ନୂଆଦିଲ୍ଲୀ : ସଂଯୁକ୍ତ ଆରବ ଏମିରେଟ୍ (ୟୁଏଇ)ର ସିଭିଲ ଆଭିଏସନ ଅଥୋରିଟି ଯୁଦ୍ଧ ମଧ୍ୟରେ ଫସି ଥିବା ଯାତ୍ରୀଙ୍କ ପାଇଁ ଭଲ ଖବର ଦେଇଛି। ଏହା ସୋମବାର ଘୋଷଣା କରିଛି ଯେ, ସବୁ ପ୍ରମୁଖ ବିମାନ ବନ୍ଦରରୁ ସ୍ପେଶାଲ ଫ୍ଲାଇଟ୍ର ଅପରେଟ୍ କରାଯାଉଛି, ଯାହାକି ସଂଘର୍ଷର କାରଣରୁ ଫସି ଥିବା ଯାତ୍ରୀଙ୍କୁ ବାହାର କରାଯାଇ ପାରିବ ଏବଂ ତାଙ୍କର ପ୍ରତ୍ୟାବର୍ତ୍ତନ ସମ୍ଭବ ହୋଇ ପାରିବ। ଆମେରିକା ଓ ଇସ୍ରାଏଲ ପକ୍ଷରୁ ଇରାନ ଉପରେ ହମଲା ପରେ କ୍ଷେତ୍ରୀୟ ବିମାନ କ୍ଷେତ୍ର ବନ୍ଦ ହୋଇଯିବା ଯୋଗୁଁ ଦୁବାଇ , ଆବୁ ଧାବୀ ସହ ଅନେକ ବିମାନ ବନ୍ଦର ପ୍ରଭାବିତ ହୋଇଛି। ଏଥିଯୋଗୁଁ ହଜାର ହଜାର ଉଡ଼ାଣ ବାତିଲ ହୋଇଛି ଏବଂ ସାରା ବିଶ୍ୱରେ ଲକ୍ଷ ଲକ୍ଷ ଯାତ୍ରୀ ପ୍ରଭାବିତ ହୋଇଛନ୍ତି। ୟୁଏଇ ସରକାର ପୂର୍ବରୁ ଫସି ରହିଥିବା ଯାତ୍ରୀଙ୍କ ପାଇଁ ନିବାସ ଓ ଭୋଜନର ବ୍ୟବସ୍ଥା କରିଥିଲେ। ଏବେ ବିଶେଷ ଉଡ଼ାଣ ମାଧ୍ୟମରେ ସେମାନଙ୍କୁ ବାହାର କରିବାକୁ ପ୍ରାଥମିକତା ଦିଆ ଯାଉଛି।
ଆମେରିକା ଓ ଇସ୍ରାଏଲ ଇରାନ ଉପରେ ବଡ଼ ଧରଣର ଆକ୍ରମଣ କରିଛନ୍ତି, ଯେଉଁଥିରେ ପଶ୍ଚିମ ଏସିଆରେ ଯୁଦ୍ଧର ବିସ୍ତାର ହୋଇଯାଇଛି। ଶନିବାର ଆରମ୍ଭ ହୋଇଥିବା ଏହି ସବୁ ହମଲାରେ ଇରାନର ସୁପ୍ରିମ ଲିଡର ଅୟାତୁଲ୍ଲାହ ଅଲୀ ଖାମେନିଙ୍କ ସହ ଅନେକ ଶୀର୍ଷ ନେତାଙ୍କ ମୃତ୍ୟୁ ହୋଇଛି। ଆମେରିକା ଓ ଇସ୍ରାଏଲ ଇରାନର ପରମାଣୁ କାର୍ଯ୍ୟକ୍ରମ, ବାଲିଷ୍ଟିକ୍ ମିସାଇଲ ସାଇଟ୍ ଓ ସାମରିକ ଠିକଣାକୁ ଟାର୍ଗେଟ୍ କରିଛନ୍ତି। ଇରାନର ଜବାବୀ କାର୍ଯ୍ୟାନୁଷ୍ଠାନରେ ଇସ୍ରାଏଲ , ଆମେରିକୀୟ ଠିକଣା ଓ ଉପସାଗରୀୟ ଦେଶ ଗୁଡ଼ିକ ଉପରେ ମିସାଇଲ ଓ ଡ୍ରୋନ୍ ହମଲା କରିଛନ୍ତି, ଯେଉଁଥିରେ ଦୁବାଇ, ଅବୁ ଧାବୀ ଓ ଦୋହାର ବିମାନ ଆଡ୍ଡାକୁ କ୍ଷତି ପହଞ୍ଚିଛି। ଏହି ସଂଘର୍ଷରେ ବିଶ୍ୱ ସ୍ତରରେ ତୈଳ ଦରରେ ବୃଦ୍ଧି ଘଟିଛି ଏବଂ ଯାତ୍ରା ବ୍ୟବସ୍ଥା ଠପ୍ ହୋଇ ଯାଇଛି। ଅନେକ ଦେଶ ନିଜ ନିଜର ନାଗରିକଙ୍କୁ ସୁରକ୍ଷିତ ସ୍ଥାନରେ ରହିବାକୁ ପରାମର୍ଶ ଦେଇଛନ୍ତି।
ଇରାନର ପାଲଟା ଆକ୍ରମଣରେ ଉପସାଗରୀୟ ଅଞ୍ଚଳର ପ୍ରମୁଖ ବିମାନ ବନ୍ଦର ବନ୍ଦ ହୋଇ ଯାଇଛି,ଏଥିରେ ଲକ୍ଷ ଲକ୍ଷ ଯାତ୍ରୀ ଫସି ରହିଛନ୍ତି। ଦୁବାଇ ଇଣ୍ଟରନ୍ୟାସନାଲ ଏୟାରପୋର୍ଟ, ଆବୁ ଧାବୀର ଜାୟଦ ଇଣ୍ଟରନ୍ୟାସନାଲ ଏୟାରପୋର୍ଟ ଓ ଦୋହାର ବିମାନ ବନ୍ଦର ଉପରେ ସିଧାସଳଖ ଆକ୍ରମଣ ହୋଇଛି। ଏମିରେଟ୍ସ ଏୟାରଲାଇନ୍ସ ସୋମବାର ସନ୍ଧ୍ୟାରୁ ସୀମିତ ଉଡ଼ାଣ ପୁଣି ଥରେ ଆରମ୍ଭ କରିବାକୁ ଘୋଷଣା କରିଛି, ଯାହାକି ଏତିହାଦ ଏୟାରୱେଜ୍ କିଛି ବିଶେଷ ଉଡ଼ାଣ ପରେଟ୍ କରିଛି , ଯାହାକୁ ମସ୍କୋ, ଏମଷ୍ଟର୍ଡମ ଓ ପ୍ୟାରିସ ପାଇଁ। ଫ୍ଲାଇ ଦୁବାଇ ମଧ୍ୟ କିଛି ଜଣାଶୁଣା ଉଡ଼ାଣ ସୁବିଧା କରିଛି। ହେଲେ, କତାର ଏୟାରୱେଜ୍ ଉଡ଼ାଣ ନିଲମ୍ୱିତ କରିଛି ଏବଂ ମଙ୍ଗଳବାର ସକାଳେ ଅପଡେଟ୍ ଦେବା କଥା କହିଛି।
ଏହି ସଙ୍କଟ ବିଶ୍ୱସ୍ତରର ଯାତ୍ରାରେ ଖୁବ୍ ପ୍ରଭାବ ପକାଇଛି। ରିପୋର୍ଟ ମୁତାବିକ , ଇଣ୍ଡୋନେସିଆର ୫୮ ହଜାରରୁ ଅଧିକ ଉମରାହ ଯାତ୍ରୀ ସାଉଦୀ ଆରବରେ ଫସିଛନ୍ତି। ଜର୍ମାନୀର ୩୦ ହଜାର ପର୍ଯ୍ୟଟକ କ୍ରୁଜ୍ ଜାହାଜ ଓ ହୋଟେଲ୍ରେ ଅଟକି ରହିଛି।
