ମନମୁଣ୍ଡା, ୮/୬ : ଦାରିଦ୍ର୍ୟ ସୀମାରେଖା ତଳେ ବାସ କରୁଥିବା ବାପ ଛେଉଣ୍ଡ ଯୁବକ ବିଧବା ମା’ ଓ ତିନି ଭାଇଙ୍କ ପୋଷଣ ପାଇଁ ଅଧିକ ଅର୍ଥ ରୋଜଗାର ପାଇଁ ତାମିଲନାଡୁ ଦାଦନ ଖଟିବାକୁ ଯାଇଥିଲା ଜଣେ ଯୁବକ । ବୌଦ୍ଧ ବ୍ଲକ କସୁରବନ୍ଧ ପଞ୍ଚାୟତ ମସିଣାପଡା ଗ୍ରାମର ରାଜେଶ ମଲ୍ଲିକ ଓରଫ ଲିଲୁ (୨୭)। ସେହିପରି ଅଧିକ ଅର୍ଥ ରୋଜୋଗାର କରି ନିଜେ ବାହା ହୋଇ ମା କୁ ସୁଖରେ ରଖିବ ବୋଲି ସ୍ବପ୍ନ ରଖିଥିଲା ସେ। ହେଲେ ତା ସ୍ବପ୍ନ ପୂରଣ ହୋଇ ପାରିଲା ନାହିଁ ଓ ଚାଲିଗଲା ଆରପାରିକୁ।
ଯାହାକୁ ସୁଖରେ ରଖିବ ବୋଲି କହି ଯାଇଥିଲା " ତା ମାଆ " ନିଜ ପୁଅର ଶେଷ ଦର୍ଶନ ମଧ୍ୟ କରି ପାରିଲା ନାହିଁ। ରାଜେଶ ମଲ୍ଲିକ ତାମିଲନାଡୁରେ କାମ କଲାବେଳେ ଜଣ୍ଡିସ ରୋଗରେ ଆକ୍ରାନ୍ତ ହୋଇଥିଲା। ସେ କୋଇମ୍ବାଟୁର ଡାକ୍ତରଖାନାକୁ ଚିକିତ୍ସା ପାଇଁ ଯାଇଥିଲାବେଳେ ଗତ ୨ତାରିଖରେ ତାଙ୍କ ଦେହାନ୍ତ ହୋଇଯାଇଥିଲା। ଦୁଃଖଦ ଖବର ପାଇ ମୃତକର ମା’ ତପ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲେ।
ମୃତକର ସାନ ଭାଇ ଆରିଆନ ମା’କୁ ଘରେ ଜଗି ରହିଲାବେଳେ ଅନ୍ୟ ଦୁଇ ଭାଇ ରାକେଶ ଏବଂ ମୁକେଶ ମୃତକକୁ ଘରକୁ ଫେରାଇ ଆଣିବାକୁ କୋଇମ୍ବାଟୁର ଯାଇଥିଲେ। ଭାଷାଗତ ଅସୁବିଧା ଓ ବଡ଼ ସହରରେ ଗାଉଁଲି ଦୁଇ ଭାଇ ଠିକଣା ପାଇବା ସୁବିଧା ଓ କଥାବାର୍ତ୍ତା ଅସୁବିଧାକୁ ଦେଖି ମସିଣାପଡ଼ାର ଜଣେ ତାମିଲ ଯୁବକ ତଥା ସମାଜସେବୀ ବାସୁଦେବ ସେଟିଆର ସେଠାକୁ ଯାଇ ମୃତକର ଦୁଇ ଭାଇଙ୍କୁ ସାହାଯ୍ୟ କରିଥିଲେ। ଶବ ଆଣିବାକୁ ୮୦ହଜାର ଟଙ୍କା ଗାଡ଼ି ଭଡ଼ା ଲାଗିବ ବୋଲି ସେଠିକାର ଗାଡ଼ି ମାଲିକ କହିବାରୁ ଅନୋନ୍ୟପାୟ ହୋଇ ସମାଜସେବୀ ବାସୁଦେବ ଙ୍କ ସହଯୋଗ ରେ ମୃତକ କୁ ତାଙ୍କ ଦୁଇ ଭାଇ ଗତ ୩ତାରିଖ ରେ ଲସେଠାରେ ଶବ ସତ୍କାର କରି ଫେରିଆସିଥିଲେ।
