ଗାନ୍ଧୀନଗର : କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ଶନିବାର ଏକ ଜନସଭାକୁ ସମ୍ୱୋଧିତ କରି ପାକିସ୍ତାନ ଉପରେ ଭାରତର ସେନା କାର୍ଯ୍ୟକ୍ରମକୁ ନେଇ ଦେଇଛନ୍ତି ବଡ଼ ବୟାନ। ସେ କହିଛନ୍ତି ଯେ ,ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତ ଆତଙ୍କବାଦକୁ ଦୃଢ ଜବାବ ଦେଇଛନ୍ତି ଏବଂ ପ୍ରଥମ ଥର ସ୍ୱାଧୀନତା ପରେ ଏମିତି ହୋଇଛି ଯେ, ଯେବେ ଭାରତୀୟ ସେନା ପାକିସ୍ତାନ ଭିତରେ ୧୦୦ କିଲୋମିଟର ପର୍ଯ୍ୟନ୍ତ ପଶି ଆତଙ୍କୀ ଠିକଣା ଧ୍ୱଂସ ବିଧ୍ୱଂସ କରି ଦେଇଛି।
ଗୃହମନ୍ତ୍ରୀ ଅମିତ ଶାହ କହିଛନ୍ତି , ଯେବେ ଠାରୁ ପ୍ରଧାନମନ୍ତ୍ରୀ ମୋଦି ଶାସନ ସମ୍ଭାଳିଛନ୍ତି, ସେବେ ଠାରୁ ଆତଙ୍କବାଦୀ ହମଲାର ଏମିତି ଜବାବ ଦିଆ ଯାଇଛି ଯେ, ପୂରା ଦୁନିଆ ଆଶ୍ଚର୍ଯ୍ୟ ଏବଂ ପାକିସ୍ତାନ ବିଚଳିତ ହୋଇଛି। ଏହି ଥର ଅପରେସନ ସିନ୍ଦୂର ଅନୁସାରେ , ଜୈଶ-ଏ-ମହମ୍ମଦ ଓ ଲସ୍କର-ଏ-ତୈୟବା ଭଳି ଆତଙ୍କୀ ସଙ୍ଗଠନର ହେଡକ୍ୱାଟର ଧ୍ୱଂସ କରି ଦିଆ ଯାଇଛି।
୧୦୦ କିଲୋମିଟର ଭିତରେ ଶତ୍ରୁ ନିପାତ : ଅମିତ ଶାହ
ସେ ଆହୁରି କହିଛନ୍ତି ଯେ, ଭାରତୀୟ ସେନା ମୋଟ ୯ଟି ଏମିତି ଠିକଣାକୁ ଧ୍ୱଂସ କରିଛି , ଯେଉଁଠି ଆତଙ୍କୀଙ୍କ ଟ୍ରେନି ହେଉଥିଲା ଏବଂ ଯାହା ସେମାନଙ୍କର ଲୁଚିବା ସ୍ଥାନ ଥିଲା। ଶାହ କହିଛନ୍ତି , ଆମର ସେନା ଆତଙ୍କୀଙ୍କୁ ଏମିତି ଜବାବ ଦେଇଛି ଯେ , ୧୦୦ କିଲୋମିଟର ଭିତର ପର୍ଯ୍ୟନ୍ତ ଯାଇ ତାଙ୍କର ଶିବିରକୁ ଧ୍ୱଂସ କରି ଦେଇଛନ୍ତି।
ପାକ୍ର ପରମାଣୁ ଧମକରେ ଶାହଙ୍କ ଆକ୍ରମଣ – ପାକିସ୍ତାନର ପରମାଣୁ ଧମକକୁ ନେଇ ମଧ୍ୟ ଶାହ ଦୃଢ ଜବାବ ଦେଇଛନ୍ତି। ସେ କହିଛନ୍ତି , ଯିଏ ଆମକୁ ପରମାଣୁର ଧମକ ଦେଉଥିଲେ ,ସେମାନେ ଭାବୁଥିଲେ ଯେ ଭାରତ ଡ଼ରି ଯିବ। କିନ୍ତୁ ଆମର ସେନା , ନୌସେନା ଓ ବାୟୁସେନା ତାଙ୍କୁ ଏମିତି ଜବାବ ଦେଲେ ଯେ, ଏବେ ପୂରା ଦୁନିଆ ଆମର ଧୈର୍ଯ୍ୟ ଓ ପିଏମ୍ ମୋଦିଙ୍କ ନେତୃତ୍ୱ କ୍ଷମତାର ପ୍ରଶଂସା କରୁଛି।
ଶାହ ଭାରତୀୟ ସେନାର ପରାକ୍ରମକୁ ସଲାମ କରି କହିଛନ୍ତି କି, ଏହା ପ୍ରଧାନମନ୍ତ୍ରୀ ମୋଦିଙ୍କ ଦୃଢ ରାଜନୀତିକ ଇଚ୍ଛାଶକ୍ତି ଓ ସେନାର ବାହାଦୂରୀର ଫଳ ଯେ, ଏବେ ଭାରତ କେବଳ ଜବାବ ଦେବ ନାହିଁ, ବରଂ ପୂର୍ବରୁ ପ୍ରସ୍ତୁତି କରି ଶତ୍ରୁକୁ ଉଚିତ୍ ଶିକ୍ଷା ଦେବ।
