉପରେ ପ୍ରଶ୍ନ ଉଠିପାରେ । ୨୦୨୮ ଲସ୍ ଆଞ୍ଜେଲସ୍ ଅଲିମ୍ପିକ୍ସ ଏବଂ ପରବର୍ତ୍ତୀ ଟି-ଟ୍ୱେଣ୍ଟି ବିଶ୍ୱକପ୍ ସୁଦ୍ଧା ସୂର୍ଯ୍ୟ ୩୭ ବର୍ଷ ବୟସର ହୋଇଯିବେ । ତେଣୁ ବିସିସିଆଇ ନୂଆ ଅଧିନାୟକ ଯୋଜନାରେ କାମ କରୁଛି ।
ଏହା ବି ପଢନ୍ତୁ...ହିଟ୍ମ୍ୟାନ ରୋହିତଙ୍କ ଉପରେ ରାଗି ଗଲେ ପତ୍ନୀ ରିତିକା, ବିଶ୍ୱକପ ସେଲିବ୍ରେସନରେ ଭାଇରାଲ ହେଲା ଭିଡ଼ିଓ
ସଞ୍ଜୁଙ୍କୁ ମହମ୍ମଦ କୈଫଙ୍କ ସମର୍ଥନ- ପୂର୍ବତନ ଭାରତୀୟ କ୍ରିକେଟର ମହମ୍ମଦ କୈଫ୍ ଟି-୨୦ ଅନ୍ତର୍ଜାତୀୟରେ ଟିମ୍ ଇଣ୍ଡିଆର ଅଧିନାୟକତ୍ୱ ପାଇଁ ସଞ୍ଜୁ ସାମସନ୍ଙ୍କୁ ଜଣେ ଦୃଢ଼ ଦାବିଦାର ବୋଲି ବର୍ଣ୍ଣନା କରିଛନ୍ତି । କୈଫ୍ କହିଛନ୍ତି, ସଞ୍ଜୁଙ୍କ ପାଖରେ ଜଣେ ଅଧିନାୟକ ପାଇଁ ଆବଶ୍ୟକ ଅଭିଜ୍ଞତା ଅଛି। ପରବର୍ତ୍ତୀ ଅଧିନାୟକ କିଏ ହେବେ ତାହା କହିବା କଷ୍ଟକର, କିନ୍ତୁ ସାମସନ୍ ଜଣେ ଦୃଢ଼ ପସନ୍ଦ ହୋଇପାରନ୍ତି । କାହିଁକି ନୁହେଁ ? ଜଣେ ଅଧିନାୟକ ଏପରି ଜଣେ ହେବା ଉଚିତ ଯିଏ ବିଶ୍ୱ ଦେଖିଛି । ବୋଲିଂ ପରିବର୍ତ୍ତନ କରିବା, ସମ୍ପୂର୍ଣ୍ଣ ପ୍ଲେଇଂ ଇଲେଭେନ ଖେଳିବା ଏବଂ ଫର୍ମରୁ ବାହାର ଖେଳାଳିଙ୍କୁ ସମର୍ଥନ କରିବା, ଜଣେ ଅଧିନାୟକ ଜାଣନ୍ତି ଯେ, ଏହା ଖେଳର ଅଂଶ। "
ସଞ୍ଜୁଙ୍କ ଆଇପିଏଲ ଅଭିଜ୍ଞତା ବିଷୟରେ ଉଲ୍ଲେଖ କରି ମହମ୍ମଦ କୈଫ କହିଛନ୍ତି, "ମୁଁ ଭାବୁଛି ସାମସନ ନିଶ୍ଚିତ ଭାବରେ ପ୍ରାର୍ଥୀ ହୋଇପାରିବେ। ଯଦି ସୂର୍ଯ୍ୟ ପଦ ଛାଡିଦିଅନ୍ତି, ତେବେ ସଞ୍ଜୁ ସେହି ପଦବୀ ପୂରଣ କରିପାରିବେ । ସେ ଆଇପିଏଲରେ ବହୁତ ଅଧିନାୟକତ୍ୱ କରିଛନ୍ତି ଏବଂ ରାଜସ୍ଥାନ ରୟାଲ୍ସକୁ ୨୦୨୨ରେ ଫାଇନାଲରେ ପହଞ୍ଚାଇଛନ୍ତି । ତାଙ୍କୁ ମାତ୍ର ୩୧ ବର୍ଷ ବୟସ ଏବଂ ସେ ଟିମ୍ ଇଣ୍ଡିଆର ପରବର୍ତ୍ତୀ ଅଧିନାୟକ ହୋଇପାରନ୍ତି ।"
