ଭୁବନ,୧୮।୫: ଭୁବନ ବ୍ଲକ ଦୀଘି ପଞ୍ଚାୟତ କେନ୍ଦୁଢିପି ଗ୍ରାମର ରାମଚନ୍ଦ୍ର ଦାସଙ୍କ ସାନପୁଅ ସରୋଜ ସେନାବାହିନୀରେ କାର୍ଯ୍ୟ କରୁଥିଲେ । ସିକିମଠାରେ ତ୍ରିସ୍ଥା ନଦୀରେ ଭୟଙ୍କର ବନ୍ୟାରେ ୨୩ ଜଣଙ୍କର ମୃତ୍ୟୁ ହୋଇଥିଲା । ଏଥିରେ ସରୋଜ ମଧ୍ୟ ପ୍ରାଣ ହରାଇଥିଲେ । ରବିବାର ସହିଦ ସରୋଜଙ୍କର ୩୧ତମ ଜନ୍ମ ଜୟନ୍ତୀ ପାଳନ ହୋଇଛି । ଏହି ଅବସରରେ ସ୍ଥାନୀୟ ବିଧାୟକ ଶତ୍ରୁଘ୍ନ ଜେନା କେନ୍ଦୁଢିପିରେ ଏକ ପୂର୍ଣ୍ଣାଙ୍ଗ ମୂର୍ତ୍ତି ଅନାବରଣ କରିଥିଲେ ।
ତାଙ୍କ ଜନ୍ମ ଜୟନ୍ତୀରେ ପୂର୍ବତନ ବ୍ଲକ ଅଧ୍ୟକ୍ଷ ପ୍ରେମାନନ୍ଦ ଜେନା, ଜିଲ୍ଲା ପରିଷଦ ସଦସ୍ୟା ଶିଳାରାଣୀ ସାହୁ, ସମାଜସେବୀ ସଚିଦାନନ୍ଦ ରାଉତ, ସୁଶାନ୍ତ ସ୍ଵାଇଁ, ବିଷ୍ନୁ ମିଶ୍ର, ରୁନୁବାଳା ରାଉତ, ରଞ୍ଜନ ବାରିକ, ଧବି ଦାସ ଯୋଗ ଦେଇଥିଲେ । ଗଙ୍ଗାଧର ନାୟକ ମଞ୍ଚ ପରିଚାଳନା କରିଥିଲେ । ସହିଦଙ୍କ ବଡ଼ଭାଇ ମନୋଜ ଦାସ ଧନ୍ୟବାଦ ଅର୍ପଣ କରିଥିଲେ । ପ୍ରକାଶ ଚନ୍ଦ୍ର ପୁହାଣ, ମା' ଶାନ୍ତିଲତା ଦାସ, ଭଉଣୀ ଲତା, ବନିତା, ଭାଉଜ ସସ୍ମିତା ସହଯୋଗ କରିଥିଲେ । କେନ୍ଦ୍ର ସରକାର ଏହାକୁ ବାଟେଲ୍ କାଜୁଆଲିଟି ଘୋଷାଣ କରିଥିଲେ ବି କୌଣସି ସହଯୋଗ ମିଳିଲା ନାହିଁ ବୋଲି ପରିବାର ଲୋକ କ୍ଷୋଭ ପ୍ରକାଶ କରିଛନ୍ତି ।
