ଭଦ୍ରକ, ୨୩/୦୧ : ଭଦ୍ରକରେ ଅଟୋ ଡ୍ରାଇଭର ଛୁଆ ନେଇଯିବା ଘଟଣା। ୫ ବର୍ଷର ଶିଶୁକୁ ଆଣି ପୋଲିସ ଜିମା ଦେଲେ ଅଟୋ ଡ୍ରାଇଭର୍। ସେ କହିଛନ୍ତି ଯେ, ପିଲାଟି ଅଟୋର ପଛ ସିଟ୍ରେ ଶୋଇ ପଡିଥିଲା। ସେ ଜାଣି ପାରି ନଥିଲେ। ପିଲାଟି କାନ୍ଦିବାରୁ ଅଟୋ ଡ୍ରାଇଭର ଜଣକ ଜାଣିବା ପରେ ପୋଲିସ ଜିମା ଦେଇଛନ୍ତି।
ଏହି ଖବରଟିକୁ ପଢନ୍ତୁ-ଭଦ୍ରକରେ ୫ ବର୍ଷର ଶିଶୁ ଚୋରି, ଛୁଆ ନେଇଗଲା ଅଟୋ ଡ୍ରାଇଭର୍
ସୂଚନାଯୋଗ୍ୟ, ମହାରାଷ୍ଟ୍ରରୁ କିଛି ଲୋକ ଭଦ୍ରକ ଆସିଥିଲେ। ଭଦ୍ରକ ଷ୍ଟେସନରେ ଓହ୍ଲାଇବା ପରେ ଦୁଇଟି ଅଟୋରେ ବନ୍ତ ଛକ ନିକଟକୁ ଆସିଥିଲେ। ଗୋଟିଏ ଅଟୋରୁ ସବୁ ଲୋକେ ଓହ୍ଲାଇ ଯାଇଥିଲେୱ ହେଲେ ୫ ବର୍ଷର ଏକ ଛୋଟ ପିଲା ଗାଡ଼ିରେ ବସିଥିଲା। ଏହାର ସୁଯୋଗ ନେଇ ଅଟୋ ଡ୍ରାଇଭର୍ ପିଲାଟିକୁ ନେଇ ଦ୍ରୁତ ଗତିରେ ଫେରାର୍ ହୋଇଯାଇଥିଲା। ଯାତ୍ରୀଙ୍କ ପାଟି ଶୁଣି ସ୍ଥାନୀୟ ଲୋକେ ସଙ୍ଗେସଙ୍ଗେ ଅନ୍ୟ ଅଟୋ ଡ୍ରାଇଭର୍କୁ କାବୁ କରି ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ଅଟୋ ଡ୍ରାଇଭର୍କୁ ଥାନାକୁ ଆଣି ପଚରାଉଚରା କରିଥିଲା।
