ନୂଆଦିଲ୍ଲୀ,୧୧/୦୧: ''ଜୟ ସୋମନାଥ...ଶିବ ଶକ୍ତି..ଅତୁଟ ଭକ୍ତି । ସୋମନାଥ ସ୍ୱାଭିମାନ ପର୍ବ ଲକ୍ଷ ଲକ୍ଷ ଭାରତୀୟଙ୍କ ଅନନ୍ତ ବିଶ୍ୱାସ, ଭକ୍ତି ଏବଂ ଅଟଳ ସଂକଳ୍ପର ଏକ ଜୀବନ୍ତ ପ୍ରତିଫଳନ । ପବିତ୍ର ଶ୍ରୀ ସୋମନାଥ ମନ୍ଦିରରେ ଏହି ମହାନ ଉତ୍ସବର ଅଂଶ ହେବା ମୋ ଜୀବନର ଏକ ଅବିସ୍ମରଣୀୟ ଏବଂ ଅମୂଲ୍ୟ ମୁହୂର୍ତ୍ତ । ୧୦୦୦ ବର୍ଷ ପୂର୍ବେ, ଆକ୍ରମଣକାରୀମାନେ ଭାବୁଥିଲେ ଯେ, ସେମାନେ ଏହି ଭୂମି ଜିତି ନେଇଛନ୍ତି, କିନ୍ତୁ ଆଜି, ୧୦୦୦ ବର୍ଷ ପରେ ମଧ୍ୟ, ସୋମନାଥ ମନ୍ଦିର ଉପରେ ଥିବା 'ଧ୍ୱଜା' ବ୍ରହ୍ମାଣ୍ଡକୁ ଭାରତର ଶକ୍ତି ଏବଂ ସାମର୍ଥ୍ୟ ବିଷୟରେ କହୁଛି ।'' ସୋମନାଥ ସ୍ୱାଭିମାନ ପର୍ବ ଅବସରରେ ସମ୍ବୋଧନ କରି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ସୋମନାଥ ମନ୍ଦିର ଉପରେ ବିଦେଶୀ ଆକ୍ରମଣକାରୀ ଓ ସେମାନଙ୍କ ବିରୁଦ୍ଧରେ ଲଢ଼ିଥିବା ବୀରଙ୍କ ବଳିଦାନ ଏବଂ ମନ୍ଦିର ପୁନଃନିର୍ମାଣ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଛନ୍ତି,'' ଗଜନୀଠାରୁ ଔରଙ୍ଗଜେବ ଯାଏ ସମସ୍ତେ ଇତିହାସ ହୋଇଗଲେ, ହେଲେ ସୋମନାଥ ଆଜି ବି ଛିଡ଼ା ହୋଇଛନ୍ତି । ସ୍ୱାଧୀନତା ପରେ ୧୯୫୧, ୧୧ ମେରେ ଭକ୍ତମାନଙ୍କ ପାଇଁ ବର୍ତ୍ତମାନର ସୋମନାଥ ମନ୍ଦିର ଖୋଲାଯିବାର ୭୫ ବର୍ଷ ସହିତ ୨୦୨୬ ମଧ୍ୟ ମେଳ ଖାଉଛି । ଏହି ଦୁଇଟି ମାଇଲଖୁଣ୍ଟ ଏକାଠି ସୋମନାଥ ସ୍ୱାଭିମାନ ପର୍ବର ମୂଳଦୁଆ ଗଠନ କରିଛି । ଏହି ପର୍ବକୁ ବିଧ୍ୱଂସର ସ୍ମରଣ ଭାବରେ ନୁହେଁ, ବରଂ ସ୍ଥିରତା, ବିଶ୍ୱାସ ଏବଂ ସଭ୍ୟତା ସ୍ୱାଭିମାନର ୧୦୦୦ ବର୍ଷର ସ୍ୱାଭିମାନର ଯାତ୍ରା ଭାବରେ କଳ୍ପନା କରାଯାଇଛି । ଶତାବ୍ଦୀ ଧରି, ସୋମନାଥ ବାରମ୍ବାର ଆକ୍ରମଣକାରୀଙ୍କ ଦ୍ୱାରା ଟାର୍ଗେଟ ହୋଇଥିଲା, ଏବଂ ଭାରତୀୟ ସଭ୍ୟତା ଏବଂ ଅସ୍ତିତ୍ୱ ମଧ୍ୟ ସେହିପରି ଥିଲା । ନା ସୋମନାଥ ଧ୍ୱଂସ ପାଇଥିଲା, ନା ଭାରତ । ସୋନମାଥ ପରି ତୀର୍ଥସ୍ଥାନ ଆମକୁ ଶିଖାଇଛି କି ସୃଜନର ମାର୍ଗ ଲମ୍ବା ହୋଇଥାଏ ହେଲେ ତାହା ସ୍ଥାୟୀ ହୋଇଥାଏ । ଖଣ୍ଡା ଧାରରେ କେବେ ବି ହୃଦୟ ଜିତି ହୁଏନାହିଁ । ଯିଏ ଅନ୍ୟକୁ ହଟାଇ ଆଗକୁ ବଢିବାକୁ ଚାହେଁ ସେ ସମୟ ଅନୁସାରେ ନିଜେ ଶେଷ ହୋଇଯାଏ । ସୋମନାଥ ଇତିହାସ ବିନାଶ ଏବଂ ପରାଜୟର ଇତିହାସ ନୁହେଁ ଏହା ବିଜୟ ଏବଂ ପୁନଃନିର୍ମାଣର ଇତିହାସ ।"
#WATCH | Somnath, Gujarat | PM Narendra Modi says, "The year 2026 also coincides with seventy-five years since the present Somnath Temple was reopened to devotees on 11 May 1951, following Independence. These two milestones together form the foundation of the Somnath Swabhiman… pic.twitter.com/17H2JrTSjH
