ଡାମାସ୍କସ୍,୩୧/୦୧: ସିରିଆର ବିଦ୍ରୋହୀ ଗୋଷ୍ଠୀ ତହରିର୍ ଅଲ୍ ଶାମ୍ (ଏଚ୍ଟିଏସ୍) ନେତା ଅବୁ ମହମ୍ମଦ ଅଲ୍ ଜୁଲାନି ବୁଧବାର ନିଜକୁ ରାଷ୍ଟ୍ରପତି ଘୋଷଣା କରିଛନ୍ତି । ଏଥିସହ ଦେଶର ସମ୍ବିଧାନକୁ ଶେଷ କରିଦେଇଛନ୍ତି । ଯେ ପର୍ଯ୍ୟନ୍ତ ଦେଶକୁ ସମ୍ପୂର୍ଣ୍ଣ ଭାବେ ସ୍ଥିରତା ନ ଫେରିଛି ସେ ପର୍ଯ୍ୟନ୍ତ ଜୁଲାନି ରାଷ୍ଟ୍ରପତି ପଦରେ ରହିବେ ବୋଲି କମାଣ୍ଡର ହସନ ଅବଦେଲଘାନି କହିଛନ୍ତି । ସିରିଆର ସଂସଦ ଭଙ୍ଗ କରାଯାଇଛି । ନୂଆ ସମ୍ବିଧାନ ଲାଗୁ ହେବା ପର୍ଯ୍ୟନ୍ତ ରାଷ୍ଟ୍ରପତି ଏକ ଅସ୍ଥାୟୀ ବିଧାନ ପରିଷଦ ଗଠନ କରିବେ । ତେବେ ଏହି ବିଧାନ ପରିଷଦର ସମୟ ସୀମା କେତେ ଦିନ ରହିବ ତାହା କୁହାଯାଇନାହିଁ ।
ହସନ୍ କହିଛନ୍ତି, ପୂର୍ବତନ ରାଷ୍ଟ୍ରପତି ବସର ଅଲ୍-ଅସଦଙ୍କ ପାର୍ଟି ସହ ଜଡ଼ିତ ସମସ୍ତ ସଙ୍ଗଠନ ଏବଂ ସଂସ୍ଥାକୁ ଭାଙ୍ଗି ଦିଆଯାଇଛି । ବସରଙ୍କ ସମସ୍ତ ସମ୍ପତ୍ତି ଉପରେ ସିରିଆ ସରକାରଙ୍କ ନିୟନ୍ତ୍ରଣ ରହିବ ।
