କୋରାପୁଟ, ୨୮/୨ : ରାଜ୍ୟ ପୋଲିସର ୭୩ ତମ ଜାତୀୟ ଖେଳକୁଦ ପ୍ରତିଯୋଗିତାରେ କୋରାପୁଟର ସଫଳତା। କୋରାପୁଟ ପୋଲିସ ସ୍ପୋର୍ଟସ ଟିମ୍ ପ୍ରତିଯୋଗିତାରେ ଅଂଶଗ୍ରହଣ କରି ଦୁଇ ଗୋଲ୍ଡ ସହ ତିନି ସିଲଭର ମେଡାଲ ବିଜେତା ହୋଇ ପାରିଛନ୍ତି। କଟକଠାରେ ଆୟୋଜିତ ପ୍ରତିଯୋଗିତାରେ ଅଂଶଗ୍ରହଣ କରି ସଫଳତା ପାଇବା ପରେ ଆଜି କୋରାପୁଟ କାର୍ଯ୍ୟାଳୟରେ ଏସପିଙ୍କ ସହ ସାକ୍ଷାତ କରିଛନ୍ତି ଟିମ୍।
ଚଳିତବର୍ଷ କୋରାପୁଟ ପୋଲିସ ସ୍ପୋର୍ଟସ ଟିମ୍ ଜାବଲିନ ଥ୍ରୋ ପ୍ରତିଯୋଗିତାରେ ପୁର୍ବ ରେକର୍ଡ଼ ଭାଙ୍ଗି ଗୋଲ୍ଡ ମେଡେଲ ଆଣି ସଫଳତା ଆଣିଛନ୍ତି। ବିଭିନ୍ନ ଖେଳକୁଦ ପ୍ରତିଯୋଗିତାରେ କୋରାପୁଟ ପୋଲିସ ସ୍ପୋର୍ଟସ ଟିମ୍ ଅଂଶଗ୍ରହଣ କରିଥିଲେ। ପ୍ରତିଯୋଗିତା ପାଇଁ ଦେଢ଼ ମାସ ପୁର୍ବରୁ ଅଭ୍ୟାସ କରାଯାଇଥିଲା। ଆଗକୁ ରାଜ୍ୟ ସ୍ତରରେ ଭଲ ପ୍ରଦର୍ଶନ କରି ଜିଲ୍ଲା ପୋଲିସର ନାଁ ରଖିବାକୁ ଚେଷ୍ଟା କରିବୁ କହିଛନ୍ତି। ସମସ୍ତ ଖେଳାଳୀମାନଙ୍କୁ ଆଗାମୀ ଭବିଷ୍ୟତ ପାଇଁ ଶୁଭେଚ୍ଛା ଜଣାଇଥିଲେ କୋରାପୁଟ ଏସପି।