— ANI (@ANI) January 11, 2026
ପ୍ରଧାନମନ୍ତ୍ରୀ ଆହୁରି କହିଛନ୍ତି, '' ସ୍ୱାଧୀନତା ପରେ, ଭାରତ ଗୁଲାମୀରୁ ମୁକୁଳିଲା, ଯେତେବେଳେ ସର୍ଦ୍ଦାର ବଲ୍ଲଭଭାଇ ପଟେଲ ସୋମନାଥ ମନ୍ଦିରର ମରାମତି ପାଇଁ ଶପଥ ନେଇଥିଲେ, ତାଙ୍କୁ ଏହା କରିବାରୁ ବାରଣ କରାଯାଇଥିଲା । ୧୯୫୧ ମସିହାରେ ତତ୍କାଳୀନ ପ୍ରଧାନମନ୍ତ୍ରୀ ରାଜେନ୍ଦ୍ର ପ୍ରସାଦଙ୍କ ସୋମନାଥ ଗସ୍ତ ଉପରେ ଆପତ୍ତି ଉଠିଥିଲା । ଦୁର୍ଭାଗ୍ୟବଶତଃ, ଆଜି ମଧ୍ୟ, ସୋମନାଥ ମନ୍ଦିରର ପୁନଃବିକାଶକୁ ବିରୋଧ କରୁଥିବା ଶକ୍ତିଗୁଡ଼ିକ ଉପସ୍ଥିତ ଏବଂ ସକ୍ରିୟ ଅଛନ୍ତି । ଭାରତ ବିରୁଦ୍ଧରେ ଲୁଚି ରହିଥିବା ଷଡ଼ଯନ୍ତ୍ର ଦ୍ୱାରା ଖଣ୍ଡା ବଦଳରେ ସ୍ଥାନ ପାଇଛି । ଆମକୁ ସେମାନଙ୍କ ବିଷୟରେ ଅଧିକ ସଚେତନ ହେବାକୁ ପଡିବ । ଆମକୁ ନିଜକୁ ମଜବୁତ କରିବାକୁ ପଡିବ ଏବଂ ଏକତାରେ ରହିବାକୁ ପଡିବ । ଆମକୁ ବିଭାଜିତ କରିବାକୁ ଚେଷ୍ଟା କରୁଥିବା ପ୍ରତ୍ୟେକ ଶକ୍ତିକୁ ପରାସ୍ତ କରିବାକୁ ପଡିବ । ଗତ ୧୦୦୦ ବର୍ଷର ଯାତ୍ରା ଆମକୁ ଆଗାମୀ ୧୦୦୦ ବର୍ଷ ପାଇଁ ପ୍ରସ୍ତୁତ ରହିବାକୁ ପ୍ରେରଣା ଦେବ । "
ଦୁର୍ଭାଗ୍ୟବଶତଃ, ସ୍ୱାଧୀନତା ପରେ, ଉପନିବେଶବାଦୀ ମାନସିକତା ଥିବା ଲୋକମାନେ ଆମର ଗୌରବମୟ ଅତୀତକୁ ଦୂର କରିବାକୁ ଚେଷ୍ଟା କରିଥିଲେ । ସେମାନେ ଇତିହାସକୁ ଲିଭାଇ ଦେବାକୁ ଯଥାସମ୍ଭବ ଚେଷ୍ଟା କରିଥିଲେ । ଯେଉଁମାନେ ସୋମନାଥ ମନ୍ଦିର ପାଇଁ ଲଢ଼ିଥିଲେ ସେମାନଙ୍କୁ ସ୍ୱୀକୃତି ଏବଂ ଗୁରୁତ୍ୱ ଦିଆଯାଇ ନଥିଲା । କିଛି ଐତିହାସିକ ଏବଂ ରାଜନେତା ଏହି ଆକ୍ରମଣକାରୀଙ୍କ ଇତିହାସକୁ ହ୍ୱାଇଟ୍ ୱାସ୍ କରିବାକୁ ଚେଷ୍ଟା କରିଥିଲେ । ସୋମନାଥ ମନ୍ଦିରକୁ ଥରେ ନୁହେଁ ବାରମ୍ବାର କରାଯାଇଥିଲା । ଏହାର ସମ୍ପତ୍ତି ଲୁଟିବା ପାଇଁ ଭାଙ୍ଗି ଦିଆଯାଇଥିବା ଆମକୁ କୁହାଯାଇଥିଲା । ଘୃଣା, ଅତ୍ୟାଚାର ଏବଂ ଆତଙ୍କର ନିଷ୍ଠୁର ଇତିହାସ ଆମଠାରୁ ଲୁଚା ଯାଇଥିଲା । "
#WATCH | Somnath, Gujarat | PM Narendra Modi says, "... Unfortunately, after independence, people with a colonial mindset tried to get rid of our glorious past. They tried all they could to erase history... Those who fought for the Somnath Temple were not given their due… pic.twitter.com/xNrJFCnRQ6
— ANI (@ANI) January 11, 2026
