ମୁମ୍ବାଇ, ୪/୩ : ତମନ୍ନା ଭାଟିୟା ଏବଂ ବିଜୟ ବର୍ମାଙ୍କ ଫ୍ୟାନ୍ସଙ୍କ ଲାଗି ଖରାପ ଖବର । ରିପୋର୍ଟ୍ସ ଅଛି କି ଉଭୟଙ୍କ ବ୍ରେକଅପ୍ ହୋଇଯାଇଛି । ସେମାନେ ସାଙ୍ଗ ଭଳି ରହିବାକୁ ନିଷ୍ପତ୍ତି ନେଇଛନ୍ତି । ଉଭୟେ ନିଜ ଇଷ୍ଟାଗ୍ରାମରେ ଜଣେ ଅନ୍ୟ ଜଣଙ୍କ ଫଟୋ ହଟାଇ ଦେଇଛନ୍ତି । ମାତ୍ର ତମନ୍ନା ଏବଂ ବିଜୟ ଅଫିଶିଆଲ କିଛି ଘୋଷଣା କରିନାହାନ୍ତି ।
ତମନ୍ନା ଭାଟିୟା ଏବଂ ବିଜୟ ବର୍ମା ବହୁ ଲୋକପ୍ରିୟ କପୁଲ ଥିଲେ । ସେ ନିଜ ସମ୍ପର୍କକୁ ଅଫିଶିୟାଲ କରି ଦେଇଥିଲେ । ଡିସେମ୍ବର ୨୦୨୨ରେ ଉଭୟଙ୍କ ଆଫେୟରର ଚର୍ଚ୍ଚା ଆରମ୍ଭ ହୋଇଯାଇଥିଲା । ଗୋଆର ପାର୍ଟିରୁ ତାଙ୍କର ଭିଡ଼ିଓ ଭାଇରାଲ ହୋଇଥିଲା । ଏଥିରେ ଉଭୟେ କିସ୍ କରୁଥିବାର ନଜର ଆସିଥିଲେ । ସୋସିଆଲ ମିଡ଼ିଆରେ ତାଙ୍କର ଏହି ଭିଡ଼ିଓ ଖୁବ୍ ଚର୍ଚ୍ଚାରେ ଆସିଥିଲା ।
ଏହି ସମୟରେ ଉଭୟେ ଓ୍ବେବ ଲଷ୍ଟ ଷ୍ଟୋରିଜରେ କାମ କରୁଥିଲେ । ଉଭୟଙ୍କୁ ଏକାସାଥିରେ କେତେକ ଥର ସ୍ପଟ୍ ବି କରାଯାଇଥିଲା । ବିଜୟ ବର୍ମା ତମନ୍ନା ଭାଟିୟାଙ୍କ ବର୍ଥଡେ ସେଲିବ୍ରେଶନରେ ବି ପହଞ୍ଚିଥିଲେ । ଏହାପରେ ସେମାନେ ଏକ ଇଭେଣ୍ଟରେ ଜଣେ ଅନ୍ୟ ଜଣଙ୍କ ହାତ ଧରିଥିବା ନଜର ଆସିଥିଲେ ।
